ჩერნობილის ბირთვულ ელექტროსადგურზე უპილოტო აპარატით თავდასხმა მოხდა - IAEA

შპს "ენგურჰესისა" და შპს "ვარდნილჰესების" კორექტირებული ტარიფები ელექტროენერგიის საბოლოო მოხმარების ტარიფებზე არ აისახება

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) საჯარო სხდომაზე შპს „ენგურჰესისა“ და შპს „ვარდნილჰესების კასკადისთვის“, საჯარო მომსახურების გაწევის ვალდებულების ფარგლებში, ელექტროენერგიის წარმოების ტარიფები დააკორექტირა.დაკორექტირებული ტარიფები ელექტროენერგიის საბოლოო მოხმარების ტარიფებზე არ აისახება. შესაბამისად, ტარიფების ზრდა მოსალოდნელი არ არის.კომისიის მიერ მიღებული გადაწყვეტილების შესაბამისად, შპს „ენგურჰესისთვის“ წარმოების ელექტროენერგიის ტარიფი, 2025 წლის 1-ელი მაისიდან ელექტროენერგიის ბაზრის სამიზნე მოდელის ამოქმედებამდე განისაზღვრა 4.021 თეთრი/კვტსთ-ით, ხოლო ელექტროენერგიის ბაზრის სამიზნე მოდელის ამოქმედებიდან 2027 წლის 1-ელ იანვრამდე - 2.412 თეთრი/კვტსთ-ით.შპს „ვარდნილჰესების კასკადისთვის“ ელექტროენერგიის  წარმოების ტარიფი  2025 წლის 1-ელი მაისიდან ელექტროენერგიის ბაზრის სამიზნე მოდელის ამოქმედებამდე განისაზღვრა 5.111 თეთრი/კვტსთ-ით, ხოლო ელექტროენერგიის ბაზრის სამიზნე მოდელის ამოქმედებიდან 2027 წლის 1-ელ იანვრამდე - 3.067 თეთრი/კვტსთ-ით.ტარიფების კორექტირების საფუძველს წარმოადგენს  „ენერგეტიკისა და წყალმომარაგების შესახებ“ საქართველოს კანონში  შესული ცვლილებები, რომელიც გულისხმობს შპს „ენგურჰესისა“ და შპს „ვარდნილჰესების კასკადის“ ელექტროენერგიის წარმოების ტარიფების გაანგარიშებას, ამავე სადგურების მიერ წარმოებული და საქართველოს ოკუპირებულ ტერიტორიებზე მიწოდებული ელექტროენერგიის ოდენობის გარეშე.შპს „ენგურჰესისა“ და შპს „ვარდნილჰესების“ ელექტროენერგიის წარმოების ტარიფების კორექტირების მიზნით, სემეკში საჯარო ადმინისტრაციული წარმოება მიმდინარე წლის 13 მარტს დაიწყო და შესაბამისი ინფორმაცია განთავსდა სემეკის ვებგვერდზე. წარმოების ფარგლებში, დაინტერესებული პირების მიერ მოსაზრებები წარმოდგენილი არ ყოფილა.

სოკარი ციფრული გამოცდილების ახალ ეტაპზე გადადის — განახლებული აპლიკაცია და ლოიალობის პროგრამა უკვე ხელმისაწვდომია

სოკარი — საერთაშორისო ენერგოკომპანია, რომელსაც მთელ მსოფლიოში დაახლოებით 100,000 თანამშრომელი ჰყავს. დღეს მისი საქმიანობა არაერთ ევროპულ ქვეყანას ფარავს, მათ შორის შვეიცარიას, ავსტრიას, თურქეთს, უკრაინას. თუმცა პირველი საზღვარგარეთული ბაზარი, სადაც სოკარმა საქმიანობა დაიწყო, 2006 წელს საქართველო იყო. მას შემდეგ, კომპანია გახდა ქვეყნის ერთ-ერთი ყველაზე მსხვილი და თანამედროვე ორგანიზაცია, რომლის ჰოლდინგშიც, სხვა კომპანიებთან ერთად შედის სოკარ ჯორჯია პეტროლეუმი.სოკარ ჯორჯია პეტროლეუმი მართავს 100-ზე მეტ ავტოგასამართ სადგურს მთელს საქართველოში. ევრო 5 კატეგორიის საწვავის იმპორტის, შენახვისა და რეალიზაციის პარალელურად, ის ლიდერია ტექნოლოგიური ინოვაციების დანერგვის მიმართულებით. სოკარ ჯორჯია პეტროლეუმი პირველი იყო, ვინც ავტოგასამართ სადგურებზე მზის პანელები და ელექტროდამტენები დაამონტაჟა, აგრეთვე — შექმნა კომფორტული სავაჭრო სივრცე მოგზაურებისთვის საჭირო პროდუქტების სრული ასორტიმენტით.წლების წინ კომპანიამ წარადგინა ლოიალობის სისტემა - ENERGY ბარათი და მის სამართავად საჭირო მობილური აპლიკაცია, რომელიც ფიქსირებულ ფასდაკლებებსა და ქულების დაგროვებას სთავაზობდა მომხმარებლებს.დღეს, 2025 წლის აპრილში, სოკარ ჯორჯია პეტროლეუმი ციფრული მომსახურების ახალ საფეხურზე გადადის — მომხმარებელს წარუდგენს განახლებულ მობილურ აპლიკაციას SOCAR GEO-ს და სრულად განახლებულ ლოიალობის პროგრამას.განახლებული პლატფორმა ქმნის თანამედროვე, ერთიან ეკოსისტემას, სადაც საწვავის მოხმარებასთან დაკავშირებული ყველა ძირითადი სერვისი ციფრულად, ერთი აპლიკაციის ფარგლებშია ხელმისაწვდომი. მომხმარებლებს უკვე შეუძლიათ ENERGY ბარათის ციფრული ვერსიის გამოყენება — როგორც არსებული ბარათისგაციფრულებით, ასევე ახალი ბარათის რეგისტრაციით.აპლიკაცია სთავაზობს ფასდაკლებებს, ბონუს ქულებს, საჩუქრებსა და პერსონალიზებულ შეთავაზებებს. LEVEL სისტემის მეშვეობით, რაც მეტ საწვავს  მოიხმარს მომხმარებელი, მით უფრო იზრდება მისთვის მოქმედი ფასდაკლების ოდენობა — ამ ეტაპზე, მაქსიმუმ 30 თეთრამდე ყოველ შეძენილ ლიტრზე.დაგროვებული ბონუს ქულების გადაცვლა შესაძლებელია როგორც სოკარის ავტოგასამართ სადგურებზე, ასევე სადგურებთან მდებარე ვეი მარტის მაღაზიათა ქსელში — ნებისმიერი პროდუქტის შეძენისას.აპლიკაციაში ბარათის დამატებისას მომხმარებელი ავტომატურად იღებს სასაჩუქრე ქულებს, გარდა ამისა ყოველი ახალი მომხმარებლის მოწვევისას ორივე მონაწილე დასაჩუქრდება დამატებითი ქულებით.სოკარის გუნდი წლის მანძილზე კიდევ არაერთი სიახლის დამატებას გეგმავს აპლიკაციასა და ერთგულების პროგრამაში, თუმცა მანამდე მოუწოდებენ ყველას შეისვენონ, გადმოწერონ განახლებული აპლიკაცია SOCAR GEO და აივსონ ენერგიით!

ენერგეტიკის სასწავლო ცენტრის წარმომადგენლები ქუთაისის სკოლების დირექტორებს შეხვდნენ

სემეკის მიერ დაარსებული ენერგეტიკის სასწავლო ცენტრის წარმომადგენლები  ქ. ქუთაისის სკოლების ხელმძღვანელ პირებსა და აკაკი წერეთლის სახელმწიფო უნივერსიტეტის პროფესორ-მასწავლებლებს შეხვდნენ.  ენერგეტიკის სასწავლო ცენტრის საბჭოს წევრმა, ელეონორა ლაგვილავამ მონაწილეებს გააცნო გაეროს ბავშვთა ფონდის (UNICEF) მხარდაჭერით, ცენტრში მიმდინარე პროექტის მიზნები და მნიშვნელობა. პროექტის ექსპერტმა, თემურ თორდინავამ ისაუბრა პროექტის ფარგლებში დაგეგმილ ღონისძიებებზე.გაეროს ბავშვთა ფონდის (UNICEF) მხარდაჭერით ენერგეტიკის სასწავლო ცენტრში მიმდინარეობს პროექტი „წყალი, გარემო და ჯანმრთელობა მოზარდების უსაფრთხო მომავლისათვის“. პროექტის  მიზანია  საქართველოს სხვადასხვა რეგიონის სკოლების მოსწავლეების ცნობიერების დონის ამაღლება სასმელი წყლის, გარემოს, შიდა ჰაერის დაბინძურებისა და კატასტროფების რისკის შემცირების საკითხებზე. პროექტის ფარგლებში ყურადღება გამახვილდება გარემოს დაცვის საკითხებში ახალგაზრდების ჩართულობის ზრდის მექანიზმების განვითარების ხელშეწყობაზე, ამასთანავე მონაწილეებს მიეწოდებათ სიღრმისეული ინფორმაცია წყლის რესურსების რაციონალურად გამოყენებისა და დაცვის აუცილებლობის შესახებ.პროექტში მონაწილეობას მიიღებს ბათუმის, რუსთავის, ქუთაისისა და ფოთის ორმოცი სკოლის 650 მოსწავლე, ასევე ქუთაისისა და ბათუმის სახელმწიფო უნივერსიტეტების 50 სტუდენტი. პროექტის ფარგლებში მოსწავლე-ახალგაზრდებს ჩაუტარდებათ ტრენინგები და საჯარო ლექციები. ასევე, დაგეგმილია საინფორმაციო შეხვედრები ადგილობრივი თვითმმართველობების წარმომადგენლებთან.პროექტის ხანგრძლივობაა 8 თვე.

EnergyNews-ი  გილოცავთ აღდგომის ბრწყინვალე დღესასწაულს

დღეს, 20 აპრილს  მართლმადიდებელი ეკლესია აღდგომის ბრწყინვალე დღესასწაულს აღნიშნავს. ოთხივე სახარების თანახმად, პარასკევ დღეს იესო ქრისტე იერუსალიმში, გოლგოთაზე ჯვარს აცვეს. სამი დღის შემდეგ კი მაცხოვარი მკვდრეთით აღსდგა. EnergyNews-ი  გილოცავთ აღდგომის ბრწყინვალე დღესასწაულს! 

ენერგეტიკის განვითარების ფონდის დირექტორად ვლადიმერ ძნელაძე დაინიშნა

თბილისის მერი კახა კალაძე დიდუბის რაიონის ყოფილ გამგებელს ვლადიმერ ძნელაძეს გაწეული შრომისთვის მადლობას უხდის და ახალ თანამდებობაზე წარმატებას უსურვებს.როგორც მერმა დღეს დედაქალაქის მთავრობის სხდომაზე განაცხადა, ძნელაძე ამიერიდან ენერგეტიკის განვითარების ფონდს უხელმძღვანელებს.„მინდა, მადლობა გადავუხადო დიდუბის რაიონის აწ უკვე ყოფილ გამგებელს ვლადიმერ ძნელაძეს, რომელიც საქმიანობას ახალ თანამდებობაზე განაგრძობს - იგი ენერგეტიკის განვითარების ფონდის დირექტორად დაინიშნა. შესაბამისად, გამგებლის თანამდებობა დატოვა. ლადოს ძალიან დიდი გამოცდილება აქვს ენერგეტიკის მიმართულებითაც. იგი 2021 წლიდან იყო დიდუბის რაიონის გამგებელი. ბევრი კარგი პროექტი გვაქვს ერთად განხორციელებული. მინდა, მადლობა ვუთხრა მას გაწეული შრომისთვის,  საქმიანობისთვის და წარმატება ვუსურვო ახალ თანამდებობაზე. შორს არ მიდის. მართლაც მნიშვნელოვანი პროექტებია ენერგეტიკის მიმართულებით გასაკეთებელი. ჩვენ გვაქვს სერიოზული რესურსები, რომელსაც სჭირდება სწორი, რაციონალური გამოყენება. ყველაფერი უნდა გავაკეთოთ ერთად, რათა საქართველო ელექტროენერგიის თვალსაზრისით არ იყოს ვინმეზე ან რომელიმე ქვეყანაზე დამოკიდებული“, - განაცხადა კახა კალაძემ.ინფორმაციას თბილისის მერია ავრცელებს.