ანდრია გვიდიანი: დენის ტარიფის ზრდის თემით სპეკულაციები უნდა დასრულდეს – ტარიფი არ გაიზრდება

ანდრია გვიდიანი: ეს არის კარგად დაგეგმილი, მიზანმიმართული და თანმიმდევრული პროტესტი საქართველოს ინტერესების წინააღმდეგ

ეს არის კარგად დაგეგმილი, მიზანმიმართული და თანმიმდევრული პროტესტი საქართველოს ინტერესების წინააღმდეგ, – წერს ანალიტიკოსი ანდრია გვიდიანი სოციალურ ქსელში, რითაც იგი ნამახვან ჰესის მშენებლობის წინააღმდეგ გამართულ აქციას გამოეხმაურა.

„დღეს წყალტუბოში აქცია მიმდინარეობს ქვეყნის გაძლიერების წინააღმდეგ!

დიახ, ზუსტად ასეა. სინამდვილეში მიმდინარე აქციას არანაირი კავშირი არ აქვს არც გარემოსდაცვასთან, არც პატრიოტულ მოტივებთან, არც ენერგოპოლიტიკასთან ან სხვა რამესთან. როდის იყო გარემოზე შეწუხებული ხალხი თოფებით და დუბინკებით დარბოდეს გარემოს დასაცავად?!

ეს არის კარგად დაგეგმილი, მიზანმიმართული და თანმიმდევრული პროტესტი საქართველოს ინტერესების წინააღმდეგ. მით უმეტეს კარგად ორგანიზებული და კონკრეტული ძალების მიერ მართული, რომელთა ინტერესებში საქართველოს გაძლიერება არ შედის.

სამწუხაროა, რომ ე.წ. გარემოს დამცველების მანტიას ამოფარებულ ხალხს ჩვეულებრივი საზოგადოების მცირე ნაწილიც მხარს უჭერს. ეს გასაგებიც არის, ხალხის ნაწილს მიამიტურად სჯერა, რომ გამოჩნდა ჯგუფი, ვისაც უფრო მეტად უყვარს ქვეყანა, ვიდრე სხვას, უფრო მეტად შესტკივა გული გარემოზე, ვიდრე სხვას, უფრო მეტად გულანთებულია, ვიდრე სხვა და ა.შ.

მიმაჩნია, რომ სახელმწიფომ მაქსიმალურად პრინციპული პოზიცია უნდა დაიჭიროს და სამაგალითო პრეცენდენტად უნდა იქცეს, თუ რა ხდება მაშინ, როდესაც ქვეყნის ინტერესების წინააღმდეგ დუბინკებით და თოფებით გამოხატავ პროტესტს“, – წერს ანდრია გვიდიანი.

ნამახვან ჰესის მშენებლობა წყალტუბოს რაიონში, სოფელ ჟონეთთან დღეს აქციაზე გააპროტესტეს.

შსს-ს ინფორმაციით, აქციის მიმდინარეობისას შინაგან საქმეთა სამინისტროს თანამშრომლებმა ორი ავტომობილი შეაჩერეს. ერთ-ერთი ავტომობილიდან ამოღებულია ვინჩესტერის მოდელის რეგისტრირებული ცეცხლსასროლი იარაღი და სნაიპერული შაშხანა, ხოლო მეორე ავტომობილიდან ბეისბოლის ჯოხი და ბლაგვი საგანი, ხელკეტი.

პოზიცია