აშშ მსოფლიო ბაზარზე გაიტანს ნავთობის სტრატეგიული მარაგის ნაწილს

აშშ-ის პრეზიდენტმა ჯო ბაიდენმა სამშაბათს გამოაცხადა, რომ ბაზრისკენ მიმართავს ნავთობის სტრატეგიული მარაგის ნაწილს. ვაშინგტონში მიიჩნევენ, რომ ამ ზომამ შესაძლოა შეამციროს მსოფლიოში ბუნებრივი აირის ფასები საშობაო არდადეგების წინა პერიოდში. ამის შესახებ CNN-ი იტყობინება.

აშშ-ის ენერგეტიკის სამინისტრო ბაზარზე გაიტანს 50 მილიონ ბარელ ნავთობს. მაგრამ ამ ნაბიჯის ეფექტი შესაძლოა არ იყოს საკმარისი, ვინაიდან ნავთობი ბაზარზე, სავარაუდოდ, არაუადრეს დეკემბრის შუა რიცხვების ან ბოლოსთვის გამოჩნდება.

2019 წელს აშშ-ის შიდა დღიური მოხმარება 20,5 მილიონ ბარელს შეადგენდა, 2020 წელს კი – 18,1 მილიონ ბარელს. 2019 წლის მაჩვენებლებზე ძლიერ იმოქმედა COVID-19-ის პანდემიამ.

აშშ-ის მიერ ბაზარზე 50 მილიონი ბარელი ნავთობის გატანა დაგეგმილია ჩინეთთან, ინდოეთთან, სამხრეთ კორეასთან და დიდ ბრიტანეთთან კოორდინაციაში. ოფიციალური წყაროები მიიჩნევენ, რომ კოორდინირებულ ძალისხმევას შესაძლოა მეტი მნიშვნელობა ჰქონდეს გაზზე მსოფლიო ფასების შესამცირებლად.

წყარო: “რადიოთავისუფლება”

Leave a Reply