„გაზპრომმა“ ყაზახეთსა და უზბეკეთთან სამმხრივი თანამშრომლობა განიხილა

გიორგი ფანგანმა EU4Energy-ის პროექტის ფარგლებში გამართულ შეხვედრაში მიიღო მონაწილეობა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) წევრმა, გიორგი ფანგანმამონაწილეობა მიიღო ქ. ბერლინში ენერგეტიკულიგაერთიანების სამდივნოსა (EnCS) და ევროპისენერგეტიკის მარეგულირებელთა საბჭოს (CEER) ორგანიზებით  გამართულ შეხვედრაში, რომელიც შეეხებოდა სუფთა ენერგეტიკული პაკეტით გათვალისწინებულ განაწილების სისტემისოპერატორების ფუნქციებს.გიორგი ფანგანმა შეხვედრის მონაწილეებს გააცნო ელექტროენერგეტიკის სექტორში მიმდინარე რეფორმის მიმდინარეობა და სუფთა ენერგეტიკული პაკეტით გათვალისწინებული რეგულაციების ჰარმონიზაციის პროცესი.  რეგიონული შეხვედრა გაიმართა EU4Energy-ისპროექტის - „სუფთა ენერგიაზე ტრანზიციისხელშეწყობა აღმოსავლეთ პარტნიორობის ქვეყნებში" ფარგლებში. ღონისძიებას ესწრებოდნენ საქართველოს, აზერბაიჯანის, სომხეთის, მოლდოვასა და უკრაინის მარეგულირებელი კომისიებისა და სისტემის ოპერატორების წარმომადგენლები.  გიორგი ფანგანთან ერთად სემეკიდან შეხვედრას ესწრებოდნენ ელექტროენერგეტიკის დეპარტამენტის დირექტორის მოადგილე, თორნიკე აფრიაშვილი და მომხმარებელთა საჩივრების დეპარტამენტის დირექტორის პირველი მოადგილე, გიორგი დიდებაშვილი.

სემეკმა სს „ენერგო-პრო ჯორჯიას“ მიერ წარმოდგენილი შესაბამისობის ოფიცრის კანდიდატურა შეითანხმა

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) სს „ენერგო-პრო ჯორჯიას“ მიერ წარმოდგენილი ელექტროენერგიის გამანაწილებელი სისტემის ოპერატორის შესაბამისობის ოფიცრის კანდიდატურა შეითანხმა.ევროპის მესამე ენერგეტიკული პაკეტის დირექტივების გათვალისწინებით, სემეკის მიერ დამტკიცებული „გამანაწილებელი სისტემის ოპერატორის განცალკევების წესების“ შესაბამისად, შესაბამისობის ოფიცერი ახორციელებს გამანაწილებელი სისტემის ოპერატორის განცალკევების მოთხოვნებთან შესაბამისობის უზრუნველყოფას. მათ შორის, შესაბამისობის პროგრამის დანერგვასა და მონიტორინგს, გამანაწილებელი სისტემის ოპერატორის მიერ შესაბამისობის პროგრამის განხორციელების თაობაზე პერიოდული ანგარიშის შემუშავებასა და კომისიისთვის წარდგენას, სემეკის მიერ დამტკიცებული შესაბამისობის პროგრამის გამანაწილებელი სისტემის ოპერატორის ვებგვერდზე გამოქვეყნებას, შესაბამისობის პროგრამით დადგენილი მოთხოვნებისა და პირობების ნებისმიერი დარღვევის შესახებ კომისიისთვის შეტყობინებას, გამანაწილებელი სისტემის ოპერატორსა და ვერტიკალურად ინტეგრირებულ საწარმოს ან მის სხვა ნაწილს შორის ნებისმიერი კომერციული ან/და ფინანსური ურთიერთობის შესახებ კომისიისთვის შეტყობინებას, გამანაწილებელი სისტემის ოპერატორის მიერ ინფორმაციის დაცვის მონიტორინგს, გამანაწილებელი სისტემის ოპერატორის შიდა ორგანიზაციული აქტების შემუშავებისა და დამტკიცების პროცესში, კომპეტენციის ფარგლებში კონსულტაციების გაწევას, შესაბამისობის პროგრამის დარღვევასთან დაკავშირებული შემთხვევების შესწავლასა და შესაბამისი ანგარიშის გამანაწილებელი სისტემის ოპერატორის კოლეგიური ორგანოებისთვის წარდგენას საკითხის გადაწყვეტის გზებისა და განსახორციელებელი ზომების მითითებით, გამანაწილებელი სისტემის ოპერატორის ხელმძღვანელობაზე უფლებამოსილ პირებსა და გამანაწილებელი სისტემის ოპერატორის მიერ დასაქმებულ პირებთან დაკავშირებული, არსებული ან შესაძლო ინტერესთა კონფლიქტის შესწავლას, მათი თავიდან აცილებისა და აღმოფხვრის მიზნით კონსულტაციების გაწევას.შესაბამისობის ოფიცრის შერჩევა ღია კონკურსის საფუძველზე ხდება. კონკურსის საფუძველზე შერჩეული კანდიდატი შესათანხმებლად წარედგინება სემეკს. წესების შესაბამისად,შესაბამისობის ოფიცრობის კანდიდატი არ უნდა წარმოადგენდეს ვერტიკალურად ინტეგრირებული საწარმოს ან/და მისი სხვა შემადგენელი ნაწილის მიერ დასაქმებულ პირს, არანაკლებ 2 წლის განმავლობაში.

გამოკითხულთა 64-%-ის აზრით, კომუნალური სერვისების კუთხით, მთავარ გამოწვევას ინფრასტრუქტურა წარმოადგენს - კვლევა

ვიშეგრადის საერთაშორისო ფონდის (IVF) მხარდაჭერით, საქართველოს ენერგეტიკისა და წყალმომარაგების მარეგულირებელ ეროვნულ კომისიასთან (სემეკ) არსებულმა ენერგეტიკის სასწავლო ცენტრმა მიმდინარე პროექტის ფარგლებში შემუშავებული კვლევა წარმოადგინა. კვლევა შეეხება საქართველოში არსებულ კომუნალური მომსახურების ხარისხსა და გამოწვევებს თბილისსა და სამეგრელო-ზემო სვანეთის რეგიონებში.გამოკითხულთა 64-%-ის აზრით, კომუნალური სერვისების კუთხით, თბილისისა და სამეგრელო-ზემო სვანეთის რეგიონის მუნიციპალიტეტების მთავარ გამოწვევას ინფრასტრუქტურა წარმოადგენს, ხოლო 24% აფიქსირებს თანამედროვე ტექნოლოგიების ნაკლებობას. რაც შეეხება უშუალოდ სამეგრელო-ზემო სვანეთის რეგიონს, გამოკითხულთა გამოკითხულთა 42-%-ის აზრით, კომუნალური სერვისების კუთხით, სამეგრელო-ზემო სვანეთის რეგიონის მუნიციპალიტეტების მთავარ გამოწვევას ინფრასტრუქტურა წარმოადგენს, ხოლო 30% აფიქსირებს თანამედროვე ტექნოლოგიების ნაკლებობას.ამასთან, გამოკითხულთა უმეტესობა - 35% - მიიჩნევს, რომ საჭიროა თვითმმართველობასა და კომუნალურ საწარმოებს შორის კოორდინაციის გაღრმავება. ასევე, მნიშვნელოვან ღონისძიებებად არის დასახელებული ამ მიმართულებით შესაბამისი კვლევის განხორციელება და ტრენინგ-პროგრამის შემუშავება (27% -27%). შესაბამისად შუალედური კვლევის ანგარიში გვიჩვენებს, რომ უკეთესი კომუნიკაციისთვის მნიშვნელოვანია შესაბამისი ტრენინგ-პროგრამების განხორციელება, რაც, თავის მხრივ, ხელს შეუწყობს საინფორმაციო ველის განვითარებასა და დახვეწას. შეგახსენებთ, რომ აღნიშნული მიგნებები უშუალოდ რაოდენობრივი კვლევის ფარგლებში გამოვლინდა.რაც შეეხება თვისობრივ კვლევას. შედეგებიდან მსგავსად რაოდენობრივი კვლევისა ჩანს, რომ გამოწვევების ძირითად წყაროს კოორდინაციის ნაკლებობა წარმოადგენს. უფრო კონკრეტულად, სამეგრელო-ზემო სვანეთში რესპონდენტების (კომუნალური კომპანიები და თვითმმართველობა) გამოკითხვის შედეგად გამოიკვეთა: მათ ხშირად მიმართავენ მოქალაქეები ისეთ კომუნალურ საკითხებზე, რომლებიც მათ კომპეტენციაში არ შედის, ასევე მოქალაქეები, განურჩევლად იმისა, არის თუ არა საკითხი თვითმმართველობის ან/და კომუნალური კომპანიის კომპეტენცია, მიმართავენ თვითმმართველობის ორგანოებს. აღნიშნული გარემოება მიანიშნებს, რომ მნიშვნელოვანია მოქალაქეების ინფორმირებისთვის დამატებითი ღონისძიებების ჩატარება, რათა მათ ზუსტად იცოდნენ კომუნალური პრობლემის არსებობის შემთხვევაში თუ რომელ უწყებას უნდა მიმართონ.შესაბამისად, თვითმმართველობასა და კომუნალურ კომპანიებს შორის, კომუნალური სერვისების მომსახურების გასაუმჯობესებლად გამოიკვეთა რეგულარული შეხვედრების გზით კოორდინაციის გაღრმავება. ელექტროენერგეტიკის, ბუნებრივი გაზისა და წყალმომარაგების რეგულირების საკითხებთან დაკავშირებით მეტი ინფორმაცია და კვალიფიკაციის ამაღლებისთვის კი დასახელდა ტრენინგ პროგრამის შემუშავების საჭიროება.

როდის აქვს მომხმარებელს საირიგაციო წყლის მოხმარების უფლება - სემეკის განმარტება

სემეკმა საირიგაციო წყლის მიწოდების წესი შეიმუშავა, რომლის  თანახმად, მომხმარებელს უფლება აქვს საირიგაციო წყალი მოიხმაროს:• შეთანხმებულ პერიოდში;• შეთანხმებული მოცულობით.უნდა აღინიშნოს, რომ წყლის საირიგაციო მოხმარების წესები უზრუნველყოფს განრიგით წყლის გარანტირებულ მიწოდებასა და წყლის რესურსების სამართლიან და გამჭვირვალე განაწილების პირობებს.წესების დარღვევის შემთხვევაში, ფერმერებს დაერიცხებათ უკანონო მოხმარებულ მოცულობაზე და დაჯარიმდებიან ადმინისტრაციული კოდექსის შესაბამისად. საირიგაციო წყლის მიწოდების წესების შესაძლო დარღვევის შემთხვევაში შეგიძლიათ მიმართოთ სემეკს იუსტიციის სახლის ნებისმიერი ფილიალის საშუალებით.დამატებითი ინფორმაციისთვის ეწვიეთ: https://bit.ly/3UqjsXN

ენერგეტიკულ ბირჟაზე პირველი ტრანზაქცია განხორციელდა

დღით ადრე ბაზარზე პირველი ვაჭრობა შედგა.საქართველოს ენერგეტიკული ბირჟის ინფორმაციით, 2024 წლის 24 ივლისის ფიზიკური მიწოდების დღისთვის, ჯამურად ნავაჭრი ელექტროენერგიის  მოცულობა 1022 მგვტ.სთ-ია, ხოლო საშუალო შეწონილმა ფასმა შეადგინა 126.43 ლარი/მგვტ.სთ-ზე.ამ დროისთვის ბირჟაზე 13 მონაწილეა რეგისტრირებული:სს ენერგო-პრო ჯორჯია;სს ეპ ჯორჯია გენერაცია;შპს თბილისის ელექტრომიმწოდებელი კომპანია;შპს სვანეთი ჰიდრო;შპს ენერჯი დეველოფენტ ჯორჯია;სს თელასი;შპს ლილო-მოლი;სს საქართველოს სახელმწიფო ელექტროსისტემა;შპს რიცეულაჰესი;შპს საქართველოს საერთაშორისო ენერგეტიკული კორპორაცია;შპს ჰიდრო ჯორჯია;შპს კასლეთი 2;შპს გეოენერჯი.შეგახსენებთ, საქართველოს ენერგეტიკული ბირჟა 1 ივლისს არასავალდებულო ვაჭრობის რეჟიმში გაიხსნა, თუმცა, ამ დრომდე ტრანზაქცია განხორციელებული არ იყო. bp.ge