ნავთობსა და გაზზე მოთხოვნილების ზრდამ PetroChina-სა და Sinopec-ს შემოსავლის გაზრდის საშუალება მისცა მე-3 კვარტალში

“ნავთობპროდუქტების იმპორტიორთა კავშირის” ცნობით, ჩინური ნავთობისა და გაზის კომპანიებმა “PetroChina Co.” და “China Petroleum & Chemical Corp.” (Sinopec) მესამე კვარტალში გაზარდეს საშემოსავლო მაჩვენებლები. მაჩვენებელი გაიზარდა ბუნებრივ გაზზე და ნავთობზე მოთხოვნილების ზრდის გამო.

ამავე დროს, კომპანიების მოგება შემცირდა საოპერაციო ხარჯების გაზრდის გამო.

PetroChina-ის მიერ გავრცელებული მონაცემების თანახმად, მისი სუფთა მოგება წინა კვარტალში 45%-ით დაეცა 22,09 მილიარდ იუანამდე (3,46 მილიარდი დოლარი). კომპანიის შემოსავალი გაიზარდა 38%-ით და შეადგინა 683,76 მილიარდი იუანი.

ამავდროულად, Sinopec-მა განაცხადა, რომ კვარტალური სუფთა მოგება 55%-ით შემცირდა 20,73 მილიარდ იუანამდე. კომპანიის შემოსავალი 43%-ით გაიზარდა 741,64 მილიარდამდე.

მიმდინარე წლის იანვრიდან სექტემბრამდე პერიოდში PetroChina-ის შემოსავალი გაიზარდა 32%-ით 1,88 ტრილიონ იუანამდე, ხოლო სუფთა მოგება 7-ჯერ გაიზარდა  75,13 მილიარდი იუანამდე. კომპანიაში აღნიშნავენ, რომ მიმდინარე წლის ცხრა თვის განმავლობაში მოგების მნიშვნელოვანი ზრდა განპირობებულია კერძოდ  ნავთობისა და გაზის ფასების ზრდით გასულ წელთან შედარებით.

Sinopec-ის შემთხვევაში, წლის დასაწყისიდან  შემოსავალი გაიზარდა 29%-ით  2,003 ტრილიონ იუანამდე, ხოლო მისი სუფთა მოგება გაორმაგდა და შეადგინა 59,89 მილიარდი იუანი.

მიმდინარე წლის დასაწყისიდან PetroChina-ის აქციები გაძვირდა 56%-ით, ხოლო Sinopec-ის – 9%-ით.

Leave a Reply

Menu Title