ბეიბი ქალმი – მცენარეული წვეთები ჩვილებისთვის საჭმლის მონელების პრობლემების მოსახსნელად

ჩვენთვის უნგრეთთან თანამშრომლობა ყველა სფეროში მნიშვნელოვანია, მათ შორის, ენერგეტიკასა და სოფლის მეურნეობაში - ირაკლი კობახიძე

საქართველოსა და უნგრეთის პრემიერ-მინისტრების თანათავმჯდომარეობით ბუდაპეშტში საქართველო-უნგრეთის მთავრობათაშორისი კომისიის მეორე სხდომა გაიმართა.სხდომაზე, რომელშიც ორი ქვეყნის მინისტრთა კაბინეტის წევრები მონაწილეობდნენ, განიხილეს სექტორული კავშირების შემდგომი გაღრმავების კუთხით არსებული პოტენციალი. აღინიშნა თანამშრომლობის განვითარების მნიშვნელობა ისეთ  სფეროებში, როგორებიცაა ენერგეტიკა და დაკავშირებადობა, გარემოს დაცვა და სოფლის მეურნეობა, თავდაცვა, სამართალდაცვითი სფერო, იუსტიცია, ჯანდაცვა, განათლება და კულტურა.საქართველოს პრემიერ-მინისტრმა უნგრელ კოლეგას სამიტის ორგანიზებისა და ქართული დელეგაციის მასპინძლობისთვის მადლობა გადაუხადა.„ჩვენთვის სამაგალითოა თქვენი ლიდერობა, ის, თუ როგორ უძღვებით თქვენი ქვეყნის ხელმძღვანელობის საქმეს, როგორ ზრუნავთ უნგრეთისა და უნგრელი ხალხის ეროვნული ინტერესების, უნგრეთის იდენტობის დაცვაზე. ჩვენი გადმოსახედიდან ჩვენ გვაკავშირებს საერთო ღირებულებები და ეს ღირებულებითი ერთიანობა, ვფიქრობთ, არის ის, რაც აძლიერებს პარტნიორობას, მეგობრობას ჩვენს ქვეყნებსა და ხელისუფლებებს შორის.მე მინდა, ვისარგებლო შემთხვევით და გადაგიხადოთ განსაკუთრებული მადლობა საქართველოს ძალიან ძლიერი მხარდაჭერისთვის. პირველ რიგში, მადლობა იმისათვის, რომ მხარს უჭერთ ჩვენი ქვეყნის სუვერენიტეტსა და ტერიტორიულ მთლიანობას. ასევე განსაკუთრებული მადლობა მინდა გადაგიხადოთ საქართველოს ევროინტეგრაციის გზაზე თქვენი მხარდაჭერისთვის. როდესაც საქართველომ შეძლო კანდიდატის სტატუსის მიღება, ამაში თქვენი დამსახურება იყო განსაკუთრებული და დღესაც, როდესაც ვაგრძელებთ ჩვენს გზას ევროკავშირის მიმართულებით, ჩვენი ქვეყნისა და ქართველი ხალხისთვის თქვენს მხარდაჭერას ენიჭება უდიდესი მნიშვნელობა. ჩვენთვის ძალიან მნიშვნელოვანია ორმხრივი თანამშრომლობის განვითარება უნგრეთსა და საქართველოს შორის“, - განაცხადა ირაკლი კობახიძემ.საქართველოს პრემიერ-მინისტრმა აღნიშნა, რომ მაღალი დონის პოლიტიკურ ურთიერთობებთან ერთად, მნიშვნელოვანია სავაჭრო-ეკონომიკური კავშირების კიდევ უფრო გაღრმავება. მთავრობის მეთაურის შეფასებით, ამ მიმართულებითაც კარგი დინამიკა არსებობს, თუმცა რესურსი კიდევ უფრო მეტია.„ჩვენს ინტერესებშია, რომ მაქსიმუმი გავაკეთოთ ამ პოტენციალის მაქსიმალურად ასათვისებლად. ვფიქრობთ, რომ ჩვენს ქვეყნებს შორის სავაჭრო-ეკონომიკური ურთიერთობების განვითარებას აქვს ძალიან დიდი პოტენციალი. ძალიან მნიშვნელოვანია ჩვენთვის დარგობრივი თანამშრომლობის გაღრმავება. ჩვენთვის ყველა სფეროში საინტერესოა თანამშრომლობა - ისეთ სფეროებში, როგორებიცაა ენერგეტიკა, დაკავშირებადობა, გარემოს დაცვა, სოფლის მეურნეობა, განათლება, კულტურა, სამართალდამცავი სფერო, იუსტიცია, ჯანდაცვა. ყველა მიმართულებით ვართ ძალიან დაინტერესებულები, რომ კიდევ უფრო მეტად გავაღრმაოთ თანამშრომლობა. ამისთვის ძალიან მნიშვნელოვანია, რომ ჩვენი ორმხრივი კომისიის დარგობრივი ფორმატებიც კიდევ უფრო მეტად განვითარდეს. მოხარულები ვართ, რომ ვითარდება სამართლებრივი ჩარჩო, რომელიც დაკავშირებულია ჩვენს ქვეყნებს შორის პარტნიორობასთან და ამ მიმართულებითაც მზად ვართ მაქსიმალური თანამშრომლობისთვის. თქვენს მხარდაჭერას ჩვენი ქვეყნისთვის ძალიან დიდი მნიშვნელობა აქვს“, - აღნიშნა ირაკლი კობახიძემ.მთავრობათაშორისი სამიტის ფორმატის მნიშვნელობაზე გაამახვილა ყურადღება უნგრეთის პრემიერ-მინისტრმა. ვიქტორ ორბანმა აღნიშნა, რომ მსგავსი მჭიდრო თანამშრომლობა უნგრეთს სულ რამდენიმე ქვეყანასთან აკავშირებს.„ამ ფორმატში განვიხილავთ სხვადასხვა სამინისტროს შორის თანამშრომლობის საკითხებს და ეს არის იმის ნიშანი, რომ არა ცალკეული სამინისტროები, არამედ მთლიანად, მთელი მთავრობა თანამშრომლობს ჩვენს მთავრობასთან. ეს არის იშვიათი მოვლენა ჩვენს პრაქტიკაში და მინდა ვთქვა, რომ საქართველოსთან, თქვენთან თანამშრომლობა, ბატონო პრემიერ-მინისტრო, ჩვენთვის ძალიან დიდი პატივია - უპირველეს ყოვლისა იმიტომ, რომ უნგრელები პატივს სცემენ ისტორიას და თქვენ გაქვთ საოცარი ისტორია. თქვენი ქრისტიანული ისტორია გაცილებით დიდია, ვიდრე ჩვენი. ძალიან დიდი პატივია თქვენთან თანამშრომლობა, რამდენადაც ორივე ქვეყანას გვიყვარს თავისუფლება. მიყვარს სამშობლო, ვარ ჩემი ქვეყნით ამაყი  - ასეთი ფრაზები უკვე სირცხვილად ითვლება დასავლეთში და აღარ გამოიყენება, მაგრამ ჩვენ მაინც გვიყვარს ამ სიტყვების თქმა და სიამოვნებით ვმასპინძლობთ სტუმრებს, რომლებსაც ასეთივე გრძნობები და სენტიმენტები გააჩნიათ ამ ფრაზების მიმართ. თქვენი ვიზიტი არის ჩვენთვის დიდი პრივილეგია იმ შედეგების გამო, რომლებიც გაქვთ ქვეყანაში. ევროპული ეკონომიკა ახლა ძალიან ზიანდება. თუ ვინმეს აქვს 1%-ზე მეტი ეკონომიკური ზრდა, ეს არის დიდი მიღწევა. აქედან გამომდინარე, თქვენი 7%-იანი ზრდა არის გალაქტიკური მოვლენა. ვიცი, რომ ეს ნამდვილად არის თქვენი ძალისხმევის უდიდესი შედეგი. ყოველთვის დიდი პატივია მოგესალმოთ და გიმასპინძლოთ უნგრეთში“,  - აღნიშნა ვიქტორ ორბანმა.საქართველო-უნგრეთის მთავრობათაშორისი სამიტის ფარგლებში გაფორმდა შეთანხმებები ორ ქვეყანას შორის გარემოს დაცვისა და სოფლის მეურნეობის, ინოვაციებისა და სპორტის სფეროებში თანამშრომლობის შესახებ. დოკუმენტებს ორი ქვეყნის მინისტრთა კაბინეტის წევრებმა მოაწერეს ხელი. ორი ქვეყნის პრემიერ-მინისტრებმა ხელი მოაწერეს საქართველო-უნგრეთის მე-2 მთავრობათაშორისი სამიტის დეკლარაციას.

ბეიბი ქალმი – მცენარეული წვეთები ჩვილებისთვის საჭმლის მონელების პრობლემების მოსახსნელად

ბეიბი ქალმი მცენარეული წვეთებია ჩვილებისთვის, რომლებიც განკუთვნილია კოლიკებისა და საჭმლის მონელების პრობლემების მოსახსნელად. ჩვილებს ხშირად აწუხებთ საჭმლის მონელებასთან დაკავშირებული პრობლემები, როგორიცაა გაზების დაგროვება, მუცლის შებერილობა და სპაზმური ტკივილები.ეს პრობლემები ხშირად იწვევს ბავშვის გაღიზიანებასა და ძილის დარღვევას, რაც მშობლებისთვის რთულ ფაზას წარმოადგენს. ამ დროს მხოლოდ დიეტური ცვლილებები არ არის საკმარისი და საჭიროა დამატებითი დამხმარე საშუალებები.სამედიცინო ენაზე რომ ვთქვათ, ბეიბი ქალმის გამოყენება შეგიძლიათ, თუკი პატარას აწუხებს შემდეგი ჩვენებები: სპაზმური ტკივილები საჭმლის მომნელებელ ტრაქტში (ახალშობილთა კოლიტები); საჭმლის მონელების გაძნელება; ყაბზობის ელემენტები; ხშირი ამოქაფება და/ან ღებინება; ძილის დარღვევა ახალშობილებში. ბეიბი ქალმის შედგენილობაში არ შედის შაქარი, ალკოჰოლი, კონსერვანტები და საღებავები, რაც მას უსაფრთხოს ხდის ჩვილებისთვის. მისი გამოყენების შედეგად გვერდითი ეფექტები არ გამოვლენილა, თუმცა ალერგიული რეაქცია შესაძლებელია იმ შემთხვევაში, თუ ბავშვი რომელიმე კომპონენტის მიმართ ჰიპერმგრძნობელობას ავლენს.ბეიბი ქალმი მცენარეული კომპონენტებითაა ფორმულირებული, რომლებიც ნატურალური გზით ამცირებენ გაზებს, არეგულირებენ საჭმლის მონელებას და ხელს უწყობენ ბავშვის სიმშვიდეს.კამის ზეთი მიიღება მცენარის მარცვლებისგან და ანეიტრალებს აირებს, არეგულირებს მონელების პროცესს. ეს ზეთი ეფექტურია ყველა იმ პრობლემის წინააღმდეგ, რაც ჩვილს შეიძლება აწუხებდეს -აირების დაგროვების, მუცლის შებერილობის, ნაწლავური სპაზმების და შეკრულობის ჩათვლით.კიდევ ერთი შემადგენელი კომპონენტია ანისულის ზეთი, რომელიც ამ მცენარის ხმელი ნაყოფისგან მიიღება. ის ასტიმულირებს მონელების პროცესს, ხსნის სპაზმებს ნაწლავებში და აქვს როგორც ტკივილგამაყუჩებელი, ისე ანტისეპტიკური მოქმედება.რაც შეეხება პიტნის ზეთს, რომელიც მთლიანი მცენარისგან მიიღება - ის არის ძლიერ ზემოქმედების მქონე მთელ მომნელებელ ტრაქტზე და აქვს სპაზმოლიზური მოქმედება. პიტნის ზეთი ხსნის კოლიკებს, აქვს ამოქაფების და ღებინების საწინააღმდეგო მოქმედება, ამშვიდებს ნერვულ სისტემას.ბეიბი ქალმის გამოყენება და შეძენა, პსპ-ს სააფთიაქო ქსელში, რეცეპტის გარეშეა შესაძლებელი. თუმცა, როცა საქმე ჩვილებს ეხება, ყოველთვის მნიშვნელოვანია ექიმთან კონსულტაციის გავლა.

"მემორანდუმი უნგრეთის ენერგეტიკის სამინისტროსთან ჩვენი პარტნიორობის მნიშვნელოვანი ეტაპია" - დავით სონღულაშვილი

სამთავრობო დელეგაცია, საქართველოს პრემიერ-მინისტრ ირაკლი კობახიძის ხელმძღვანელობით, ოფიციალური ვიზიტით უნგრეთში იმყოფება. ვიზიტის ფარგლებში, გარემოს დაცვისა და სოფლის მეურნეობის მინისტრი დავით სონღულაშვილი უნგრეთის ენერგეტიკის მინისტრ ჩაბა ლანტოს შეხვდა და თანამშრომლობის მემორანდუმი გააფორმა.შეხვედრაზე საუბარი შეეხო ორ ქვეყანას შორის თანამშრომლობის საკითხებს ნარჩენების ეფექტიანად მართვის და ცირკულარული ეკონომიკის განვითარების მიმართულებებით.„მადლობას გიხდით ურყევი მხარდაჭერის და  კონსტრუქციული თანამშრომლობისთვის. ჩვენი ქვეყნის მდგრადი ეკონომიკური განვითარების გზაზე საქართველოს მთავრობის სტრატეგიულ პრიორიტეტს წარმოადგენს ცირკულარული ეკონომიკის დანერგვა. საერთაშორისო პარტნიორების აქტიური ჩართულობით, ეს პროცესი უკვე დაწყებულია. აქვე მინდა აღვნიშნო, რომ უნგრეთის ნარჩენების მართვის სისტემასთან დაკავშირებული ზომების შესახებ ინფორმაციის გაცვლა ჩვენთვის განსაკუთრებულად ღირებულია. მნიშვნელოვანია იმ ფაქტის გათვალისწინებაც, რომ თქვენი პოლიტიკის ერთ-ერთი ძირითადი მიმართულება ცნობადობის ამაღლებაა, რაც საზოგადოების ჩართულობისა და გარემოსდაცვითი პოლიტიკის მხარდაჭერის კუთხით გადამწყვეტია“, - განაცხადა დავით სონღულაშვილმა.შეხვედრის ფარგლებში საქართველოს  გარემოს დაცვისა და სოფლის მეურნეობის სამინისტროსა  და უნგრეთის ენერგეტიკის სამინისტროს შორის გარემოს დაცვისა და კლიმატის ცვლილების სფეროში თანამშრომლობის შესახებ ურთიერთგაგების მემორანდუმი გაფორმდა.მემორანდუმის მიზანია ორ ქვეყანას შორის გარემოს დაცვისა და კლიმატის ცვლილების მიმართულებებით თანამშრომლობის ხელშეწყობა.„მემორანდუმი უნგრეთის ენერგეტიკის სამინისტროსთან ჩვენი პარტნიორობის მნიშვნელოვანი ეტაპია. აღნიშნული შეთანხმება ეფექტიანი და მიზანმიმართული თანამშრომლობის მხარდასაჭერად  მყარი და ორგანიზებული ჩარჩოს შექმნას უზრუნველყოფს“,  - განაცხადა გარემოს დაცვისა და სოფლის მეურნეობის მინისტრმა დავით სონღულაშვილმა.აღსანიშნავია, რომ საქართველოს  გარემოს დაცვისა და სოფლის მეურნეობის სამინისტროსა  და უნგრეთის ენერგეტიკის სამინისტროს შორის გაფორმებული მემორანდუმი ითვალისწინებს თანამშრომლობას ისეთ სფეროებში, როგორებიცაა: ინტეგრირებული წყლის რესურსების მართვა, მდინარის აუზების მართვის გეგმების შემუშავება, კლიმატის ცვლილების შერბილებასა და ადაპტაციასთან დაკავშირებული ღონისძიებები; მემორანდუმი ასევე ითვალისწინებს გამოცდილების გაზიარებასა და ინფორმაციის გაცვლას, მათ შორის, გარემოს დაცვის კანონმდებლობის, სტრატეგიებისა და გეგმების მიმართულებებით.

სემეკმა ენერგეტიკის რეგულირების შესახებ პირველი ანალიტიკური ჟურნალი გამოსცა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) ენერგეტიკის რეგულირების შესახებ პირველი ანალიტიკური ჟურნალი გამოსცა. ჟურნალში განთავსებული პუბლიკაციები შეეხება რეგულირებად სექტორებში განხორციელებული პროექტების შეფასებას, სემეკის საქმიანობის ძირითადი პრინციპების მიმოხილვასა და ინოვაციურ პროექტებს.ჟურნალში - „ენერგეტიკის რეგულირება“ ყურადღება გამახვილებულია ელექტროენეგრეტიკის სექტორში სატარიფო რეგულირების, წყალმომარაგების სექტორში არსებული მდგომარეობისა და გამოწვევების, არამიზანშეწონილი საოპერაციო დანახარჯებისა და ხარჯების ოპტიმიზაციის, მომსახურების სფეროში არსებული სიახლეებისა და მომხმარებელთა უფლებების დაცვის საკითხებზე.სემეკის თავმჯდომარის დავით ნარმანიას თქმით, ანალიტიკური ჟურნალი სემეკის საჯაროობისა და ღიაობის პოლიტიკის ნაწილს წარმოადგენს:„ჟურნალის საშუალებით შევეცადეთ, რომ დაინტერესებულ პირებს გავუზიაროთ კიდევ უფრო მეტი ინფორმაცია ენერგეტიკისა და წყალმომარაგების სექტორებში დაგროვილი ცოდნის შესახებ. ჟურნალში მიმოხილულია რეგულირებადი სექტორების ძირითადი მიღწევები, გამოწვევები და მათ გადაჭრის გზები.ენერგეტიკისა და წყალმომარაგების სექტორების ეფექტიან რეგულირებასთან ერთად სემეკი თავის საქმიანობას ახორციელებს სხვადასხვა პრიორიტეტული მიმართულებით, რომლებიც საბოლოო ჯამში, მიზნად ისახავს როგორც სექტორების განვითარებას, ასევე მომხმარებლებისათვის ხარისხიანი პროდუქტის მიწოდების უზრუნველყოფას. წლებია, სემეკი ურყევად ინარჩუნებს საჯაროობისა და გამჭვირვალობის მაღალ სტანდარტს და აგრძელებს უწყვეტ თანამშრომლობას დაინტერესებულ პირებთან. სემეკის საქმიანობის მთავარი პრინციპი ნათლად არის ასახული სლოგანში „როცა ბალანსი დაცულია“, - აღნიშნა დავით ნარმანიამ ანალიტიკური ჟურნალის პრეზენტაციისას.ანალიტიკური ჟურნალი განთავსებულია სემეკის ვებგვერდზე: https://gnerc.org/ge/media/journal

დავით ნარმანიამ თბილისის მდგრადი განვითარების რეგიონული ფორუმის განახლებადი ენერგიის შესახებ პანელურ სესიას მოდერატორობა გაუწია

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, პროფესორმა დავით ნარმანიამ თბილისის მდგრადი განვითარების რეგიონულ ფორუმში მიიღო მონაწილეობა. მან მოდერატორობა გაუწია პანელურ სესიას, რომელიც განახლებადი ენერგიის მოხმარებასა და განვითარებას შეეხებოდა.სემეკის თავმჯდომარემ სიტყვით გამოსვლისას ყურადღება გაამახვილა საქართველოს ენერგეტიკულ პოლიტიკაზე, სახელმწიფო პროგრამების ეფექტიანობაზე, სემეკის როლსა და რეგულაციებზე განახლებადი ენერგიების განვითარების მიმართულებით. დისკუსიის ფარგლებში მონაწილეებმა განიხილეს საქართველოს პოტენციალი განახლებადი ენერგიების განვითარების კუთხით, არსებული საკანონმდებლო ჩარჩო, საინვესტიციო გარემოს გაუმჯობესების მიზნით შემუშავებული მექანიზმები. იმსჯელეს არსებულ გამოწვევებსა და მათი გადაჭრის გზებზე.პანელურ დისკუსიაში მონაწილეობა მიიღეს ეკონომიკისა და მდგრადი განვითარების სამინისტროს ენერგეტიკული პოლიტიკისა და საინვესტიციო პროექტების დეპარტამენტის უფროსმა, ჯუბო ტურაშვილმა, საქართველოს ბიზნეს ასოციაციის აღმასრულებელმა დირექტორმა, ლევან ვეფხვაძემ, კომპანია „ჰუავეის“ ენერგეტიკის ექსპერტმა, კარლოს ალვარეს ორტეგამ, კომპანია „შაინ ენერჯის“ დამფუძნებელმა ნინო გადელიამ, საქართველოს მზის ენერგიის განვითარების ასოციაციის თანადამფუძნებელმა, თორნიკე დარჯანიამ, საქართველოს განახლებადი ენერგიის განვითარების ასოციაციის აღმასრულებელმა დირექტორმა, მაია მელიქიძემ.თბილისის მდგრადი განვითარების რეგიონული ფორუმი (TBILISI RFSD) სახელწოდებით - „მშვიდობის როლი მდგრად სოციალურ-ეკონომიკურ განვითარებაში“ ქ. თბილისში, 5-6 ივნისს იმართება. ფორუმში მონაწილეობენ საქართველოს მთავრობის წევრები, მუნიციპალიტეტების წარმომადგენლები, ადგილობრივი და უცხოელი ექსპერტები სხვადასხვა სფეროდან, ბიზნეს სექტორის, აკადემიური წრეებისა და დიპლომატიური კორპუსის წარმომადგენლები.