ყოველი ათი ადამიანიდან ერთი ინვესტიციას კრიპტოვალუტაში ახორციელებს

CNBC/Momentive Invest in You-ის მიერ ჩატარებული კვლევის თანახმად, გამოკითხულთა 10%-ზე მეტი ინვესტიციას კრიპტოვალუტაში ახორციელებს. ციფრული ფული ინვესტირების მოცულობით უძრავი ქონების, აქციების, ურთიერთდახმარების ფონდებისა და ობლიგაციების შემდგომ მეოთხე ადგილს იკავებს. ინვესტიციების ზრდას გარკვეულწილად ციფრული ვაჭრობის სიმარტივე განაპირობებს.

მნიშვნელოვანია, რომ კრიპტოვალუტის ინვესტორების 65%-მა გასულ წელს აქტივების კლასში გადაინაცვლა. ამავდროულად კი ზოგიერთი კრიპტოვალუტის ფასმა სასაქონლო ნიშნის არასტაბილურობა აჩვენა. მაგალითად, ბიტკოინი აპრილში რეკორდულ $63,000-მდე გაზრდის შემდეგ დაეცა, ხოლო ცოტა ხნის წინ კვლავ გაიზარდა, ამჯერად $50,000-მდე. კრიპტოვალუტით ვაჭრობის ძირითადი მიზეზი გარიგებების დადების სიმარტივე და დროის მოკლე პერიოდში მაღალი ზრდის პოტენციალია.

ამის მიუხედავად, როგორც სხვა ნებისმიერ აქტივში, კრიპტოვალუტაში ინვესტიციასთან დაკავშირებული რისკი კვლავ არსებობს. ექსპერტების რჩევით, კრიპტოვალუტაში ინვესტირებამდე მნიშვნელოვანია მისი კარგად შესწავლა და დარწმუნება, რომ ინვესტორები ზუსტად იაზრებენ იმას, თუ რას ყიდულობენ და იციან გრძელვადიან პერიოდში მათი მიზნების შესაბამისად ვაჭრობის წარმართვა. ბანკებისა და საფონდო ბირჟებისგან განსხვავებით, ამ შემთხვევაში არ არსებობს რაიმე ვირტუალური ხელსაწყო, რომელიც ინვესტორებს შეცდომის დაშვებისგან დაიცავს. კრიპტოვალუტა საშუალებას აძლევს მყიდველებს, თავადვე გახდნენ საკუთარი ბანკი, რაც მიღებულ გადაწყვეტილებებზე პასუხისმგებლობის აღებასაც გულისხმობს.

კრიპტოვალუტის ახალი ინვესტორების დიდი ნაწილი ციფრული მონეტებით იწყებს ვაჭრობას. CNBC-ის გამოკითხვამ აჩვენა, რომ ინვესტორების მესამედი კრიპტოვალუტით ყოველთვიურად ან ყოველკვირეულად, ხოლო თითქმის მეოთხედი ყოველდღიურად ვაჭრობს.

წყარო: forbes.ge

Leave a Reply