ენგურჰესის თაღოვანი კაშხლის ტერიტორიის მსოფლიო დონის ტურისტულ ატრაქციად ქცევის პროცესი დაიწყო!

მიმდინარე წლის 14 სექტემბერს, შპს ენგურის ტურისტული ცენტრის დირექტორთა საბჭოს თავმჯდომარემ, ნიკოლოზ ანთიძემ KOKO arhitektid-ის დამფუძნებელს ანდრუს კორესაარსა და ამავე კომპანიის წარმომადგენლებს უმასპინძლა.
ვიზიტის ფარგლებში, პროექტის შესაბამისად, პირველად გამოიცადა ენგურჰესის კაშხლის ტურისტული მარშრუტი, რომელიც მოიცავს ენგურჰესის არქიტექტურული ღირსშესანიშაობების დათვალიერებასა და აღმოჩნას.
მოგეხსენებათ, ენგურჰესის ტურისტულ ატრაქციად ქცევის საპროექტო დოკუმენტაცია 2017-2018 წლებში მომზადდა ესტონური არქიტექტურული კომპანიის KOKO arhitektid-ის მიერ.
გვინდა აღვნიშნოთ, რომ 2021 წლის ოქტომბრის თვიდან, სრულად გაიხსნება ენგურჰესის კაშხლის ტურისტული მარშრუტი და ნებისმიერი ვიზიტორისთვის ხელმისაწვდომს გახდის ენგურჰესის კაშხლის იმ უბნებში ვიზიტს, რომელიც აქამდე ფართო საზოგადოებისთვის შეუძლებელი გახლდათ.

Leave a Reply