კახა კალაძე-ჩვენ გვაქვს ელექტროენერგიის ყოველწლიურად მზარდი დეფიციტი

კახა კალაძე – ჩვენ გვაქვს ელექტროენერგიის ყოველწლიურად მზარდი დეფიციტი

ჩვენ გვაქვს ელექტროენერგიის ძალიან დიდი დეფიციტი, რომელიც ყოველწლიურად იზრდება, – ამის შესახებ ჟურნალისტებს ვიცე-პრემიერმა, ენერგეტიკის მინისტრმა კახა კალაძემ განუცხადა.

მისივე განმარტებით, სწორედ დეფიციტის აღმოსაფხვრელად და იმისთვის, რომ საქართველო ენერგეტიკულად მეზობელ ქვეყნებზე აღარ იყოს დამოკიდებული, საჭიროა ჰესების მშენებლობასთან დაკავშირებული პროექტების განხორციელება.

“ჩვენ მაქსიმალურად ვცდილობთ ყველა იმ პრობლემის მოგვარებას, რომელიც დღეს სახელმწიფოს წინაშეა. ჩვენ გვაქვს ელექტროენერგიის ძალიან დიდი დეფიციტი, რომელიც ყოველწლიურად იზრდება. ერთი მხრივ, მისასალმებელია, რომ ელექტროენერგიის მოხმარება იზრდება, რადგან ეს ნიშნავს იმას, რომ ეკონომიკა წინ მიდის და ვითარდება, მაგრამ, მეორე მხრივ, წმინდა ენერგეტიკული თვალსაზრისით, ეს ძალიან მტკივნეულია ჩვენთვის. ამიტომ ყველა ის პროექტი, რომელიც მცირე, საშუალო და დიდი ჰიდროელექტროსადგურების მშენებლობას შეეხება, უნდა განხორციელდეს. ამით ჩვენ შევძლებთ, რომ ენერგეტიკულად აღარ ვიყოთ დამოკიდებული ჩვენს მეზობელ სახელმწიფოებზე. მეტიც, დარწმუნებული ვარ, უახლოეს მომავალში შეგვეძლება საქართველო გახდეს ელექტროენერგიის ექსპორტიორი ქვეყანა”, – აღნიშნა კახა კალაძემ.

Leave a Reply

Menu Title