აშშ-ის პრეზიდენტმა დონალდ ტრამპმა სავაჭრო პარტნიორებისთვის ახალი ალტერნატიული გზა გახსნა: ქვეყნებს, რომლებიც აპირებენ თავიდან აიცილონ მაღალი იმპორტის ტარიფები, შეუძლიათ გაზარდონ ამერიკული ენერგორესურსების შესყიდვა. ამის შესახებ CNBC წერს. გამოცემის მიხედვით, ტრამპის მიერ მიღებული გადაწყვეტილებით, აშშ დროებით აჩერებს  ტარიფების დაწესებას ყველა ქვეყნისთვის, ჩინეთის გარდა. შესაბამისად, ქვეყნებს 10%-იანი საბაზისო ტარიფის პირობებში ეძლევათ სამთვიანი ვადა, რათა შეათანხმონ ორმხრივი სავაჭრო შეთანხმებები და თავიდან აიცილონ დამატებითი ტარიფები.პრეზიდენტ ტრამპის განცხადებით, მის მთავარ მიზნად რჩება აშშ-ის საგარეო სავაჭრო დეფიციტის შემცირება და ქვეყნის ენერგეტიკული დომინირების მიღწევა. მან ორი მიზანი ერთმანეთს დაუკავშირა და ევროკავშირისგან მოითხოვა 350 მილიარდი დოლარის ღირებულების ამერიკული ენერგიის შესყიდვა, რათა დაბალანსდეს აშშ-სთან არსებული სავაჭრო ბალანსი. აშშ-ის სავაჭრო წარმომადგენლობის მონაცემებით, 2024 წელს საქონლით ვაჭრობის დეფიციტი ევროკავშირთან 235.6 მილიარდ დოლარს აღწევდა.„მათ ჩვენგან მოუწევთ ენერგიის შეძენა, რადგან ეს სჭირდებათ,“ — განაცხადა ტრამპმა თეთრ სახლში. მისი თქმით, „350 მილიარდი დოლარის ბალანსი ერთ კვირაში შეიძლება გამოსწორდეს.“ იმ შემთხვევაში, თუ ევროკავშირი ვერ მიაღწევს შეთანხმებას, მას შესაძლოა 20%-იანი ტარიფი დაეკისროს.ამერიკის შეერთებული შტატები დღეს მსოფლიოში ნავთობისა და ბუნებრივი აირის უმსხვილესი მწარმოებელია. აშშ ასევე მესამეა ნედლი ნავთობის ექსპორტით და პირველი — გათხევადებული ბუნებრივი აირის (LNG) ექსპორტში. Barclays-ის კვლევის მიხედვით, ენერგეტიკა შეადგენდა აშშ-ის მთლიან ექსპორტში დაახლოებით 15%-ს 2024 წლის განმავლობაში.„გათხევადებული ბუნებრივი აირი ის პროდუქტია, რომლის იმპორტის ზრდაც შეუძლიათ ქვეყნებს აშშ-დან,“ — ნათქვამია Barclays-ის ანალიტიკოსების, ბეტი ჯიანგის ხელმძღვანელობით მომზადებულ ანგარიშში.ალასკას LNG პროექტი — რეგიონული თანამშრომლობის პოტენციური პლატფორმააშშ-ის ფინანსთა მინისტრმა სკოტ ბესენტმა აღნიშნა, რომ იაპონიასთან, სამხრეთ კორეასა და ტაივანთან შესაძლებელია  ალასკის LNG პროექტში თანამშრომლობა. მისი თქმით, აღნიშნული ქვეყნები მზად არიან დააფინანსონ პროექტი და მნიშვნელოვანი მოცულობის LNG შეისყიდონ.„ეს მხოლოდ სამუშაო ადგილების შექმნას არ შეუწყობს ხელს, არამედ შეამცირებს სავაჭრო დეფიციტს აშშ-სა და ამ ქვეყნებს შორის,“ — განაცხადა ბესენტმა. იაპონიას შესაძლოა დაეკისროს 24%-იანი, ხოლო სამხრეთ კორეას — 25%-იანი ტარიფი, თუ ისინი შეთანხმებას ვერ მიაღწევენ.პრეზიდენტ ტრამპმა თავის ადმინისტრაციის პირველივე დღიდან პრიორიტეტად განიხილა გათხევადებული ბუნებრივი აირის განვითარება და განსაკუთრებული ყურადღება მიაქცია ალასკას რესურსების ათვისებას. კონგრესისადმი სიტყვით გამოსვლისას, მან სპეციალურად გაუსვა ხაზი ალასკას LNG პროექტს.პროექტი ითვალისწინებს ბუნებრივი აირის ტრანსპორტირებას ალასკის ჩრდილოეთ ნაწილისგან — ჩრდილოეთ შელფიდან — 807 მილიანი მილის გავლით სამხრეთით, ნიკისკიში მდებარე გათხევადების ობიექტამდე, საიდანაც აირი აზიაში გავა ექსპორტზე. 2018 წლის მონაცემებით, პროექტის საერთო ღირებულება 40 მილიარდ დოლარს აჭარბებს.აშშ-ის შიდა საქმეთა მინისტრის, დაგ ბურგუმის თქმით, ადმინისტრაცია პროექტს განიხილავს როგორც ქვეყნის ენერგოუსაფრთხოებისა და ენერგოდამოუკიდებლობის უმნიშვნელოვანეს კომპონენტს.ევროპა და აზია — აშშ-ის LNG-ის ძირითადი მომხმარებლებიევროკავშირი, იაპონია და სამხრეთ კორეა უკვე აშშ-ის გათხევადებული გაზის მსხვილ იმპორტიორებად ითვლებიან. Barclays-ის მონაცემებით, ევროკავშირმა 2024 წელს შეიძინა აშშ-ის ექსპორტირებული LNG-ის 39%, იაპონიამ — 7%, სამხრეთ კორეამ — 6%, ხოლო ინდოეთმა — 5%.ნათარგმნი ხელოვნური ინტელექტის მიერ

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარის, დავით ნარმანიას განცხადებით, რეგიონებში, სადაც უხვმა ნალექმა ელექტროენერგიისა და გაზსადენის ინფრასტრუქტურა დააზიანა, „ენერგო-პრო ჯორჯია“ და „სოკარ ჯორჯია გაზი“ ინტენსიურ რეჟიმში მუშაობენ.„ბოლო დღეებში მოსულმა უხვმა ნალექმა მაღალმთიან რეგიონებში გამოიწვია ელექტროენერგიისა და ბუნებრივი გაზის ინფრასტრუქტურის დაზიანება. კომისია ჩართულია და მონიტორინგს უწევს „ენერგო პრო ჯორჯიას“ და „სოკარ ჯორჯია გაზის“ სამუშაოებს. უწყვეტად გრძელდება სამუშაოები, გზების გაწმენდისთანავე კომუნალური კომპანიები იწყებენ ინფრასტრუქტურის შესაბამის აღდგენით სამუშაოებს. უკვე აღუდგა მომარაგება ბევრ აბონენტს გურიაში, აჭარაში, ასევე იმერეთის მაღალმთიან რაიონებში“,  - აღნიშნა დავით ნარმანიამ პრეს კლუბ „მთავარში“ ჟურნალისტებთან შეხვედრისას.მისივე თქმით, კომუნალური კომპანიები მოსახლეობას სმს შეტყობინებების სახით პერიოდულად აწვდიან ინფორმაციას, თუ სად დაფიქსირდა ავარიები, რა პერიოდში მოხდება მისი აღმოფხვრა და როდის აღდგება ელექტროენერგიისა და ბუნებრივი გაზის მიწოდება.

"გროს ენერჯი ჯგუფის" ფინანსური დირექტორის ირაკლი ტყებუჩავას შეფასებით, ენერგეტიკის მიმართულებით საქართველო ინვესტორებისთვის საინტერესო ქვეყანაა. "თუ შევხედავთ ევროკავშირს, 98-99% ათვისებულია და საქართველო არის ერთ-ერთი ქვეყანა, სადაც მხოლოდ 20%-ია ათვისებული იმ პოტენციალის, რაც ჩვენ გაგვაჩნია. ეს შეეხება ჰიდრორესურსს, განახლებად, მწვანე ენერგიას, რომლის ღირებულება, გრძელვადიან პერსპექტივაში ძალიან იაფია... ჩვენი ქვეყანა ძალიან საინტერესოა ინვესტორებისთვის ენერგეტიკული მიმართულებით", - განაცხადა ირაკლი ტყებუჩავამ "ბიზნესპარტნიორის" ღამის ეთერში.მან ყურადღება გაამახვილა ენერგოობიექტების მშენებლობის შეფერხებაზეც და აღნიშნა, რომ აუცილებელია ადგილობრივ მოსახლეობაში ცნობიერების ამაღლება, თუ რამდენად გადამწყვეტია ასეთი პროექტების განხორციელება ქვეყნის ენერგოდამოუკიდებლობისთვის. "პრობლემაა ადგილობრივი მოსახლეობის განათლება, თუ რამდენად მნიშვნელოვანია ენერგოობიექტების მშენებლობა ჩვენი ქვეყნისთვიის, ენერგოდამოუკიდებლობისთვის და ენერგოუსაფრთხოებისთვის. მნიშვნელოვანია მათთან კომუნიკაციაში სახელმწიფოს როლი. დღეის მდგომარეობით ბევრი პროექტი ფერხდება,  მოსახლეობის არასწორი ინტერესებიდან გამომდინარე. ზოგიერთი ინვესტორი სწორ მოლაპარაკებას ვერ ახორციელებს, თუნდაც მიწის შესაძენად, მოსახლე არაადეკვატურ ფასს ითხოვს, შესაბამისად პროექტი გაჩერებულია", - აღნიშნა ირაკლი ტყებუჩავამ. bp.ge 

ეკონომიკისა და მდგრადი განვითარების სამინისტროს ენერგეტიკული პოლიტიკისა და საინვესტიციო პროექტების დეპარტამენტის ხელმძღვანელი მიიჩნევს, რომ ქვეყნის  ენერგოდამოუკიდებლობის გზაზე  ერთ-ერთი მთავარი გასაღები ინვესტორებთან პირდაპირი ხელშეკრულებების გაფორმებაა. როგორც გადაცემა „ბიზნესპარტნიორის“ ღამის ეთერში საუბრისას ჯუბო ტურაშვილმა განაცხადა, საქართველო, მიუხედავად დიდი ენერგორესურსებისა, დღეს ენერგოდამოუკიდებელი არ არის და ამისთვის ბევრი ნაბიჯია გადასადგმელი.„ძალიან მნიშვნელოვანია, რომ სამწუხაროდ ჩვენ არ ვართ დღეს ენერგოდამოუკიდებლები. თუმცა გვაქვს ყველა რესურსი იმისათვის, რომ ვიყოთ ენერგოდამოუკიდებლები. ამ გზაზე მთავრობა აკეთებს ყველაფერს. ჩვენ გვაქვს დიდი რესურსი, ქარის, მზის, ჰიდრო მიმართულებით. მე შემიძლია გითხრათ, რომ ბოლო რამდენიმე წლის განმავლობაში, მილიარდამდე ღირებულების ინვესტიციები მივიღეთ. ამის მაგალითია ერთ-ერთი საინვესტიციო ჰოლდინგი „ექსიმ ჰოლდინგი“, რომელმაც  ცოტა ხნის წინ მიიღო საქართველოში საინვესტიციო პორტფელის გაფართოების გადაწყვეტილება. ისინი დამატებით 500 მლნ დოლარამდე ინვესტიციის განხორციელების ვალდებულებას იღებენ. განვახორციელეთ არაერთი სიმძლავრის აუქციონი, კონკრეტული მეგავატების რაოდენობით და კონკურენცია იყო გამოცხადებულ კვოტებზე ბევრად მაღალი. მივიღეთ გადაწყვეტილება დამატებით წამახალისებელი მექანიზმით, რომელიც ფასთაშორის სხვაობის ხელშეკრულების გაფორმებით გამოისახა. საქართველოს მთავრობა აკეთებს ყველაფერს რომ ბიზნესს ჰქონდეს მეტი ინტერესი, ხელშეწყობა და მთავრობისგან  გარანტია რომ მის მიერ განხორციელებული ინვესტიცია არის გამჭირვალე და კონკურენტულ გარემოში ინვესტირებული“,-აღნიშნა ჯუბო ტურაშვილმა.მისივე თქმით,  კოვიდის დროს, საინვესტიციო ვალდებულებების აღების თვალსაზრისით კლების ტენდენცია შეინიშნებოდა. როგორც ეკონომიკისა და მდგრადი განვითარების სამინისტროს ენერგეტიკული პოლიტიკისა და საინვესტიციო პროექტების დეპარტამენტის ხელმძღვანელი  აცხადებს, დღეს ეკონომიკა იზრდება და  ინვესტორს აქვს სურვილი,  რომ მომდევნო ათწლიანი თუ ოცწლიანი საინვესტიციო პროექტი დაგეგმოს.„ზამთრის თვეებში ვართ იმპორტდამოკიდებულები, ამავდროულად გვაქვს უხვი რესურსი იმისათვის, რომ ქვეყანამ რესურსის ათვისება შეძლოს. კერძო ინიციატორის დაინტერესებაა მნიშვნელოვანი. ჩვენ დავინახეთ, რომ ინვესტორს აინტერესებს ფიქსირებული ტარიფი და მივიღეთ გადაწყვეტილება ფასთაშორის სხვაობის ხელშეკრულების გაფორმების.  ჩავატარეთ აუქციონი რომ დაფიქსირებულიყო მედიანური ტარიფი. თუმცა, სიმძლავრის აუქციონს თავისი შეზღუდვა ჰქონდა, ე.წ.  კვოტები იყო ჩაკეტილი. შესაბამისად, რომ დავინახეთ ორჯერ და სამჯერ მეტი ინტერესი, აღარ გავაგრძელეთ სიმძლავრის აუქციონები  და უფრო მეტი ხელშეწყობის მიზნით, მედიანურ ტარიფად დავიწყეთ  პირდაპირი ხელშეკრულებების გაფორმება. სწორედ ეს არის გასაღები ენერგოდამოუკიდებლობის მისაღწევ გზაზე“,-აღნიშნა ჯუბო ტურაშვილმა.bp.ge 

„საქართველოს აქვს უნარი, იყოს ლიდერი და სამართლიანი მოთამაშე, რაც 2025 წელს წარმატებამდე მიგვიყვანს“, - ამის შესახებ ენერგეტიკული გაერთიანების დირექტორი არტურ ლორკოვსკი  აცხადებს და  საქართველოს ენერგეტიკული გაერთიანების თავმჯდომარეობას ულოცავს. საქართველო წელს პირველად უხელმძღვანელებს გაერთიანებას, ამასთან დაკავშირებით ვენაში საზეიმო მიღება გაიმართა.„საქართველო ძალიან კარგად მოემზადა ამ დღისთვის. ბოლო 3 წლის განმავლობაში ეკონომიკისა და მდგრადი განვითარების სამინისტროს ხელმძღვანელობით ქვეყანამ უდიდეს პროგრესს მიაღწია იმ ვალდებულებების შესრულების კუთხით, რომლებიც ენერგეტიკულ გაერთიანებაში გაწევრიანებისას აიღო. ამის გამო, დღეს საქართველო ერთ-ერთი წამყვანი შემსრულებელია გაერთიანებაში საკანონმდებლო ჩარჩოს დანერგვის თვალსაზრისით. თავმჯდომარეობა დამატებითი ვალდებულება და პასუხისმგებლობაა, რადგან პასუხისმგებლობა ეხება მთლიანად პროცესის წარმართვას გაერთიანების ქვეყნებში“, - აღნიშნა არტურ ლორკოვსკიმ.ენერგეტიკული გაერთიანება საერთაშორისო ორგანიზაციაა, რომელიც უზრუნველყოფს ევროკავშირისა და წევრი ქვეყნების ურთიერთთანამშრომლობას ენერგეტიკული უსაფრთხოების, ენერგეტიკული მდგრადობისა და გარემოსდაცვითი მიზნების მიღწევის კუთხით. საქართველო ორგანიზაციის წევრია 2017 წლიდან, წელს კი პირველად გახდა მისი თავმჯდომარე ქვეყანა.ავსტრიის დედაქალაქში გამართულ მიღებას საქართველოს დელეგაცია, ორგანიზაციის სამდივნოსა და წევრი ქვეყნების დიპლომატიური მისიების წარმომადგენლები დაესწრნენ. ეკონომიკისა და მდგრადი განვითარების მინისტრის მოადგილე გენადი არველაძემ გამხსნელ სიტყვაში იმ მიზნებზე ისაუბრა, რომლებსაც საქართველო ორგანიზაციის ხელმძღვანელობისას ისახავს. მიმდინარე წელს საქართველოს თავმჯდომარეობის პირობებში ენერგეტიკული გაერთიანების მიზნებზე საუბრობს არტურ ლორკოვსკიც, მათ შორის ხაზს უსვამს ევროკავშირთან თანამშრომლობის საკითხს.„გასაკეთებელი ნამდვილად ბევრია, როდესაც საქმე ეხება ენერგეტიკული კავშირის ქვეყნებისა და ევროკავშირის ბაზრების ინტეგრაციას. საქართველოს ლიდერის უნარები და სამართლიანი მოთამაშეობა ნამდვილად გვჭირდება, განსაკუთრებით ახლა, როდესაც ენერგეტიკული გაერთიანებისთვის რთული პერიოდია - როდესაც უკრაინისა და მოლდოვის ბაზრებზე უარყოფით გავლენას ახდენს რუსეთის შეჭრა და თანმხლები შედეგები. ვიმედოვნებთ, რომ საქართველო თავს გაართმევს ამ გამოწვევებს და  ეფექტური თავმჯდომარე იქნება ორგანიზაციისთვის“, განაცხადა ენერგეტიკული გაერთიანების დირექტორმა.

აზერბაიჯანი ბოლო წლების მანძილზე შედის ჩვენი ქვეყნისათვის მთავარი სავაჭრო პარტნიორების ხუთეულში, - ამის შესახებ  საქართველოს პრემიერ-მინისტრმა ირაკლი კობახიძემ საქართველო-აზერბაიჯანის ეკონომიკური თანამშრომლობის მთავრობათაშორისი კომისიის მე-10 სხდომის გახსნისას განაცხადა.მთავრობის მეთაურის შეფასებით, ამ მხრივაც აზერბაიჯანი საქართველოს ერთ-ერთი ყველაზე მნიშვნელოვანი სტრატეგიული პარტნიორია.„რეგიონული თანამშრომლობის კონტექსტში, მნიშვნელოვანია ენერგეტიკული და სატრანსპორტო მარშრუტების წარმატებული ფუნქციონირების უზრუნველყოფა, არსებული კონფლიქტების დარეგულირება და რეგიონში უსაფრთხოების ხელშეწყობა. დღეს ჩვენ ბუნებრივია ყურადღებას გავამახვილებთ არსებულ ეკონომიკურ, ენერგეტიკულ, სავაჭრო და სატრანსპორტო პროექტებზე და მათ მნიშვნელობაზე. ეს ეკონომიკური პროექტები საგრძნობლად ზრდიან ჩვენი ქვეყნის მიმზიდველობას და ფუნქციას. აღსანიშნავია ის ფაქტი, რომ აზერბაიჯანი ბოლო წლების მანძილზე შედის ჩვენი ქვეყნისათვის მთავარი სავაჭრო პარტნიორების ხუთეულში. ამ მხრივაც, აზერბაიჯანი საქართველოს ერთ-ერთი ყველაზე მნიშვნელოვანი სტრატეგიული პარტნიორია. ჩვენ ერთობლივად ვახორციელებთ ისეთ უმნიშვნელოვანეს რეგიონულ პროექტებს, როგორიცაა ბაქო-თბილისი-ჯეიჰანის ნავთობსადენი, ბაქო-თბილისი-ერზრუმის გაზსადენი, ბაქო-თბილისი-ყარსის რკინიგზა, ბუნებრივი აირის სამხრეთ დერეფნის პროექტები, შუა დერეფნის პროექტი, ასევე შავი ზღვის წყალქვეშა კაბელის პროექტი. აუცილებელია ძალისხმევის მიმართვა ენერგოუსაფრთხოებისა და ენერგოდამოუკიდებლობის უზრუნველყოფის და ხელშეწყობის მიმართულებით“, - განაცხადა ირაკლი კობახიძემ.პრემიერის შეფასებით, საქართველო დიდ მნიშვნელობას ანიჭებს არსებულ სამმხრივ ფორმატს, რომელიც ჩამოყალიბებულია საქართველოს, აზერბაიჯანსა და თურქეთს შორის.„უდავოა, აღნიშნული მექანიზმის წარმატებით ფუნქციონირება სხვადასხვა მიმართულებით, კიდევ უფრო მეტ სარგებელს მოუტანს ჩვენს საერთო ინტერესებს. ჩვენი ქვეყნები მჭიდროდ თანამშრომლობენ თავდაცვის, კულტურის, განათლების, გარემოს დაცვის, სოფლის მეურნეობის, ჯანდაცვის, ტურიზმის, საბაჟო სფეროებში. ჩვენ გამოვხატავთ მზადყოფნას, კიდევ უფრო განვავითაროთ და გავაღრმაოთ თანამშრომლობა ამ მიმართულებებით. დღეს გვექნება საშუალება, სექტორების მიხედვით განვიხილოთ ჩვენი თანამშრომლობის პერსპექტივები და ინიციატივები“, - განაცხადა პრემიერმა და იმედი გამოთქვა, რომ კომისიის სხდომის ფარგლებში მიღწეული შედეგები დამატებით იმპულსს შესძენს საქართველოსა და აზერბაიჯანის რესპუბლიკას შორის სტრატეგიულ პარტნიორობას და თანამშრომლობის გაღრმავებას.

ოქტომბრის თვეში, განახლებადი ენერგიის ელექტროსადგურების ინვესტორებისთვის ახალი შეღავათი ამოქმედდა.ეკონომიკის სამინისტროს აღნიშნული დადგენილებით,  მშენებლები, რომლებსაც ტექნიკურ-ეკონომიკური განხორციელებადობის ხელშეკრულება ფორმდება, გარანტიის წარდგენის ვალდებულებისგან თავისუფლდებიან. ცვლილება ეხება ქარის და მზის სადგურებს და ასევე იმ ჰიდროელექტროსადგურებს, რომელთა დადგმული სიმძლავრე 100 მეგავატს აღემატება.GREDA-ს იურისტის, ლევან კოკაიას შეფასებით, ახალი დადგენილება მნიშვნელოვანი შეღავათი და ძალიან საინტერესო გამოწვევაა პოტენციური  ინვესტორებისთვის."განახლებადი ენერგიების მარეგულირებელი ჩარჩო ძალიან საინტერესო ცვლილებებით გამოირჩევა. ბოლო დროს საქართველოს მთავრობის ორ დადგენილებაში საკმაოდ საინტერესო და საყურადღებო ცვლილებები შევიდა. ვგულისხმობ საქართველოს მთავრობის 556-ე დადგენილებას, რომელმაც ფასთა შორის ხელშეკრულების დადგენის ვალდებულება განსაზღვრა და რომლის საფუძველზეც აუქციონი ჩატარდა.მეორე ესაა მთავრობის 515-ე დადგენილება. ბოლო ცვლილებები ამ დადგენილებებში მიმდინარე წელს შევიდა, თუმცა საყურადღებოა, მიმოვიხილოთ  556-ე დადგენილებაში შესული ივნისის ცვლილებაც, რომელმაც ძალიან საინტერესო შესაძლებლობები გააჩინა.იმისთვის, რათა ინვესტორმა საქართველოში ენერგეტიკული პროექტის განხორციელების უფლება მოიპოვოს, მას ტრადიციულ აუქციონში მონაწილეობის პარალელურად შეუძლია შერჩეული იყოს ღია საკონკურსო აუქციონის წესით, ასე უფრო მაღალი იქნება ალბათობა, რომ დაინტერესებულმა ინვესტორმა საქართველოში ელექტროსადგური ააშენოს",- აღნიშნა ლევან კოკაიამ.მისივე თქმით, 515-ე დადგენილების შემთხვევაში, აუცილებელია, კონკრეტულად გაიწეროს გარანტიის წარდგენის ვალდებულებისგან გათავისუფლების ზედა და ქვედა ზღვარი.,,515-ე დადგენილების შემთხვევაში „გრედას“ ჯგუფი ვისურვებდით, რომ იგი ცოტა უფრო მეტად კონკრეტული იყოს ქარისა და მზის სადგურების შემთხვევაზე. უფრო კონკრეტულად, გაიწეროს დადგმული სიმძლავრის ზღვარი, როგორც ეს არის განსაზღვრული ჰიდროელექტროსადგურების შემთხვევაში. ჰიდროელექტროსადგურების შემთხვევაში ინვესტორები საბანკო გარანტიებისგან თავისუფლდებიან, თუ დადგმული სიმძლავრე 100მგ/ვატს აღემატება. მზის და ქარის სადგურებით დაინტერესებულ პოტენციურ ინვესტორებს კითხვები უჩნდებათ- რა არის ის ზედა თუ ქვედა ზღვარი, რომლის მიღმაც ისინი გათავისუფლდებიან ამ საკმაოდ დიდი ვალდებულებისგან.არსებობს კიდევ ერთი გამოწვევა 515-ე დადგენილებაში, ესაა ბიუროკრატიული ელემენტი. იმისთვის, რათა ინვესტორმა გაიგოს ეკონომიკის სამინისტროს მხრიდან მას მიენიჭა თუ არა სადგურის აშენების უფლება, ეკონომიკის  სამინისტროს განსახილველად  6-თვიანი ვადა ეძლევა. ფაქტობრივად, გამოდის, რომ ინვესტორს მარტო ექვსი თვე იმის გასაგებად ეკარგება, აქვს თუ არა უფლება წინასამშენებლო ეტაპზე გადავიდეს"- თქვა ლევან კოკაიამ.GREDA-ს ჯგუფი პოტენციურ ინვესტორებს ურჩევს, განაცხადის გაგზავნამდე,  პროექტის მასშტაბები და მისი განხორციელების ლოკაცია განსაზღვრული ჰქონდეთ."არი კიდევ ერთი მნიშვნელოვანი დეტალი,  რაზეც რეკომენდაციას გავცემდით.ხშირად ხდება, რომ ინვესტორები მოიპოვებენ ელექტროსადგურის აშენების უფლებას, მაგრამ ჯერაც არ აქვთ განსაზღვრული ის კოორდინატები, სადაც ისინი განახორციელებენ პროექტს. პროექტის დაგეგმარების ეტაპზევე, არა მხოლოდ უნდა გაიაზრონ ეს დეტალი, არამედ უკვე მზად უნდა ჰქონდეთ",- თქვა GREDA-ს იურისტმა.

„ევროკავშირის ენერგეტიკულ კანონმდებლობასთან ჰარმონიზაციის კუთხით საკმაოდ კარგი ტემპით მივდივართ“ - ამის შესახებ საქართველოს ენერგეტიკისა და წყალმომარაგების მარეგულირებელი ეროვნული კომისიის წევრმა გიორგი ფანგანმა განაცხადა. მისივე თქმით, სემეკის დასრულებული აქვს ძირითადი სამუშაოები, რომელთა ვალდებულებაც აღებული იყო.„სემეკის ძირითადი მიზანია, მოახდინოს კანონმდებლობის ჰარმონიზაცია ევროპულ კანონმდებლობასთან და ყველა ის დირექტივა, რომელიც სავალდებულოა საქართველოსთვის აღსრულდეს.  ჩვენ პრაქტიკულად დასრულებული გვაქვს ძირითადი სამუშაოები, დარჩა რამდენიმე საკითხი, თუმცა შემიძლია ვთქვა, რომ საკმაოდ კარგი ტემპით მივდივართ“. აღნიშნავს გიორგი ფანგანი.ევროკავშირის ენერგეტიკულ კანონმდებლობასთან ჰარმონიზაციის კუთხით მნიშვნელოვან მოთხოვნას ენერგეტიკული ბირჟის ამოქმედება წარმოადგენს, რომლის სრულად ამოქმედებაც 2025 წლიდან იგეგმება. გიორგი ფანგანი აღნიშნავს, რომ ბაზრის სრული გახსნა მომდევნო წლისთვის რეალისტურია. მისივე თქმით, რამდენიმე წელში ენერგეტიკის სექტორი იმ დონეზე მივა, რომ ბაზრის ფუნქციონირება აუცილებელი იქნება.„პირველი ნაბიჯი ენერგეტიკულ ბირჟასთან დაკავშირებით წელს გადაიდგა, როდესაც გავხსენით დღით ადრე ბაზარი, სადაც ყველა სუბიექტს შეუძლია ნებაყოფლობით ვაჭრობა. მე ვფიქრობ, 2025 წელს რეალისტურია, რომ ჩვენ სრულად მოვახდინოთ ბაზრების გახსნა, მათ შორის, ყველაზე მნიშვნელოვანია საბალანსო ბაზარი, რომლის ვალდებულებაც საქართველოს გააჩნია. საბალანსო ბაზრის გახსნა იქნება უკვე ბოლო ყველაზე მნიშვნელოვანი რეფორმის დახურვა. ევროკავშირის მიმავალ გზაზე ენერგეტიკული რეფორმა უმნიშვნელოვანესია და ჩვენ დიდი ყურადღებით ვუდგებით ამ საკითხს. ჩვენ 4-5 წელიწადში მივალთ იმ მომენტამდე, როდესაც თავად ენერგეტიკის სექტორის განვითარებისთვის ეს ბაზრები იქნება აუცილებელი.  ეს იქნება დამატებითი სტიმული როგორც შიდა რესურსების განვითარებისთვის, ისე პირდაპირი უცხოური ინვესტიციების მოზიდვისთვის“. - აცხადებს გიორგი ფანგანი.ჰარმონიზაციის კუთხით ერთ-ერთ მნიშვნელოვან მოთხოვნას ევროკავშირის მხრიდან გამანაწილებელი სისტემის ოპერატორის განცალკევება წარმოადგენდა, რომლის თაობაზეც სემეკმა შესაბამისი წესები ჯერ კიდევ 2020 წელს დაამტკიცა. შეგახსენებთ, რომ წესების მიხედვით, გამანაწილებელი სისტემის ოპერატორი, რომელიც ვერტიკალურად ინტეგრირებული საწარმოს ნაწილია, სულ მცირე, სამართლებრივი ფორმის, ორგანიზაციული მოწყობისა და გადაწყვეტილების მიღების თვალსაზრისით, დამოუკიდებელი უნდა იყოს სხვა ისეთი საქმიანობისგან, რომელიც განაწილების საქმიანობას არ უკავშირდება.გიორგი ფანგანი აღნიშნავს, რომ ამ ნაბიჯმა ხელი შეუწყო ენერგეტიკის სექტორში კონკურენციის გაჩენას.„გამანაწილებელი სისტემის განცალკევების პროცესი ძალიან წარმატებულად მოხდა. ამასთან დაკავშირებით შეგვიძლია მაგალითიც მოვიყვანოთ. მოგეხსენებათ  თბილისში ელექტროენერგიას ყიდდა და ასევე გვაწოდებდა ერთი კომპანია, სააქციო საზოგადოება „თელასი“. ელექტროენერგიის ყიდვა და მიწოდება არის ორი სხვადასხვა საქმიანობა.  დღეს ეს საქმიანობები ერთმანეთისგან გაყოფილია. ახლა არის, მაგალითად, კომპანია „თელმიკო“, რომლის საქმიანობაც შემოიფარგლება ელექტროენერგიის ყიდვა-გაყიდვით. ხოლო უშუალოდ „თელასს“ დარჩა ერთი საქმიანობა, კერძოდ სხვისი პროდუქტის(ელექტროენერგიის) ერთი წერტილიდან მეორე წერტილამდე მიტანა. აქვე დავამატებ, რომ ნებისმიერ პირს შეუძლია დაიწყოს ეს საქმიანობა, დაარეგისტრიროს კომპანია და გახდეს ელექტროენერგიის თავისუფალი მიმწოდებელი. დღეს ეს საქმიანობა სრული გამჭვირვალობით მიმდინარეობს და უკვე გაჩნდნენ თავისუფალი მიმწოდებლებიც. „ჩვენ ენერგეტიკის სექტორში, იქ, სადაც კონკურენცია არ არსებობდა, შევქმენით სრულფასოვანი, გამჭვირვალე გარემო, რათა ნებისმიერს შეეძლოს შესვლა. დღეს უკვე ვხედავთ, რომ რამდენიმე ორგანიზაცია დარეგისტრირდა როგორც თავისუფალი მიმწოდებელი და  ისინი შედიან კონკურენციაში სხვა საწარმოებთან. შესაბამისად, სემეკის მხრიდან გამანაწილებელი სისტემის განცალკევების წესის დამტკიცებამ შექმნა კონკურენცია“. - აღნიშნა გიორგი ფანგანმა.

ენერგო რესურსები, ობიექტები და ზოგადად ენერგეტიკა მსოფლიოში მიმდინარე კონფლიქტებისა და დაპირისპირებების უმრავლესობების მიზეზს ან მიზანს, ან სულაც საშუალებას წარმოადგენენ. ძალიან ხშირად კი – სამივეს ერთად. ცნობილია, რომ ჰიბრიდული ომის კონცეფციაში, ენერგეტიკა ჩვეულებრივ მეთოდებთან ერთად, ინსტრუმენტალიზებულია და მტრების წინააღმდეგ საბრძოლო იარაღად გამოიყენება.რუსეთის უკრაინაში შეჭრით, კიდევ ერთხელ გავხდით მოწმე ენერგეტიკული რესურსებისა და ობიექტების იარაღად გამოყენების პრაქტიკისა. სამწუხაროდ, აგრესორი ენერგეტიკული შანტაჟის ყველა შესაძლო ვარიანტს  მიმართავს, რომელთა შორისაა საკუთარი ნავთობისა და ბუნებრივი აირის რესურსების ზეწოლის ინსტრუმენტად გამოყენება, ელექტროსისტემაზე კიბერ-თავდასხმები, რომელსაც ის ჯერ კიდევ 2015 წლიდან აქტიურად ახორციელებს. ის ასევე არ ერიდება კრიტიკულად მნიშვნელოვანი ენერგეტიკული ობიექტების მასიური დაბომბვა-განადგურებას. თუმცა, გვაქვს ისეთი შემთხვევებიც, როდესაც დაპირისპირებულ მხარეებს შორის შეხების მთავარი წერტილი და დიალოგის დაწყების ყველაზე მნიშვნელოვანი საგანი სწორედ ენერგეტიკული საკითხი ან ობიექტია. ერთ-ერთი ასეთია თურქმენეთი-ავღანეთი-პაკისტანი-ინდოეთის (TAPI), იგივე ტრანს-ავღანური გაზსადენი, რომელიც თურქმენულ გაზს, ავღანეთისა და პაკისტანის გავლით, ინდოეთამდე მიიტანს. აღნიშნული ობიექტი ხსენებულ ქვეყნებს თავიდან აიცილებს როგორც ირანთან, ასევე რუსეთთან ურთიერთობას და მიუხედავად იმისა, რომ ინდოეთ-პაკისტანს შორის ორმხრივი პრობლემები არსად გამქრალა და გასათვალისწინებელია თალიბანის ფაქტორიც, საერთო ინტერესი მათ მჭიდრო თანამშრომლობაზე უბიძგებთ.საქართველოს ისტორიაში ხშირია მაგალითები, როდესაც ენერგეტიკულმა ობიეტებმა დადებითი როლი ითამაშეს არა მხოლოდ ქვეყნის თუ რეგიონის ეკონომიკისა და საერთაშორისო გეოპოლიტიური მნიშვნელობის გაძლიერებაში, არამედ – გარკვეული წვლილი შეიტანეს ასევე მეზობლ ქვეყნებსა და სტრატეგიულ პარტნიორებთან უფრო დაახლოებასა და მჭიდრო თანამშრომლობაში. ასეთია, მაგალითად, ბაქო-თბილისი-ჯეიჰანი, რომელსაც საქართველო-აზერბაიჯანი-თურქეთის კეთილმეზობლურ ურთიერთობაში ერთ-ერთი უმნიშვნელოვანესი ადგილი უკავია. საბედნიეროდ, მომავლაშიც იგეგმება მსგავსი პროექტების განხორციელება. ერთ-ერთი ასეთია შავი ზღვის ფსკერზე გამავალი 1200 კილომეტრი სიგრძის ელექტროენერგიის მაღალი ძაბვის გადამცემი ქსელის მშენებლობა, რომელიც საქართველოსა და რუმინეთის ელექტროენერგეტიკულ სისტემებს დააკავშირებს ერთმანეთთან, რაც მნიშვნელოვან როლს შეასრულებს არა მხოლოდ ამ ორი ქვეყნის მეგობრული ურთიერთობის განმტკიცებაში, არამედ – ბაქო-თბილისი-ჯეიჰანის სადენის მსგავსად, კიდევ უფრო გააღრმავებს ისეთ რეგიონებს შორის თანამშრომლობასა და კავშირს, როგორებიცაა ცენტრალური აზია, კასპიისპირეთი, სამხრეთ კავკასია და აღმოსავლეთ ევროპა.თუმცა, როდესაც ენერგეტიკულ ობიექტებზე ვსაუბრობთ, რომელთა წარმატებით გამოყენება ორ დაპირისპირებულ მხარეებს შორის დიალოგის საწარმოებლად არის შესაძლებელი, რაც გაცილებით რთული მისიაა, ვიდრე უბრალოდ მეგობრულ ქვეყნებს შორის თანამშრომლობის კიდევ უფრო განმტკიცება, პირველ რიგში გვახსენდება „ენგურჰესი“, რომლის სამანქანო დარბაზი-ქვესადგური და ვარდნილჰესების კასკადი ოკუპირებულ გალის რაიონის ტერიტორიაზეა, კაშხალი, წყალსაცავი და დერივაციული გვირაბის ნაწილი კი – წალენჯიხის რაიონში.“ენგურჰესი” – სასიცოცხლოდ მნიშვნელოვანი “პრობლემა” “ენგურჰესის” ერთნაირად მნიშვნელოვანია როგორც ქართული, ისე აფხაზური მხარისთვის. მისი წვლილი ენერგეტიკასა და ზოგადად, ეკონომიკაში შეუცვლელია. საქართველოს ელექტრომომარაგების 40% სწორედ მასზე მოდის, ხოლო მიმდინარე კონფლიქტების ფონზე, თუ გავიხსენებთ რამხელა მნიშვნელობა აქვს საკუთარი ენერგორესურსების ქონას ქვეყნის უსაფრთხოებისთვის, არ გაგვიჭირდება მისი როლის სათანადოდ შეფასება.ოკუპირებული აფხაზეთის რეგიონისთვის მას კრიტიკული მნიშვნელობა აქვს. სწორედ “ენგურჰესის” წყალობით მოახერხა მხარემ გადარჩენა, თუმცა, დროთა განმაშვლობაში, სწორედ აღნიშნული მნიშვნელობის გამო, მასზე დამოკიდებულეამ უდიდესი პრობლემები მოიტანა ორივე მხარისთვის.1997 წლის სიტყვიერი შეთანხმებით, აფხაზურ მხარეს “ენგურჰესის” გამომუშავებული ელექტროენერგიის 40% უნდა წაეღო და თავდაპირველად, კრიპტოვალუტის ბაზრის გააქტიურებამდე, ხშირად, ხსენებულ 40%-საც ვერ ითვისებდა, თუმცა წლების მანძილზე მომხმარება სულ უფრო და უფრო იზრდებოდა და განსაკუთრებულ მძიმე ტვირთად დააწვა ქართულ ენერგოსისტემას, ბოლო პერიოდის განმავლობაში კი, რეგიონის უმთავრეს პრობლემადაც იქცა.ელექტროენერგიის დეფიციტი, მწყობრიდან გამოსული ინფრასტრუქტურა, თუ ნავთობის მოპოვებასთან დაკავშირებული საკითხები ადგილობრივი საზოგადოებისა თუ მედიის მსჯელობის საგანი ხშირად ხდება.ოკუპირებული აფხაზეთის ენერგოსისტემა ძირითადად, ელექტროენერგიაზეა აგებული. რეგიონში ომამდე “ენგურჰესის”, სოხუმის ჰესისა და ტყვარჩელის თბოსადგურის გარდა ოცზე მეტი მცირე ჰესი ფუნქციონირებდა. ომმა ენერგოსისტემას მნიშვნელოვანი მატერიალური და ინფრასტრუქტურლი ზიანი მიაყენა. მართალია, ჰესმა ამ ზარალს მეტნაკლებად აარიდა თავი, მაგრამ არ გაუმართლათ სხვა სადგურებს. მაგალითად სოხუმის ჰესი მხოლოდ 2018 წელს გარემონტდა, ხოლო ტყვარჩელის თეს-ი დღემდე მიტოვებული და გაძარცვულია. თითქმის ყველა მცირე ზომის ჰესი ასევე უფუნქციოდ არის დარჩენილი. ელექტროენერგიის ძირითადი წყარო “ენგურჰესი” და რუსული იმპორტია, ხოლო რეგიონში ყველაზე დიდი ენერგო გენერატორი – ვარდნილჰესი 1-ია.გარდა მატერიალური ზარალისა, ოკუპირებული აფხაზეთის ენერგოსისტემამ დანაკარგი ნახა პროფესიულ კადრებში. როდესაც ვსაუბრობთ დევნილებზე, ყურადღების მიღმა რჩება ის გარემოება, რომ ეს ადამიანები არამხოლოდ სოფლის მეურნეობაში, არამედ ეკონომიკის სხვა და სხვა სფეროებშიც იყვნენ აქტიურად ჩართულები და მათი განდევნით ადგილობრივმა ეკონომიკამ, განათლებამ თუ სხვა სფეროებმა დანაკარგი განიცადეს. ადგილობრივი განათლების სისტემა ამ დანაკლისს ვერ ავსებს. მეტიც – ის აფხაზური ენის შენარჩუნებასაც კი ვერ ახერხებს. ენერგოსისტემის პრობლემებს ემატება გაზიფიკაციის არარსებობა რეგიონში. ენერგიის მთავარი წყარო სწორედ ელექტროენერგიაა, რომელსაც მოსახლეობა უკონტროლოდ და დაუზოგავად მოიხმარს გასათბობად, გასაგრილებლად და ცხელი წყლისთვის, მათ შორის სასტუმროებსა და რესტორნებში, აქტიურ ტურისტულ სეზონებზე. აღნიშნული კი ისედაც მძიმე მდგომარეობაში მყოფ ინფრასტრუქტურას დამატებით ტვირთად აწევს. ხშირად მწყობრიდან გამოდის ტრანსფორმატორები, ზიანდება გადამცემი ხაზები. იყო შემთხვევები, როდესაც COVID პაციენტები გარდაიცვალნენ ძაბვის ვარდნის მიზეზით, საავადმყოფოების რეანიმაციულ განყოფილებებში შუქის გათიშვის გამო. მონოპოლისტი „ჩერნომორენერგო“ დროულად მხოლოდ ქალაქებში მომხდარი ავარიების ლიკვიდაციას თუ ახერხებს, თანაც იმ პირობებში, როდესაც რეგიონში სულ რამდენიმე ჰესი თუ მცირე სადგური ფუნქციონირებს. ინფრასტრუქტურის უფრო მეტად გამართვა/ათვისების შემთხვევაში პროფესიული კადრების ნაკლებობა და კომპანიის არაეფექტური მუშაობა კიდევ უფრო თვალშისაცემი იქნება.აღსანიშნავია ისიც, რომ რეგიონში უმეტესად ისევ ძველ, საბჭოთა პერიოდის მრიცხველებს იყენებენ, ხოლო სოფლად თუ ქალაქად მათი გაკონტროლება არ ხდება. ამას ემატება კრიპტო ფერმები. უფასო დენი რჩება სამოთხედ კრიპტო მაინერებისთვის. აქ კრიპტო ვალუტას მოიპოვებს ყველა, რუსი გენერლებიდან დაწყებული, „კანონიერი ქურდებით“ დამთავრებული.ადგილობრივი ხელისუფლება ეფექტურად ვერ და არ ებრძვის ამ პრობლემას. ერთის მხრივ, პოლიტიკური გადაწყვეტილებები კრიპტო მაინინგთან დაკავშირებით ხშირად იცვლება – ის ზოგჯერ ლეგალური ხდება, ზოგჯერ – არალეგალური. მეორეს მხრივ კი მაინინგის მომგებიანობის გამო ადგილობრივი პოლიტიკური ელიტები პირდაპირ თუ ირიბად არიან ჩართული ამ ბიზნესში.მოცემული ვითარება, როგორც უკვე აღვნიშნეთ, ძალიან დიდ პრობლემებს უქმნის ქართულ ენერგოსისტემასაც, რადგან წყლის ინტენსიური ხარჯვის გამო წყალსაცავში დონე უკვე ჩამოცდა იმ ნიშნულს, რომლის ქვემოთ მხოლოდ ავარიული მარაგია.არსებული მძიმე სიტუაცია სასწრაფო რეაგირებას მოითხოვს როგორც ქართული, ისე  აფხაზური მხარისგან.სოხუმისთვის ერთ-ერთი გამოსავალი მოსკოვთან დადებული საინვესტიციო ხელშეკრულებებია. აქტიურად მიმდინარეობს მოლაპარაკებები მთლიანი ენერგოსისტემის პრივატიზაციაზე და რუსული ინვესტიციის ჩადებაზე.თუმცა, რუსული ინვესტიციის მისაღებად მხოლოდ კრემლის პოლიტიკური ამოცანები არ არის საკმარისი. სოხუმმა რუსული კაპიტალიც უნდა დაარწმუნოს, რომ ღირს ოკუპირებული აფხაზეთის ენერგეტიკაში ფულის დაბანდება. ეს ამოცანა კიდევ უფრო რთულდება, როდესაც იგივე „ჩერნომორენერგოს“ მონაცემებით, რეგიონში ელექტრო ენერგიაზე გადასახადების ამოღება უმთავრეს პრობლემად რჩება, რადგან მიზერული ტარიფების მიუხედავად, ადგილობრივების დიდი ნაწილი მოხმარებული ელექტროენერგიის საფასურს არ იხდის.აქ ჩნდება კითხვა – რაში აწყობს კრემლს რეგიონის ენერგო ინფრასტრუქტურაში ფულის დაბანდება, თუკი გადასახადის ამოღება პრობლემურია და ისედაც, ეკონომიკურ სარგებელს ნაკლები პერსპექტივა აქვს.ეკონომიკური და ფინანსური ექსპანსიით კრემლი, სავარაუდოდ, ცდილობს აფხაზეთის ამ შემთხვევაში ენერგო სფეროს იურიდიულ ინკორპორაციას მის სისტემაში, რომ მომავალში მას მოქმედების თავისუფლება ქონდეს, ხოლო კრიზისის შემთხვევაში ბრალი ადგილობრივ ელიტებზე გადაიტანოს. თუმცა, უნდა აღინიშნოს, რომ გადასახადების ამოღების გარეშე მაინც ნაკლებად სავარაუდოა, რუსულმა კოპანიებმა მუდმივად მოამარაგონ ელექტროენერგიით აფხაზეთის რეგიონი. მოსახლეობას მოუწევს საფასურის გადახდა, რასაც ის აბსოლუტურად მიუჩვეველია. არსებული სიტუაცია ოკუპირებული აფხაზეთის მოსახლეობას აიძულებს ეკონომიურად მოიხმარონ და აანაზღაურონ სწორედ “ენგურჰესის” მიერ გამომუშავებული ენერგია, რადგან უკვე ნათელია, რომ მათ მაინც მოუწევთ საფასურის გადახდა რუსული კომპანიებისთვის, რომელთა ტარიფი შეიძლება შეღავათიანი იყოს, მაგრამ ურჩევნიათ ადგილობრივი რესურსების მიერ წარმოებულ ენერგიაში თანხის გადახდა და რუსულ ენერგო რესურზებზე ნაკლებად დამოკიდებულება.თუმცა, გარდა საფასურის არგადახდისა, აფხაზეთის თვითგამოცხადებული ხელისუფლებისთვის თავს იჩენს სხვა სირთულეც, ენერგოსისტემის პრივატიზაციაზე საუბარმა საზოგადოების ნაწილში პროტესტი გამოიწვია. უკმაყოფილების მიზეზები ჩვენთვისაც კარგად ნაცნობია – ენერგოსისტემა სტრატეგიული დანიშნულებისაა და მისი პრივატიზაცია არასწორია. მოსახლეობაში ხშირად გაისმის ჩვენთვის საკმაოდ მტკივნეულად მოსასმენი ფრაზაც: „იმისთვის კი არ ვებრძოლეთ ქართველებს, რომ ჩვენი საკუთრება რუსეთს ჩაუვარდეს ხელში?“ მაგრამ, ალბათ სწორედ ეს დამოკიდებულება მეტ-ნაკლებად უშლის ხელს რუსეთის მიერ აფხაზეთის სრულად „ჩაყლაპვას“ და გვაძლევს საშუალებას ოკუპირებულ აფხაზურ მხარესთან მეტი შეხების წერტილები ვიპოვოთ დიალოგის შედეგიანად  განსავითარებლად, რომელსაც, მისი სწორად, ფრთხილად და ჭკვიანურად წარმართვის შემთხვევაში, შესაძლოა, ღირებული შედეგებიც მოჰყვეს დაახლოებისა და ინტეგრაციის კუთხით.თანამშრომლობის გაღრმავების შესაძლებლობადა რაში გამოიიხატება ეს შესაძლებლობა? რეგიონის ამჟამინდელი მდგომარეობა ძლიერ წააგავს 90-იანი წლების საქართველოს დანარჩენი ტერიტორიის სიტუაციას, როდესაც მოსახლეობის ნაწილს ეგრეთწოდებული „ლევი“ სადენი ჰქონდა სახლში გაყვანილი და არავინ იხდიდა ელექტროენერგიის საფასურს. ჩვენი გამოცდილების გაზიარება მათთვის ძალიან მნიშვნელოვანი იქნება, აღნიშნულ მოსაზრებას ეთანხმება „ენგურჰესის” დირექტორთა საბჭოს თავმჯდომარე ლევან მებონიაც, რომელიც აცხადებს, რომ არის თანამშრომლობაზე დაინტერესება და უფრო მეტიც: “ისინი აღნიშნულ საკითხში გვენდობიან, რადგან იციან, რომ მეტი გამოცდილება და ცოდნა გვაქვს”.გარდა ამისა, როგორც აღვნიშნეთ, ოკუპირებული აფხაზეთის ენერგოსისტემას პრობლემები აქვს პროფესიულ კადრებშიც, ენერგეტიკის დარგში ქართველ სპეციალისთებთან კომუნიკაცია მათთვის საინტერესო და სასარგებლო შეიძლება აღმოჩნდეს.საბედნიეროდ, იგრძნობა პოზიტიური ძვრები: 2016-2019 წლებში ჩატარდა კვლევა ენგურჰესზე სამმხრივი სამუშაო ჯგუფის ფარგლებში, რომელიც შვეიცარიის საგარეო საქმეთა ფედერალური დეპარტამენტის ადამიანის უსაფრთხოების განყოფილების მხარდაჭერით მიდინარეობდა და რომელშიც ერთად მუშაობდნენ როგორც ქართველი, ისე აფხაზი პროფესიონალები. ხსენებული კვლევის ანაგარიში ინგლისურ ენაზე შეგიძლიათ იხილოთ აქ.აღნიშნული პრეცედენტი გვაძლევს იმედს, რომ მომავალშიც შესაძლებელია მსგავსი სახით თანამშრომლობა, რამაც შეიძლება მნიშვნელოვანი როლი ითამაშოს ორი დაპირისპირებული მხარის მეტად დაახლოებაში, რომ აღარაფერი ვთქვათ, არსებული უმძიმესი პრობლემის უფრო შედეგიანად მოგვარებაზე.“ენგურჰესის” ტურისტული პოტენციალის როლი დიალოგის დაწყებაში2021 წლის ნოემბერში, „ენგურჰესის თაღოვანი კაშხალი მსოფლიო დონის ატრაქცია“ პროექტის პირველი ეტაპი ენერგეტიკის განვითარების ფონდმა და მისმა შვილობილმა კომპანიამ ენგურის ატრაქციამ დაიწყეს.იმავე წლის დეკემბერში კი „ენგურჰესის“ თაღოვანი კაშხალი ოფიციალურად „ევროპის საბჭოს, კულტურული მარშრუტების პროგრამის, ევროპის ინდუსტრიული მემკვიდრეობის მარშრუტის“ სერთიფიცირებული წევრი გახდა. ის საქართველოდან პირველი ობიექტია, რომელიც ხსენებულ მარშრუტში გაწევრიანდა.„ენგურჰესის“ კაშხლის ტურისტული მარშრუტის ხანგრძლივობა ორი საათია და ვიზიტორებს საშუალება აქვთ, დაათვალიერონ კაშხლის ხიდი, დისკური ფარების შენობა, გვირაბი, წყალსაცავის ფარების განყოფილება და სხვა საინტერესო ადგილები.ამ ეტაპზე ის გახსნილია მხოლოდ თბილისის კონტროლირებად ტერიტორიაზე. თუმცა ხსენებული კიდევ ერთი შესაძლებლობაა აფხაზურ მხარესთან თანამშრომლობის, ამჯერად ტურიზმის კუთხით, დასაწყისისთვის, თუნდაც აფხაზური მხრიდან ტურების მოწყობის სახით. აღნიშნულის თაობაზე, ნიკა ანთიძე, შპს “ენგური ატრაქციის” დირექტორთა საბჭოს თავმჯდომარე აცხადებს, რომ ნებისმიერს შეუძლია ტურში მონაწილეობა, მათ შორის  ოკუპირებული აფხაზური მხრიდან. ხოლო რაც შეეხება ერთობლივ ტურისტულ მარშრუტს, ასევე მოტივაციას საუბრის, დიალოგის დაწყების, აქ, მისი აზრით,  მნიშვნელობა აქვს იმას, თუ რამდებად წარმატებული იქნება ხსენებული პროექტი: “როდესაც კაშხალს კულტურული მემკვიდრეობის ძეგლის სტატუსი მივანიჭეთ, ოკუპირებულმა აფხაზურმა მხარემაც ზუსტად იგივე გააკეთა მათ მიერ კონტროლირებად ნაწილზე, რაც იმის მაჩვენებელია, რომ გვაკვირდებიან, რადგან იციან ამ კუთხით ჩვენ უფრო მეტი ცოდნა გვაქვს. აღნიშნული მნიშვნელოვნად წაახალისებს თანამშრომლობის სურვილს, მით უმეტეს, რომ ენგურჰესის მეორე ნაწილი, რომელიც ოკუპირებულ აფხაზურ მხარეს მდებარეობს, არანაკლებ სანახაობრივი და შთამბეჭდავია. “ენგურჰესს” აქვს ძალიან დიდი პოტენციალი დიალოგის დაწყების, მას შეუძლია ტურისტული თვალსაზრისითაც გარკვეული დიალოგის პლატფორმა გახდეს აფხაზურ მხარესთან.”მნიშვნელოვანია ქართული და აფხაზური მხარეების მიერ კონტროლირებადი ნაწილების ერთმანეთან ახლო მანძილზე მდებარეობა. აღნიშნული კარგი ხელშემწყობი ფაქტორია ერთობლივი ტურისტული მარშუტების განსახორციელებლად, რაც ასევე შექმნის დიალოგისთვის დამატებით პლატფორმას, შესაბამისად, აუცილებელია ამ კუთხითაც აქტიური მუშაობა.“ენგურჰესი” - ხიდი აფხაზეთთანროდესაც 2022 წლის აგვისტოში საქართველოს პრეზიდენტმა სამეგრელოს რეგიონში ვიზიტის ფარგლებში ,,ენგურჰესის“ თაღოვანი კაშხალი დაათვალიერა, განაცხადა: “„ენგურჰესს“ ჩვენი ქვეყნისთვის უდიდესი მნიშვნელობა აქვს, არა მხოლოდ როგორც ნაგებობასა და კაშხალს, ეს არის რეალურად, ჩვენი ნამდვილი ხიდი აფხაზეთთან, რამეთუ ერთობლივად იმართება და ეს ალბათ, ერთადერთი ასეთი, საერთო ეკონომიკური საქმიანობაა. ეს არის ის, რაც დღეს კიდევ გვაერთიანებს და რასაც ძალიან დიდი მომავალი აქვს”. სწორედ „ენგურჰესია“ უნიკალური თანამშრომლობის მაგალითი და მექანიზმი, რომელიც საომარი მოქმედებების დროსაც კი არ შეწყვეტილა, რადგან სარგებელი ორმხრივია: “ენგურჰესი” თანამშრომლობის ერთადერთი კარგი მაგალითია. ორივე მხარის ინტერესმა ეფექტური კომუნიკაცია შესაძლებელი გახდა. გვაჩვენებს, რომ ორმხრივი სურვილის შემთხვევაში, სავსებით შეიძლება ასეთი ეფექტური თანამშრომლობა დამყარდეს.აღნიშნული კიდევ ერთხელ ამტკიცებს, რომ მიმდინარე მოვლენების, რომელთა შორის შესაძლოა მიმდინარე წლის სექტემბრიდან რუსეთის მიერ რეგიონისთვის ფინანსური მხარდაჭერის შეწყვეტაც განვიხილოთ, სწორად და ჭკვიანურად გამოყენების შემთხვევაში, “ენგურჰესს” შეუძლია მნიშვნელოვანი დადებითი როლი შეასრულოს 30 წლიანი კონფლიქტის მშვიდობიანად მოგვარების საკითხში. კარგი იქნება თუ უფლებამოსილი და პასუხისმგებელი პირები არ გაუშვებენ ხელიდან ამ შესაძლებლობას და შეძლებენ დიალოგის ეფექტიანად და სასარგებლოდ წარმართვისთვის მის გამოყენებას.ავტორი: ნინო სამადაშვილი

სემეკთან არსებული ენერგეტიკის სასწავლო ცენტრის საბჭოს წევრი, სალომე ჯანელიძე ელექტროენერგეტიკულ სექტორში სიმძლავრის მექანიზმების შესახებ საუბრობს: „ელექტროსისტემის ოპერირების ფუნდამენტური პრინციპი მოთხოვნისა და მიწოდების მუდმივი თანხვედრაა. სხვა პროდუქტებისგან განსხვავებით, ელექტროენერგიის შენახვა სირთულესა და მაღალ ხარჯებთან არის დაკავშირებული. შესაბამისად, ელექტროენერგიის მოხმარება მისი გამომუშავებისთანავე უნდა მოხდეს. ამ ბალანსის დარღვევას შეიძლება ისეთი მძიმე შედეგები მოჰყვეს, როგორიცაა ელექტროსისტემის სრული ჩაქრობა და ინფრასტრუქტურისა და ელექტრომოწყობილობების დაზიანება, რასაც, თავის მხრივ, რთული ეკონომიკური და სოციალური ზეგავლენა აქვს. ელექტროსისტემაში ბალანსის შენარჩუნება დაელექტროენერგიის სტაბილური მიწოდება სისტემის ოპერატორების ფუნქციაა, თუმცა,ენერგეტიკულ ნაზავში განახლებადი ენერგიის მზარდი წილი მათ ახალ გამოწვევებს უქმნის. ერთ-ერთი ასეთი გამოწვევა წარმოების ცვალებადობაა:ელექტროენერგიას მზის პანელები გამოიმუშავებს მაშინ, როდესაც მზე ანათებს, ქარის ტურბინები კი - როდესაც ქარი ქრის. მზისა და ქარის ენერგიის წარმოების არაპროგნოზირებადობა იწვევს როგორც  წარმოების დეფიციტურ პერიოდებს, როდესაც ელექტროენერგიაზე მოთხოვნა აღემატება მიწოდებას, ისე -  ჭარბი წარმოებისპერიოდებს, რაც ელექტროსისტემის გადატვირთვას იწვევს. ამასთან, ელექტროსისტემის ოპერატორებისთვის გამოწვევას კიდევ უფრო ართულებს ის ფაქტი, რომ მზის ენერგიის ხელმისაწვდომობის პერიოდი, ხშირ შემთხვევაში, აცდენილია ელექტროენერგიაზე პიკური მოთხოვნის პერიოდს.ეკონომიკური თეორიის თანახმად, ელექტროენერგიის ფასი ყველაზე ეფექტურიმექანიზმია მიწოდებისა და მოთხოვნისდასაბალანსებლად. დერეგულირებულ ბაზრებზეელექტროენერგიის ფასები განისაზღვრებარეალურ დროში არსებული მოთხოვნა-მიწოდებისსაფუძველზე. ელექტროენერგიაზე პიკურიმოთხოვნისა და არასაკმარისი მიწოდებისპერიოდებში ელექტროენერგიის ფასი მკვეთრადიზრდება, რასაც პიკური ფასდადება ეწოდება.მაღალი ფასი, თავის მხრივ, სიგნალს აწვდისმომხმარებელს, რომ შეამციროსელექტროენერგიის მოხმარება და ამგვარად ხელსუწყობს სისტემის დაბალანსებასმარეგულირებლების ჩარევის გარეშე. ამავდროულად, პიკური ფასდადებამნიშვნელოვანი ინდიკატორია ინვესტორებისთვის. ელექტროენერგიის დღით ადრე ბაზრებზე ფასი, ჩვეულებრივ, ვერ უზრუნველყოფს კაპიტალურიდანახარჯების ანაზღაურებას იმელექტროსადგურებისთვის, რომლებსაც შედარებით მაღალი ზღვრული დანახარჯები აქვთ. სწორედ პიკური ფასები აძლევს საშუალებას ისეთმწარმოებლებს, რომლებსაც მაღალი ზღვრულიდანახარჯები აქვთ, დაფარონ კაპიტალურიდანახარჯები. პიკური ფასდადების მაგალითიატეხასის 2021 წლის კრიზისი, როდესაც ერთი მეგავატ-საათი ელექტროენერგიის ფასი ოთხიდღის განმავლობაში 9,000 აშშ დოლარი იყო.მიუხედავად პიკური ფასდადების ეფექტურობისა, მას უარყოფითი მხარეებიც აქვს. ელექტროენერგიაზე ფასების მკვეთრ ზრდას, თუნდაც მოკლე პერიოდით, შესაძლოა მოჰყვეს მძიმე პოლიტიკური და ეკონომიკური შედეგები. სისტემის სტაბილურობის უზრუნველყოფისა და ელექტროსისტემის სრული ჩაქრობის თავიდან ასარიდებლად, ბევრი ქვეყნისთვის პიკური ფასდადების უფრო მისაღები ალტერნატივა სიმძლავრის მექანიზმებია. განსხვავებით ენერგიის ბაზრებისგან, სადაც ელექტროენერგიის მწარმოებლები ანაზღაურებას იღებენ გამომუშავებული ელექტროენერგიისთვის, სიმძლავრის ბაზრებზე მწარმოებლებს ასევე აუნაზღაურდებათ ხელმისაწვდომი სიმძლავრე, რომელიც, შეიძლება, საჭიროების შემთხვევაში, გამოყენებულ იქნეს ელექტროენერგიის საწარმოებლად. შედეგად, სისტემის ოპერატორს ყოველთვის მიუწვდება ხელი გარანტირებულ სიმძლავრეზე პიკური დატვირთვის დასაკმაყოფილებლად.სიმძლავრის მექანიზმების ყველაზე გავრცელებული სახეებია სიმძლავრის ბაზრები და  სტრატეგიული რეზერვები. სიმძლავრის ბაზარი გულისხმობს სისტემის ოპერატორის მიერ ცენტრალური აუქციონის ჩატარებას წინასწარ განსაზღვრული ოდენობის სიმძლავრის შესასყიდად. ელექტროენერგიის მიმწოდებლების აუქციონზე განათავსებენ წინადადებებს, გამარჯვებულები კი იღებენ სტაბილურ შემოსავალს შეთავაზებული სიმძლავრისთვის. რაც შეეხება სტრატეგიულ რეზერვებს, წინასწარ განსაზღვრულ სიმძლავრეზე ფორმდება ხელშეკრულებები სისტემის ოპერატორსა და ელექტროენერგიის მწარმოებლებს შორის. სტრატეგიული რეზერვების ამოქმედება ხდება იმ შემთხვევაში, თუ არსებობს წარმოების დეფიციტი ან ორგანიზებულ ბაზრებზე ენერგიის ფასი გარკვეულ ზღვარს სცდება.სიმძლავრის მექანიზმების ამოქმედებისშესაძლებლობა გათვალისწინებულია ევროკავშირის კანონმდებლობითაც, რომლებიც საშუალებას აძლევს წევრ ქვეყნებს, თავად განსაზღვრონ სიმძლავრის მექანიზმების აუცილებლობა რესურსების ადეკვატურობის შეფასების საფუძველზე, რომელიც ხორციელდება როგორც ევროპის მასშტაბით, ასევე - ეროვნულ დონეზე. თუმცა, რადგან სიმძლავრის მექანიზმი წარმოადგენს ბაზრების ფუნქციონირებაში ხელოვნურ ჩარევას, მიიჩნევა, რომ იგი ხელს უშლის კონკურენციის განვითარებას და ბაზარზე ახალი მოთამაშეების შესვლას. ამიტომ, 2019 წელსევროკავშირში მიღებული „სუფთა ენერგიის პაკეტით“ განისაზღვრა, რომ ევროკავშირში სიმძლავრის მექანიზმები წარმოადგენს დროებით ღონისძიებას რესურსების ადეკვატური დონის უზრუნველსაყოფად და მათი გამოყენება დასაშვებია ბოლო ალტერნატივის სახით, თუ საბაზრო ღონისძიებების განხორციელება არ არის საკმარისი ადეკვატურობის პრობლემების გადასაჭრელად. სიმძლავრის მექანიზმის შემოღებამდე, წევრ ქვეყნებს აქვთ გარკვეული ზომების მიღების ვალდებულება. კერძოდ, წევრმა ქვეყნებმა უნდა შეაფასონ ის მოქმედი რეგულაციები, რომლებიც ამახინჯებს ბაზარს და ხელს უწყობს არასაკმარისი სიმძლავრის ხელმისაწვდომობის რისკს. ამასთან, ენერგეტიკული ტრანზიციის მიზნებიდანგამომდინარე, ევროკავშირის რეგულაციებით გათვალისწინებულია ნახშირორჟანგის ემისიების ლიმიტი, რომელსაც შეიძლება აფრქვევდეს სიმძლავრის მექანიზმში მონაწილე ელექტროენერგიის მწარმოებელი.ევროპული მიდგომა გარკვეულწილად შეიცვალა 2022 წლის ენერგეტიკული კრიზისის შემდგომ განხორციელებული ელექტროენერგიის ბაზრის რეფორმით და სიმძლავრის მექანიზმები, ნაცვლად ბოლო ალტერნატივის მექანიზმისა, გახდა ელექტროენერგიის ბაზრის სტრუქტურული ელემენტი. ამასთან, ახალი რეგულაცია ყურადღებას ამახვილებს წიაღისეულ საწვავზე მომუშავე ელექტროსადგურების ნაცვლადმოქნილობის ისეთი საშუალებების გამოყენებაზე, როგორიცაა მოთხოვნის მართვა და ელექტროენერგიის შენახვა. მოთხოვნის მართვა გულისხმობს მომხმარებლების მიერ ელექტროენერგიის მოხმარების შემცირებას ან გაზრდას სისტემის საჭიროებისამებრ,გარკვეული ფინანსური სარგებლის სანაცვლოდ. მოთხოვნის მართვის მექანიზმი სიმძლავრის მექანიზმზე უკეთესად ასახავს მომხმარებელთა საჭიროებებს და ხელს უწყობს ბაზრის ეფექტიანობას. მოთხოვნის მართვისთვის განსაკუთრებულად ეფექტურია ისეთიაგრეგირებული რესურსების გამოყენება როგორიცაა ელექტროტრანსპორტი, გათბობისა და გაგრილების სისტემები და საყოფაცხოვრებო ტექნიკა, რომელთა ჩართვა-გამორთვა შესაძლებელია დისტანციურად, სისტემის საჭიროების შესაბამისად. თუმცა, აღნიშნული პოტენციალის ასათვისებლად აუცილებელიაროგორც სათანადო ტექნიკური უზრუნველყოფა,როგორიცაა „ჭკვიანი“ ტექნიკა და მრიცხველები, ისე - ფინანსური წახალისების მექანიზმების სწორად შემუშავება, რათა მომხმარებლებმა საჭიროების გარეშე არ გაზარდონ თავიანთი მოხმარება, შემცირების სანაცვლოდ ანაზღაურების მისაღებად.სიმძლავრის მექანიზმებისადმი ევროკავშირის მიდგომის ბოლოდროინდელი ცვლილება ასახავს სისტემის სტაბილურობისა და ეფექტიანობის მნიშვნელობას თანამედროვე ენერგეტიკულ ლანდშაფტში. ენერგეტიკული ტრანზიციის პირობებში საიმედო, მდგრადი და ხარჯეფექტიანი ელექტროსისტემის ფუნქციონირებისთვისაუცილებელია ისეთი მდგრადი ღონისძიებებისგანხორციელება, როგორიცაა საბაზრო მექანიზმები და მოქნილობის მომსახურებები“.