„რიონის ხეობის მცველებმა“ წელიწადნახევრიანი კარვებით პროტესტი შეწყვიტეს

„ნამახვანჰესის“ მშენებლობის მოწინააღმდეგეებმა გუმათში შემაჯამებელი აქციით დაასრულეს კარვებში მიმდინარე 550-დღიანი პროტესტი, ჰესის მშენებელი კომპანიის, „ენკა რინიუებლზის“ მიერ რიოინის ხეობის დატოვების შემდეგ.

ვარლამ გოლეთიანმა, „რიონის ხეობის გადარჩენისთვის“ ერთ–ერთი ლიდერმა აქციაზე შეკრებილებს უთხრა, რომ კარვებში ყოფნას აზრი აღარ აქვს, თუმცა დაამატა, რომ ხელისუფლებას ჰესის მშენებლობის შესახებ არაჯანსაღი დამოკიდებულება აქვს და პროტესტი შესაძლოა სხვა ფორმით გაგრძელდეს.

„დღეს შემაჯამებელი აქციაა, რომ დასრულდეს პროტესტის ეს ეტაპი, თუმცა, მეორე მხრივ, ვხედავთ, რომ პოლიტიკური ნება არაჯანსაღია და გაუარესებულია დამოკიდებულება იმასთან შედარებით, ვიდრე ჩვენი პროტესტის დასაწყისში. ხელისუფლება ცდილობს, რომ საკანონმდებლო ცვლილებით შეიმუშაოს დოკუმენტები, რომლებიც პროცესს არ გააჯანსაღებს. საუბარია სამ დიდ ჰიდროპროექტზე, ნენსკრას, ხუდონის და ნამახვანის ჰესების აშენებაზე ისევ, და არ არსებობს დასაბუთება ამ პროექტების სარგებლიანობაზე, რაც არის ჩვენი პროტესტის საგანი ამ დრომდე, ჯერჯერობით არ ვიცით, რა იქნება ჩვენი შემდგომი ქმედება“, – განაცხადა გოლეთიანმა.

წყარო: “რადიო თავისუფლება”

Leave a Reply

Menu Title