ენერგოომბუდსმენმა ნინო გულეიშვილმა EnergyNews-თან საუბრისას ბუნებრივი გაზის სექტორში არსებულ დარღვევებთან დაკავშირებით ისაუბრა. მისი თქმით, მხოლოდ თბილისში გაუმართავი სისტემის გამო 2 ათასზე მეტ აბონენტს დანადგარები ჩაეხსნათ, მათივე უსაფრთხოებიდან გამომდინარე. ენერგოომბუდსმენი ასევე აცხადებს, რომ  გაუმართავი გამათბობელი ქვაბების არსებობა არა მხოლოდ თბილისში, არამედ სხვა ქალაქებშიც დაფიქსირდა.„სტატისტიკის მიხედვით, რომელიც ჩვენ გამოვითხოვეთ კონკრეტულად „თბილისი ენერჯისგან“, შემაშფოთებელი ციფრები მივიღეთ - 170 ათასი გადამოწმებული აბონენტიდან 2 ათას აბონენტზე მეტთან დაფიქსირდა სხვადასხვა ტიპის დარღვევები, რომელიც დასრულდა მათი დანადგარების ჩახსნით, ხოლო 144 აბონენტს საერთოდ შეუწყვიტეს გაზის მიწოდება, სხვა სიტყვებით რომ ვთქვათ, იქ იყო პრობლემა, რომელიც ვერ მოგვარდებოდა. პოტენციურად ეს აბონენტები ძალიან დიდი საფრთხის ქვეშ იყვნენ, რომ არა კომპანიების მხრიდან ეს შემოწმება.მაგალითად, ქუთაისის შემთხვევაში 40 ათასამდე აბონენტი გადამოწმდა და დაახლოებით 3 ათასამდე აბონენტთან დაფიქსირდა პრობლემა, რომელიც  მხოლოდ დანადგარის ჩახსნით დასრულდა. დაახლოებით 150-მდე აბონენტთან საერთოდ შეწყდა გაზის მიწოდება. მსგავსი სტატისტიკური შედეგები გვაქვს თელავშიც“. - ამბობს ნინო გულეიშვილი.ენერგოომბუდსმენი ასევე აცხადებს, რომ არის შემთხვევები, როდესაც ჩახსნილ დანადგარს მომხმარებელი თვითნებურად აერთებს გაზზე. მისი თქმით, ეს როგორც საფრთხის შემცველია სიცოცხლისთვის, ისე სამართალდარღვევაცაა.„ხშირად კომპანიის წარმომადგენელი ამბობს, რომ მიდის ჩვენების ასაღებად , ნახულობს და ამოწმებს გამათბობელ ქვაბს, სადაც ნახულობენ, რომ გაზზე დაერთებას მომხმარებლები თვითნებურად ახორციელებენ. სხვა სიტყვებით რომ ვთქვათ, დანადგარი ჩახსნილია, მაგრამ მომხმარებელმა ის თვითნებურად დააერთა. ასეთ შემთხვევაში კომპანია სამართალდარღვევის საქმის წარმოებას იწყებს. მას უფლება აქვს, რომ მიწოდება ისევ შეუწყვიტოს და არ აღუდგინოს მანამ, სანამ  პრობლემა არ მოგვარდება“. - განაცხადა ნინო გულეიშვილმა.

​საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) რეგულაციით, მიუხედავად იმისა თუვინ არის ცენტრალური გათბობის მფლობელმომხმარებლად რეგისტრირებული - ფიზიკური, იურიდიული პირი, თუ ამხანაგობა, საყოფაცხოვრებოტარიფი დაერიცხება მოხმარებული გაზის იმოდენობას, რომელიც საყოფაცხოვრებო მიზნით იქნება გამოყენებული. შედეგად, ცენტრალური გათბობისმფლობელ მომხმარებელს მოხმარებული ბუნებრივიგაზის გადასახადი დაერიცხება საყოფაცხოვრებო დაარასაყოფაცხოვრებო მიზნით სარგებლობის წილისშესაბამისად. ​მაგალითად, თუ საანგარიშსწორებო მრიცხველზე დაფიქსირდა 1000 კუბ.მ ბუნებრივი გაზის მოხმარება, ხოლო ცენტრალური გათბობის სისტემაზე დამონტაჟებული ინდივიდუალური მრიცხველის მონაცემებით დასტურდება, რომ 80%-ის მოხმარება საყოფაცხოვრებო მიზნით მოხდა, ლიცენზიატიკომპანია ბუნებრივი გაზის საერთო მოხმარებიდან საყოფაცხოვრებო მიზნით მოხმარებულ წილს გამოითვლის და აღრიცხულ 1000 კუბ.მ-დან 800 კუბ.მ-ზე დარიცხვას განახორციელებს საყოფაცხოვრებო ტარიფით, ხოლო დარჩენილ 200 კუბ.მ-ზე - არასაყოფაცხოვრებო ტარიფით.  საყოფაცხოვრებო მიზნით მოხმარებულიბუნებრივი გაზის წილის დასადგენად, საჭიროა, რომ ცენტრალური გათბობით მოსარგებლე პირთათბოენერგიის (ცხელი წყლისა და გათბობის) მოხმარება აღირიცხებოდეს ინდივიდუალური ჭკვიანიმრიცხველების საშუალებით. ასევე, საჭიროა, რომ ცენტრალური გათბობისსისტემა სარგებლობდეს განახლებადი ან/დაალტერნატიული წყაროთი გაზზე დამოკიდებულებისშემცირების მიზნით. საგულისხმოა, აღნიშნულიმოთხოვნა არ ვრცელდება 2025 წლამდეექსპლუატაციაში შესულ შენობა-ნაგებობებზე და იმშენობა-ნაგებობებზე, რომელთა ძირითადი  კონსტრუქციული სისტემის მოწყობა დასრულდება 2025 წლამდე. მრავალბინიან საცხოვრებელ სახლებში ცენტრალური გათბობის სისტემის დანერგვისა და განახლებადი ენერგიის გამოყენების მიზნით სემეკის ახალი რეგულაცია ხელს უწყობს:- გათბობასა და ცხელ წყალზე დანახარჯების შემცირებას;- ბინაში ინდივიდუალური ქვაბის მოხმარებასთან დაკავშირებული უსაფრთხოების რისკების არიდებასა და საექსპლუატაციო ხარჯების შემცირებას; - ცენტრალური გათბობის სისტემის მაღალ ენერგოეფექტურობას;- განახლებადი ენერგიის (მზის, გეოთერმული, ბიო ენერგიის და სხვა წყაროების) ათვისებას;- ნამწვი აირების გაფრქვევის შემცირებასა და კონტროლს.ცენტრალური გათბობის სისტემით სარგებლობის შესახებ დეტალური ინფორმაცია განთავსებულია სემეკის ვებგვერდზე: https://gnerc.org/ge/user-page/natural-gaz/tsentraluri-gatbobis-sistema

მრავალბინიანი საცხოვრებელ სახლებში ცენტრალური გათბობის სისტემის დანერგვის ხელშეწყობის მიზნით, ცვლილებები განხორციელდა ,,ბუნებრივი გაზის მიწოდებისა და მოხმარების წესებში“. ცვლილებების თანახმად, მიუხედავად იმისა თუ ვინ არის ცენტრალური გათბობის მფლობელ მომხმარებლად რეგისტრირებული (ფიზიკური, იურიდიული პირი, თუ ამხანაგობა), საყოფაცხოვრებო ტარიფი დაერიცხება მოხმარებული გაზის იმ ოდენობას, რომელიც გამოყენებულ იქნება საყოფაცხოვრებო მიზნით. შედეგად, ცენტრალური გათბობის მფლობელ მოხმარებელს მოხმარებული ბუნებრივი გაზის გადასახადი დაერიცხება ამ ცენტრალური გათბობით მოსარგებლე პირთა საყოფაცხოვრებო და არასაყოფაცხოვრებო მიზნით სარგებლობის წილის შესაბამისად. საყოფაცხოვრებო მიზნით მოხმარებული ბუნებრივი გაზის წილის დასადგენად, საჭიროა: ცენტრალური გათბობით მოსარგებლე პირთა თბოენერგიის (ცხელი წყლისა და გათბობის) მოხმარება აღირიცხებოდეს ინდივიდუალური ჭკვიანი მრიცხველების საშუალებით;  ცენტრალური გათბობის სისტემა სარგებლობდეს განახლებადი ან/და ალტერნატიული წყაროთი გაზზე დამოკიდებულების შემცირების მიზნით. სემეკში აცხადებენ, რომ ცენტრალური გათბობით მოსარგებლე საყოფაცხოვრებო მომხმარებელი მიიღებს სხვადასხვა სარგებელს, მათ შორის: შემცირებული გადასახადი ბუნებრივ გაზზე (გათბობასა და ცხელ წყალზე დანახარჯების შემცირება); ბინაში ინდივიდუალური ქვაბის მოხმარებასთან დაკავშირებული უსაფრთხოების რისკების (ტექნიკური გაუმართაობა და სხვა) არიდება და საექსპლუატაციო ხარჯების შემცირება; გათბობასა და ცხელ წყალზე განახლებადი ენერგიით (მზის, გეოთერმული, ბიო ენერგიის და სხვა) სარგებლობის შესაძლებლობა; ცენტრალური გათბობის სისტემის მარგი ქმედების მაღალი კოეფიციენტით სარგებლობა. ○ ასევე შესაძლებელი გახდება ნამწვი აირების გაფრქვევის შემცირება და კონტროლი.

„გაზის გამათბობლების შემოწმების მიზნით, კომპანიები ყოველ წელიწადში ერთხელ გადაამოწმებენ მომხმარებლებს,“ - ამის შესახებ ენერგოომბუდსმენის მოვალეობის შემსრულებელმა ნინო გულეიშვილმა „კვირას“ პრესკლუბში განაცხადა.როგორც გულეიშვილმა აღნიშნა, ძალიან მნიშვნელოვანია, რომ ქსელის და ქსელზე არსებული დანადგარების სწორად გამოყენება, ექსპლუატაციაში სწორად მიღება მოხდეს.„ჩვენთვის, როგორც თითოეული მომხმარებლისთვის ზამთრის სეზონი ყოველთვის გამათბობელი სისტემების ჩართვას უკავშირდება. ამას კიდევ ის ემატება, რომ ამ დანადგარების გამოყენება დახურულ სივრცეში გვიწევს. ამიტომაც ძალიან მნიშვნელოვანია, ქსელის და ქსელზე არსებული დანადგარების სწორად გამოყენება და მათი ექსპლუატაციაში სწორად მიღება მოხდეს.მინდა, განმარტება გავაკეთო იმასთან დაკავშირებით, რომ ბოლო პერიოდში კომისიამ ძალიან კარგი გადაწყვეტილება მიიღო, როდესაც მიწოდების და მოხმარების წესებში მნიშვნელოვანი მუხლი შეიტანა, კომპანიის წარმომადგენლებს წელიწადში ერთხელ მომხმარებლების გადამოწმება დაევალათ.ეს იმას ნიშნავს, რომ კომპანიის წარმომადგენელი მომხმარებელს შეტყობინებას უგზავნის, რომ მასთან კონკრეტულ დღეს ვიზიტი განხორციელდება, ამ დღეს კომპანიის წარმომადგენელი ნახულობს, თუ რა ვითარებაა ამა თუ იმ აბონენტთან. დაახლოებით 2 კვირის წინ ამ კუთხით აქტიური მუშაობა დავიწყეთ. ყველა კომპანიას მოვთხოვეთ, რა სტადიაზე აქვთ შესრულებული სამუშაოები, სტატისტიკა გამოვითხოვეთ იმასთან დაკავშირებით, გაზრდილია, თუ არა პრობლემები, რამდენ მომხმარებელთან მოხდა დანადგარების ჩახსნა, სისტემური პრობლემა რამდენთან აღმოაჩინეს და ა.შ.ჩვენთან შემოსული მასალების მიხედვით, „თბილისი ენერჯის” მაგალითზე რომ გითხრათ, დღეის მდგომარეობით 191 000 აბონენტი ჰყავთ გადამოწმებული, დაახლოებით 2 400 აბონენტთან დარღვევა აღმოჩნდა. დარღვევა 2 ტიპისაა, ერთი – როდესაც კომპანიის წარმომადგენელი ხსნის რომელიმე დანადგარს, იმიტომ, რომ ის არასწორად დამონტაჟებულია, ან არ შეესაბამება დამონტაჟების და მოწყობის სტანდარტებს. ასეთი შემთხვევა დაახლოებით 2 100 აბონენტთან დაფიქსირდა. თუ დანადგარი, ან ქსელი ისეთ მდგომარეობაშია, რომ კომპანიის წარმომადგენელი ჩახსნას ვერ აკეთებს და მას მიწოდებას საერთოდ უწყვეტს, ასეთი შემთხვევა თბილისში, 144 აბონენტთან იყო. წინა წლებთან შედარებით თითქმის იგივე მაჩვენებელია, უბრალოდ მინდა, აღვნიშნო მომხმარებლების დამოკიდებულება იმასთან დაკავშირებით, რომ არსებული დანადგარების შეცვლა უნდა მოახდინონ, მეტად გაზრდილია, ამ კუთხით ნდობაა.თუმცა, ხშირად მომხმარებლისგანაც მესმის, რომ როდესაც კომპანია რომელიმე დანადგარის ჩახსნას, ან ქსელის გადაკეთებას ითხოვს, ეს მათთვის ძალიან რთულად გასაგებია, ყოველთვის გარკვეულ სახსრებთანაა დაკავშირებული. ჩვენთანაც მოდიან კონსულტაციაზე, მაგრამ, ჩვენ ყოველთვის ვამბობთ, რომ როდესაც საქმე უსაფრთხოებას, ჯანმრთელობას, სიცოცხლეს ეხება, ყველა რეკომენდაცია, რომელიც კომპანიის მხრიდანაა გაცემული, აუცილებლად დაკმაყოფილებული უნდა იყოს,” – განაცხადა გულეიშვილმა „კვირას“ პრესკლუბში.

სემეკის თავმჯდომარის, დავით ნარმანიას განცხადებით, უკანასკნელი პერიოდის განმავლობაში ბუნებრივი არის შედეგად მიყენებული ინციდენტები მნიშვნელოვნად შემცირდა. მისივე თქმით, ამის მიზეზი როგორც რეგულაციების სწორი ცვლილება, ისე გაზის კომპანიების მხრიდან მასიური შემოწმებები გახდა. დავით ნარმანია ფიქრობს, რომ ამ ეტაპზე კიდევ ერთ გამოწვევას თავად მომხმარებლის მხრიდან გაზის ქსელის თვითნებურად დაერთება წარმოადგენს, რომელიც საფრთხის შემცველი, პირველ რიგში, თავად მომხმარებლისთვისაა.„ბუნებრივი აირის სექტორში ადრე საკმაოდ ბევრი პრობლემა არსებობდა, მათ შორის, მოუწესრიგებელი გათბობის სისტემები, რომლებიც საცხოვრებელ ფართშივე უშვებდნენ ნახშირორჟანგს. ასეთი შემთხვევები წლების წინ არსებობდა, თუმცა რეგულაციების შეცვლამ და მასიურმა შემოწმებებმა თავისი შედეგი გამოიღო. მნიშვნელოვნად შემცირდა ინციდენტების რიცხვი, თუმცა, სამწუხაროდ, არის შემთხვევები, როდესაც გაზის კომპანიები ახორციელებენ შემოწმებებს, ჩაუჭრიან მომხმარებელს არაუსაფრთხო დაერთების ქსელს და მომხმარებელი თვითნებურად მაინც რთავს ხოლმე. ბუნებრივია ასეთ დროს მომხმარებელი პირველ რიგში თავის თავს ვნებს, ამიტომ მნიშვნელოვანია, რომ მომხმარებლებმა ჩვენ თვითონ დავიცვათ ეს წესები, რომლებსაც თავად გაზის კომპანია მიგვითითებს.  ჩვენ ჩვენივე ხელით არ უნდა დავაერთოთ ქსელს, უნდა გამოვიძახოთ კვალიფიციური ხელოსანი, რომელიც შეაკეთებს. თუ თვითონ დანადგარშია პრობლემა, მაშინ ეს დანადგარი მთლიანად უნდა შეიცვალოს“. - აცხადებს დავით ნარმანია.

მრავალბინიან საცხოვრებელ სახლებში ცენტრალური გათბობის სისტემის დანერგვის ხელშეწყობის მიზნით ენერგეტიკისა და წყალმომარაგების მარეგულირებელი კომისიამ რეგულაციები შეიმუშავა. „ბუნებრივი გაზის მიწოდებისა და მოხმარების წესებში“ ცვლილებების თანახმად, მიუხედავად იმისა თუ ვინ დარეგისტრირდება მრავალბინიანი სახლის ცენტრალური გათბობის მფლობელ მომხმარებლად, საანგარიშსწორებო მრიცხველზე განხორციელდება საყოფაცხოვრებო მიზნით მოხმარებული ბუნებრივი გაზის ინდივიდუალური წილის გამოთვლა და დარიცხვა. სემეკის თავმჯდომარის, დავით ნარმანიას განცხადებით, მოცემული ახალი რეგულაციები ხელს შეუწყობს ერთის მხრივ მომხმარებლის ხარჯების დაზოგვას, ხოლო მეორეს მხრივ, უსაფრთხოების სტანდარტს კიდევ უფრო გააუმჯობესებს.„აღნიშნული რეგულაცია, რომელიც შევიმუშავეთ ძალიან მნიშვნელოვანია ორი თვალსაზრისით. ერთი ეს არის მომხმარებლების ხარჯების დაზოგვა და მეორეს მხრივ გარემოს დაცვით საკითხები. მოგეხსენებათ, მრავალბინიანი საცხოვრებლების აივანზე ინდივიდუალურად არის დამონტაჟებული გაზის გათბობის ქვაბები. ეს ქვაბები პერიოდულად გამოდის მწყობრიდან და საჭირო ხდება ხელოსნის გამოძახება, ამ პერიოდში მომხმარებელს აქვს დისკომფორტი და აქვს ხარჯი. არის ასევე საკითხები უსაფრთხოებასთან დაკავშირებითაც, ყოფილა შემთხვევები როდესაც მომხდარა ბუნებრივი აირის გაჟონვა. იმისათვის, რათა ეს ყველაფერი თავიდან ავირიდოთ ტექნიკურად შესაძლებელია, რომ მრავალბინიან საცხოვრებელ სახლებში გაკეთდეს ერთი საქვაბე, რომელსაც მიეწოდება ბუნებრივი აირი და სწორედ ამით მოხდეს მთლიანად კორპუსის გათბობითა და ცხელი წყლით უზრუნველყოფა“. - აღნიშნავს დავით ნარმანია.კითხვაზე გამოიწვევს თუ არა ეს რეგულაცია ბიზნესისთვის ხარჯების გაზრდას, დავით ნარმანია აღნიშნავს, რომ მთავარი ბიძგი და ინიციატივა სწორედ კერძო სექტორის მხრიდან მოდიოდა. მისივე თქმით, ეს რეგულაცია სავალდებულო ხასიათის არ იქნება.„ბუნებრივია კონსულტაციები ჩვენ ბიზნესთან გვქონდა. უნდა აღინიშნოს, რომ ამ რეგულაციის ბიძგი თავად ბიზნესიდან წამოვიდა. არის რამდენიმე ძალიან კარგი დეველოპერი, რომელმაც განაცხადა, რომ მოწესრიგებულად, ერთიანად გავაკეთე ეს საქვაბე და ახლა მომეხმარეთ, რათა ეს საკითხები დავარეგულიროთ. სწორედამან მიგვიყვანა იქამდე, რომ ეს რეგულაცია შეგვემუშავებინა. აქედან გამომდინარე, რამდენიმე საცხოვრებელ კორპუსში ეს სისტემა უკვე გაკეთებულია, დამონტაჟებულია და მუშაობს. აქვე უნდა აღვნიშნოთ, რომ ეს არ არის სავალდებულო. თავად დეველოპერი და ამხანაგობა გადაწყვეტს ინდივიდუალურად დაამონტაჟოს გათბობის ქვაბები თუ იყოს საერთო“. - აცხადებს დავით ნარმანია.

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკმა) ცენტრალური გათბობის სისტემების მესაკუთრეებისთვის ბუნებრივი გაზის საფასურის დარიცხვის ახალი წესები განსაზღვრა.მრავალბინიანი საცხოვრებელ სახლებში ცენტრალური გათბობის სისტემის დანერგვის ხელშეწყობის მიზნით, კომისიის 2024 წლის 10 ოქტომბრის N27 დადგენილებით მნიშვნელოვანი ცვლილებები განხორციელდა „ბუნებრივი გაზის მიწოდებისა და მოხმარების წესებში“.ცვლილების თანახმად, მიუხედავად იმისა თუ ვინ არის ცენტრალური გათბობის მფლობელ მომხმარებლად რეგისტრირებული (ფიზიკური, იურიდიული პირი, თუ ამხანაგობა) თუ აღნიშნული მომხმარებელი ბუნებრივ გაზს მოიხმარს, ერთდროულად, ცენტრალური გათბობის საყოფაცხოვრებო ან/და არასაყოფაცხოვრებო მიზნით მოსარგებლე პირთათვის, ბუნებრივი გაზის მოხმარების მიზნობრიობა განისაზღვრება ცენტრალური გათბობის სისტემაში მოხმარების მიზნობრიობით და მოხმარებული ბუნებრივი გაზის საერთო მოცულობიდან განხორციელდება საყოფაცხოვრებო მიზნით მოხმარებული ბუნებრივი გაზის ინდივიდუალური წილის გამოთვლა.იმისათვის, რომ ცენტრალური გათბობის სისტემის მიერ მოხმარებული ბუნებრივი გაზის საერთო მოხმარებიდან საყოფაცხოვრებო მიზნით მოხმარებული ბუნებრივი გაზის ინდივიდუალური წილის გამოთვლა განხორციელდეს, საჭიროა მრავალბინიან საცხოვრებელ სახლში არსებული ცენტრალური გათბობის სისტემა აკმაყოფილებდეს შემდეგ 2 პირობას:ცენტრალური გათბობით მოსარგებლე პირთა მიერ მოხმარება უნდა აღირიცხებოდეს ინდივიდუალურად, ჭკვიანი მრიცხველების საშუალებით (განაწილების ლიცენზიატისთვის მისაღებ ფორმატში);გაზზე დამოკიდებულების შემცირების მიზნით, ცენტრალური გათბობის სისტემა უნდა სარგებლობდეს განახლებადი ან/და ალტერნატიული წყაროთი.ამასთან, მე-2 პუნქტის მოთხოვნა არ გავრცელდება 2025 წლამდე ექსპლუატაციაში შესულ შენობა-ნაგებობებზე, აგრეთვე იმ შენობა-ნაგებობებზე, რომელზე შედგენილი შესაბამისი საეტაპო ოქმით ან საექსპერტო დასკვნით დასტურდება, რომ შენობა-ნაგებობების ძირითადი კონსტრუქციული სისტემის მოწყობა დასრულდა 2025 წლამდე).ჩამოთვლილი პირობების დაკმაყოფილების შემთხვევაში, დაინტერესებულმა პირმა საერთო მოხმარებიდან საყოფაცხოვრებო მოხმარების წილის გამოყვანის მოთხოვნით კომისიის მიერ დამტკიცებული განაცხადის ფორმით უნდა მიმართოს ბუნებრივი გაზის განაწილების ლიცენზიატს.განაცხადს თან უნდა ერთვოდეს:ცენტრალური გათბობის სისტემიდან ცხელი წყლით მომარაგებული ობიექტების სრული ჩამონათვალი, მათ მფლობელებისა და მოხმარების მიზნობრიობის (საყოფაცხოვრებო ან არასაყოფაცხოვრებო), ასევე მომარაგებული ფართობის მითითებით;ცენტრალური გათბობის სისტემიდან ცხელი წყლით მომარაგებული ჯამური ფართობის შესახებ ინფორმაცია;ცენტრალური გათბობის სისტემის სქემა და მასზე დამონტაჟებული ჭკვიანი მრიცხველების გამართულობის დამადასტურებელი დოკუმენტი;ცენტრალური გათბობის სისტემიდან მომარაგებულ ობიექტებზე რეგისტრირებული ელექტროენერგიის მომხმარებლებისა და მათი მოხმარების მიზნობრიობის შესახებ ინფორმაცია.

მრავალბინიან საცხოვრებელ სახლებში ცენტრალური გათბობის სისტემის დანერგვისა და განახლებადი ენერგიის გამოყენების ხელშეწყობის მიზნით,საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) რეგულაციები შეიმუშავა. სემეკის მიერ დამტკიცებულ „ბუნებრივი გაზის მიწოდებისა და მოხმარების წესებში“ ცვლილებები განხორციელდა, რომლის თანახმადაც, მიუხედავად იმისა თუ ვინ დარეგისტრირდება მრავალბინიანი სახლის ცენტრალური გათბობის მფლობელ მომხმარებლად - ფიზიკური, იურიდიული პირი, თუ ამხანაგობა, ბუნებრივი გაზის საანგარიშსწორებო მრიცხველზე განხორციელდებასაყოფაცხოვრებო მიზნით მოხმარებული ბუნებრივი გაზის ინდივიდუალური წილის გამოთვლა და დარიცხვა. ამისთვის, საჭირო იქნება ბუნებრივი გაზის განაწილების კომპანიისთვის განცხადებით მიმართვა. ცენტრალური გათბობის სისტემით სარგებლობის შესახებ დამატებითი ინფორმაცია განთავსებულია სემეკის ვებგვერდზე: https://gnerc.org/ge/user-page/natural-gaz/tsentraluri-gatbobis-sistema

რეფორმა გაზის სექტორში ერთ-ერთი ის ვალდებულებაა, რომელიც საქართველომ ევროპის ენერგეტიკულ გაერთიანებაში გაწევრიანებით აიღო. მას შემდეგ, რაც ენერგეტიკული ბირჟა სრულყოფილად გაიხსნება, შემდეგი ეტაპი უკვე გაზის ბირჟის ჩამოყალიბებაა. ამასთან, უკვე მიღებულია გადაწყვეტილება, რომ ელექტროენერგიით და ბუნებრივი გაზით ვაჭრობა ერთ ბირჟაზე განხორციელდება. აღნიშნული პროცესის განხორციელება მსგავსაც ენერგეტიკის სექტორისა, რამდენიმე მნიშვნელოვან ნაბიჯს გულისხმობს. უფრო კონკრეტულად, პირველ რიგში, საჭიროა ე.წ გამხოლოების პროცესი, როგორც ეს ენერგეტიკის სექტორში მოხდა. შეგახსენებთ, რომ ენერგეტიკულ ბირჟამდე სექტორში საწყის ეტაპზე ქსელის გამანაწილებელი და გადამცემი კომპანიები ერთმანეთისგან განცალკევდნენ.სწორედ აღნიშნულია პოლიტიკის გატარება იგეგმება გაზის სექტორშიც. სემეკის თავმჯდომარე დავით ნარმანია აცხადებს, რომ გაზის სექტორში რეფორმები აქტიურად მიმდინარეობს, ხოლო სამი მსხვილი კომპანიის მხრიდან გამხოლოებასთან დაკავშირებით წარმოდგენილი დოკუმენტაციის ანალიზის პროცესი მიმდინარე წლის ბოლომდე დასრულდება.„ბუნებრივი გაზის სექტორში რეფორმები დაწყებულია. მარეგულირებელ კომისიას მომზადებული აქვს ძირითადი მეორადი საკანონმდებლო აქტების პროექტები, რომლებზეც სამუშაო ჯგუფებში შესაბამისი შეხვედრები მიმდინარეობს. ასევე ჩვენთან სამ კომპანიას, კერძოდ, თბილისი „ენერჯის“, „სოკარსა“ და „საქოგაზს“რომლებსაც გამხოლოების ვალდებულება აქვთ, რომლებმაც შესაბამისი დოკუმენტაცია უკვე წარმოდგენილი აქვთ. კომისია ამ ყველაფერს სწავლობს და მიმდინარე წლის ბოლომდე ეს პროცესი დასრულდება“. - აცხადებს დავით ნარმანია. 

2013 წლის რეგიონების გაზიფიცირების პროგრამის შედეგად, რომელიც ბიუჯეტიდან ფინანსდება, ბუნებრივი გაზის მიწოდების ქსელში დამატებით 377 ათასზე მეტი აბონენტი ჩაერთო, რაც არის ძალიან მნიშვნელოვანი მიღწევა და ამით ძალიან ბევრი ჩვენი თანამოქალაქე სარგებლობს, - განაცხადა საქართველოს პრემიერ-მინისტრმა, ირაკლი კობახიძემ ენერგეტიკოსის დღისადმი მიძღვნილ ღონისძიებაზე სიტყვით გამოსვლისას.როგორც მთავრობის მეთაურმა აღნიშნა, 2025 წლის ბოლომდე ბუნებრივი გაზი დამატებით 400-მდე დასახლებულ პუნქტში შევა, რის შედეგადაც ქსელში დამატებით 57 ათასი აბონენტი ჩაერთვება.„ცალკე უნდა აღინიშნოს ენერგეტიკული სექტორის წვლილი საქართველოს ევროკავშირში გაწევრიანების პროცესში. 2016 წელს საქართველო გახდა ენერგეტიკული გაერთიანების წევრი და მას შემდეგ განხორციელდა მრავალი რეფორმა, რის შედეგადაც საქართველოს კანონმდებლობა დაუახლოვდა ამ დარგში ევროკავშირის კანონმდებლობას.განსაკუთრებული მადლობა მინდა გადავუხადო ეკონომიკის სამინისტროს მთელ გუნდს, პირადად ეკონომიკისა და მდგრადი განვითარების მინისტრს, პირველ ვიცე-პრემიერ ბატონ ლევან დავითაშვილს დარგის წარმატებული ხელმძღვანელობისთვის და ენერგეტიკის განვითარებაში შეტანილი განსაკუთრებული წვლილისთვის. ის წინსვლა, რომელიც ენერგეტიკის სექტორმა ამ წლებში განიცადა, არის დარგის თითოეული სპეციალისტის, თითოეული ენერგეტიკოსის დამსახურება და კიდევ ერთხელ მადლობა მინდა გადაგიხადოთ თითოეულ თქვენგანს, თითოეულ პროფესიონალს, რომელსაც შეგაქვთ განსაკუთრებული წვლილი ჩვენი ქვეყნის ენერგეტიკული უსაფრთხოების, მდგრადობის უზრუნველყოფაში. კიდევ ერთხელ დიდი მადლობა ამისათვის და კიდევ ერთხელ გილოცავთ პროფესიულ დღეს“, - განაცხადა ირაკლი კობახიძემ.