EnergyNews EnergyNews.ge
აშშ-ის ხელისუფლებამ ირანის ნავთობის ინდუსტრიასთან დაკავშირებულ 9 კომპანიას სანქციები დაუწესა. ამის შესახებ ნათქვამია აშშ-ის ხაზინის პრესრელიზში.
„დღეს აშშ-ის სახაზინო დეპარტამენტის უცხოური აქტივების კონტროლის ოფისმა (OFAC) დააწესა სანქციები 9 სუბიექტის მიმართ, რომლებიც მნიშვნელოვან როლს ასრულებენ აზიაში ასობით მილიონი დოლარის მოცულობის ირანული ნავთობქიმიური და ნავთობპროდუქტების წარმოებაში, გაყიდვასა და მიწოდებაში“, – ნათქვამია განცხადებაში.
შეზღუდვების ქვეშ მოექცა 6 ირანული კომპანია, მათ შორის ირანის პოლიეთილენის უმსხვილესი მწარმოებელი კომპანია Amir Kabir Petrochemical Company. სიაში ორი ორგანიზაცია დაფუძნებულია სინგაპურში, ხოლო ერთი დაფუძნებულია მალაიზიაში.
„ირანი სულ უფრო მეტად მიმართავს მყიდველებს აღმოსავლეთ აზიაში, რათა გაყიდონ თავისი ნავთობქიმიური და ნავთობპროდუქტები აშშ-ის სანქციების დარღვევით. სახელმწიფოები რჩებიან ორიენტირებული თეირანის შემოსავლის უკანონო წყაროების წინააღმდეგ ზომების მიღებაზე და გააგრძელებენ სანქციების აღსრულებას მათ წინააღმდეგ, ვინც შეგნებულად ხელს უწყობს ამას“, – განაცხადა აშშ-ის სახაზინო მდივნის მოადგილემ, ბრაიან ნელსონმა, რომლის სიტყვები ციტირებულია პრესრელიზში.
სანქციების სიაში შეყვანა ნიშნავს აქტივების გაყინვას შეერთებულ შტატებში და აკრძალვას ამერიკელი მოქალაქეებისთვის ან კომპანიებს აწარმოონ ბიზნესი დასანქცირებულ კომპანიებთან.
წყარო: bfm.ge
