ბაქო და კიევი უკრაინში აზერბაიჯანული გაზის მოცულობის გაზრდას გეგმავენ

Trend-ის ცნობით, აღნიშნულის თაობაზე უკრაინა-აზერბაიჯანის ენერგეტიკის სფეროში თანამშრომლობის საკითხებზე მომუშავე სამუშაო ჯგუფის შეხვედრის შემდეგ, “უკრაინის გაზის ტრანსპორტირების სისტემების ოპერატორის” მომხმარებლებთან კომუნიკაციის განყოფილების ხელმძღვანელმა ანდრეი პროკოფიევმა განაცხადა.

”ჩვენ ვაფასებთ უკრაინისა და აზერბაიჯანის ნავთობისა და გაზის კომპანიებს შორის თანამშრომლობას და დაინტერესებული ვართ მისი განვითარებით”, – აღნიშნა მან.

დღეს, აზერბაიჯანის რესპუბლიკიდან უკრაინაში ბუნებრივი გაზის ტრანსპორტირება შესაძლებელია თურქეთის ტერიტორიის გავლით და შემდგომ “ტრანსბალკანეთის მილსადენით”.

იმპორტის შესაძლებლობების გასაზრდელად, “უკრაინის გაზის ტრანსპორტირების სისტემების ოპერატორი” აგრძელებს თანამშრომლობას რუმინელ და მოლდოველ პარტნიორებთან ბუნებრივი აირის ტრანსპორტირების ტრანსბალკანური მარშრუტის განვითარებააზე, რაც კიდევ უფრო უკეთეს პირობებს შექმნის აზერბაიჯანთან თანამშრომლობისთვის” – დასძინა პროკოფიევმა.

ნინო სამადაშვილი

Leave a Reply