საგანგებო სიტუაციების მართვის სამსახურში აცხადებენ, რომ ბორჯომში ხანძრის ქრობის სამუშაოებში 3 ვერტმფრენი და 250-მდე მეხანძრეა ჩართული

შინაგან საქმეთა სამინისტროს საგანგებო სიტუაციების მართვის სამსახურის განცხადებით, ბორჯომის მუნიციპალიტეტში გაჩენილი ხანძრის ქრობის სამუშაოებს რთული კლიმატური პირობები ართულებს.

სახანძრო-სამაშველო ძალების დეპარტამენტის უფროსის, დავით სუხიშვილის ინფორმაციით, ადგილზე მობილიზებულია სასაზღვრო პოლიციის სამი ვერტმფრენი, რომლებიც ხანძრის ქრობის სამუშაოებს ქარის ჩადგომის შემდეგ განაახლებენ.

მისივე თქმით, ცეცხლის ჩასაქრობად 250-მდე მეხანძრე-მაშველი მუშაობს.

„ბორჯომის მუნიციპალიტეტში ხანძრის ქრობის სამუშაოებს რთული კლიმატური პირობები ართულებს. ადგილზე მობილიზებულია სასაზღვრო პოლიციის სამი ვერტმფრენი, რომლებიც ხანძრის ქრობის სამუშაოებს ქარის ჩადგომისთანავე განაახლებენ. ასევე 250-მდე არის გაზრდილი მეხანძრე-მაშველთა რაოდენობა. ადგილზე შესაბამისი აღჭურვილობა გვაქვს და ხანძრის ჩასაქრობად ვმუშაობთ“, – განაცხადა დაჩი სუხიშვილმა.

Leave a Reply

Menu Title