აშშ-ს და ირანს შორის ბირთვული მოლაპარაკებები უშედეგოდ დასრულდა

კატარის დედაქალაქში აშშ-ს და ირანის დელეგაციებს შორის გამართული მოლაპარაკებები, რომლებიც ბირთვული შეთანხმების აღდგენას ეხება, უშედეგოდ დასრულდა.

„მოლაპარაკებებმა ვერ გამოიღო ის შედეგები, რასაც ვიმედოვნებდით“, – განაცხადა ევროკავშირის წარმომადგენელმა ენრიკე მორამ.

აშშ-ს სახელმწიფო დეპარტამენტში აცხადებენ, რომ ირანმა „ევროკავშირის ინიციატივას“ ანგარიში არ გაუწია, რამაც პროცესი ჩიხში შეიყვანა.

თეირანს და ვაშინგტონს შორის დიალოგი სამშაბათს, ირანში ევროკავშირის წამყვანი დიპლომატის ვიზიტის შემდეგ განახლდა.

მოლაპარაკებებში ამერიკის და ირანის სპეციალური წარმომადგენლები, რობ მალი და ალი ბაღერი ქანი მონაწილეობდნენ.

ირანის საგარეო საქმეთა სამინისტრო აცხადებს, რომ მხარეები „დიალოგის გაგრძელების შესახებ იმსჯელებენ“.

Leave a Reply

Menu Title