ნეტო-აღრიცხვის პროგრამაში ჩართული სადგურების რაოდენობა იზრდება - რომელ ქსელშია ყველაზე მეტი სადგური

ენერგეტიკის სასწავლო ცენტრი აცხადებს რეგისტრაციას ახალ სასწავლო კურსზე „წყალმომარაგების სექტორის რეგულირების პრინციპები"

ენერგეტიკის სასწავლო ცენტრმა რეგისტრაცია გამოაცხადა ახალ სასწავლო კურსზე „წყალმომარაგების სექტორის რეგულირების პრინციპები." კურსის მიზანია წყალმომარაგების სექტორში არსებული და სამიზნე რეგულირების ზოგადი პრინციპების გაცნობა და პრაქტიკული მაგალითების საფუძველზე წყალმომარაგების სექტორში არსებული გამოწვევების ანალიზი. მსმენელები, რომლებიც გაივლიან „წყალმომარაგების სექტორის რეგულირების პრინციპების“ კურსს, მისი დასრულების შემდგომ უნდა ფლობდნენ შესაბამის ცოდნასა და უნარებს წყალმომარაგების სექტორის რეგულირების საკითხებში.კურსის ფარგლებში ტრენინგები ჩატარდება შემდეგ საკითხებზე: წყალმომარაგების სექტორის მარეგულირებელი ჩარჩო კომისიის როლი და ფუნქციები; ლიცენზირება და სალიცენზიო პირობების მონიტორინგი; წყალმომარაგების სისტემების შემადგენლობა და ძირითადი მახასიათებლები; წყალმომარაგების კომპანიები; წყალმომარაგების სისტემების შეფასების კრიტერიუმები და შედარებითი ანალიზი; სასმელი წყლის დანაკარგების შეფასება და მათი აღმოფხვრა; სასმელი წყლის ხარისხი; წყალმომარაგების ტარიფები; ხელმისაწვდომობა; საირიგაციო საქმიანობის რეგულირების საფუძვლები სატარიფო  რეგულირების  პრინციპები  და  მეთოდოლოგიური საფუძვლები მომხმარებელთა  უფლებების  დაცვა,  მომსახურების  ხარისხის სტანდარტები, და მათი პრაქტიკაში გამოყენება ამასთან, სასწავლო კურსი განკუთვნილია სხვადასხვა პროფესიის წარმომადგენლებისთვის, რომელთა საქმიანობა დაკავშირებულია ენერგეტიკისა და წყალმომარაგების, ენერგეტიკული პოლიტიკის, ენერგეტიკის სექტორში მოქმედი ორგანიზაციების საქმიანობის შესწავლის, ელექტროენერგიის მომსახურების ხარისხის, მომხმარებელთა უფლებების დაცვის საკითხების შესწავლისა და რეგულირების მიმართულებებთან.სასწავლო კურსი გაიმართება ონლაინ რეჟიმში, Zoom-ის საშუალებით, ხოლო რეგისტრაცია შესაძლებელია ბმულზე: https://bit.ly/4eZ4FMB

დავით ნარმანიამ „ეკონომიკურ ფორუმზე“ ენერგეტიკის სექტორში არსებული სიახლეების შესახებ ისაუბრა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, დავით ნარმანიამ მონაწილეობა მიიღო „ეკონომიკური ფორუმის“ დისკუსიაში, რომელიც საქართველოს ენერგეტიკულიპოლიტიკის ენერგოუსაფრთხოებისა და განახლებადი ენერგიის საკითხებს შეეხებოდა.სემეკის თავმჯდომარემ ისაუბრა ენერგეტიკის სექტორში მიმდინარე რეფორმებზე, როგორც ელექტროენერგეტიკის, ასევე ბუნებრივი გაზის მიმართულებით, ყურადღება გაამახვილა სატარიფო პოლიტიკაზე. მისი თქმით, რეგულირებად სექტორებში დადგენილია გრძელვადიანი ტარიფები, შესაბამისად, უახლოეს ხანებში ტარიფების გადახედვა არ იგეგმება. დავით ნარმანიამ ისაუბრა განახლებადი ენერგიების ათვისების ხელშემწყობი პოლიტიკისეფექტიანობაზე. მან აღნიშნა, რომ სემეკში დაწყებულია მუშაობა ნეტო-აღრიცხვის პოლიტიკის ტრანსფორმაციის შესახებ:  „ისევე როგორც ევროპის ბევრ ქვეყანაში,საქართველოშიც ნეტო-აღრიცხვის სისტემიდან უნდა გადავიდეთ ნეტო-ბილინგის სისტემაზე, კერძოდქსელში მიწოდებული და ქსელიდან მოხმარებულიკილოვატ საათების გაქვითვიდან ქსელში მიწოდებული ელექტროენერგიის საფასურით მოხმარებული ელექტროენერგიის გაქვითვაზე. აღნიშნულ პროცესს სჭირდება რამდენიმე წლიანი გარდამავალი პერიოდი, რათა ნეტო-აღრიცხვის სისტემის არსებულიმომხმარებლები არ დაზარალდნენ. მნიშვნელოვანია,რომ ახალი სისტემა მიმზიდველი იყოსმომხმარებლებისთვის. ნეტო-აღრიცხვის პოლიტიკის ტრანსფორმაციის შესახებ შესაბამისი რეკომენდაცია მივიღეთ ენერგეტიკული გაერთიანებიდან. უახლოეს ხანებში დაიწყება საჯარო განხილვები სხვადასხვა დაინტერესებულ პირებთან ჩვენს მიერ მომზადებულ პროექტზე, რომლის შემდეგაც შემუშავდება შესაბამისი ნორმატიული აქტები“, - აღნიშნა დავით ნარმანიამ.    „ეკონომიკური ფორუმის“ დისკუსიაში მონაწილეობდნენ პირველი ვიცე-პრემიერი, ეკონომიკისა და მდგრადი განვითარების მინისტრი, ლევან დავითაშვილი და „საქართველოს ბანკის“ გენერალური დირექტორი, არჩილ გაჩეჩილაძე. დისკუსიას მოდერატორობა გაუწია „ბიზნეს ინსაიდერჯორჯიას“ დამფუძნებელმა, გიორგი აბაშიშვილმა. ღონისძიებას ესწრებოდნენ ენერგეტიკული უწყებების ხელმძღვანელი პირები და სხვადასხვა სექტორის წარმომადგენლები.    

"გვაქვს ამბიციური გეგმა, რომ 2030 წლისთვის 10 გეგავატამდე დადგმული სიმძლავრე გვქონდეს" - ლევან დავითაშვილი

პირველმა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა საქართველოს ენერგეტიკის სექტორში არსებულ ტენდენციებზე, მიმდინარე და დაგეგმილ რეფორმებსა და მსხვილ ინფრასტრუქტურულ პროექტებზე ისაუბრა ეკონომიკურ ფორუმზე „საქართველოს ენერგეტიკული პოლიტიკა, ენერგოუსაფრთხოება და განახლებადი ენერგია“.პირველმა ვიცე-პრემიერმა თავის გამოსვლაში ხაზი გაუსვა ენერგეტიკის სექტორის მნიშვნელობას ქვეყნის განვითარებისთვის. მისი შეფასებით, ენერგეტიკული პოლიტიკა ის მიმართულებაა, რაც საფუძვლად უდევს როგორც ქვეყნის სწორ ეკონომიკურ პოლიტიკას, ისე ქვეყნის უსაფრთხოებას.ლევან დავითაშვილმა აქცენტი გააკეთა ქვეყნის ენერგეტიკული უსაფრთხოების გაძლიერებაზე, ენერგობალანსში ადგილობრივი ელექტროენერგიის წილის მატებასა და ექსპორტის ზრდაზე.„საარჩევნო პროგრამით საზოგადოებას კონკრეტული სამიზნე მაჩვენებლები გავაცანით.კერძოდ, საუბარია ენერგოგენერაციის გაორმაგებაზე 2030 წლისთვის, რაც მოითხოვს რამდენიმე მილიარდიან ინვესტიციებს ენერგეტიკის სექტორში. საქართველოს აქვს განახლებადი ენერგორესურსებიდან ელექტროენერგიის წარმოების დიდი შესაძლებლობები, საუბარია როგორც ტრადიციულ ჰიდრორესურსებზე, ისე ქარისა და მზის წყაროებზე. ყველაფერი უნდა გავაკეთოთ, რომ ეს ენერგეტიკული რესურსები სრულად ავითვისოთ - ჩვენ გვაქვს ამბიციური გეგმა, რომ 2030 წლისთვის 10 გეგავატამდე დადგმული სიმძლავრე გვქონდეს,“ - აღნიშნა ლევან დავითაშვილმა.ლევან დავითაშვილმა დიდი მნიშვნელობა მიანიჭა დარგში კერძო ინვესტიციების მოზიდვას. მისი თქმით, კვლავ აქტუალურია ენერგეტიკაში კიდევ უფრო მეტი ინვესტიციის მოზიდვა და მეტი ინვესტორის დაინტერესება.„ჩვენი ენერგეტიკული პოლიტიკა კერძო ინვესტიციების წახალისებას გულისხმობს, თუმცა გვესმის, რომ ენერგეტიკის სექტორი სპეციფიურია, განსაკუთრებულია და კერძო სექტორთან ერთად დიდია სახელმწიფოს როლი. ეკონომიკის ბევრი სხვა სექტორისგან განსხვავებით, ენერგეტიკაში კერძო და საჯარო სექტორებს შორის დიალოგი უმნიშვნელოვანესია,“ - აღნიშნა პირველმა ვიცე-პრემიერმა.პირველმა ვიცე-პრემიერმა ასევე გაამახვილა ყურადღება ელექტროგადამცემ ინფრასტრუქტურასა და მეზობელი ქვეყნების ენერგეტიკულ სისტემებთან კოორდინირებულ მუშაობაზე. მან ასევე ხაზი გაუსვა გლობალურ ენერგეტიკულ პროექტს, რომლითაც შავი ზღვის წყალქვეშა კაბელის მეშვეობით საქართველოს ენერგოსისტემა ევროკავშირისას დაუკავშირდება.  ფორუმში მონაწილეობა ასევე მიიღეს „ბიზნეს ინსაიდერი საქართველოსა“ და ეკონომიკური ფორუმის დამფუძნებელმა გიორგი აბაშიშვილმა,  სემეკის თავჯდომარემ დავით ნარმანიამ და საქართველოს ბანკის ჯგუფის აღმასრულებელმა  და გენერალურმა დირექტორმა არჩილ გაჩეჩილაძემ. ფორუმს ასევე დაესწრნენ საქართველოს ბიზნეს ასოციაციის წევრი ენერგეტიკული კომპანიების წარმომადგენლები.

სემეკთან არსებულმა ენერგეტიკის სასწავლო ცენტრმა ვიშეგრადის საერთაშორისო ფონდის მხარდაჭერით სამეგრელო-ზემო სვანეთის რეგიონში საჯარო ლექციები ჩაატარა

ვიშეგრადის საერთაშორისო ფონდის (IVF)მხარდაჭერით, საქართველოს ენერგეტიკისა და წყალმომარაგების მარეგულირებელ ეროვნულ კომისიასთან (სემეკ) არსებული ენერგეტიკის სასწავლო ცენტრის ორგანიზებით, სამეგრელო-ზემო სვანეთის მუნიციპალიტეტის წარმომადგენელებსა და კომუნალური კომპანიების რეგიონული ოფისების თანამშრომლებთან შეხვედრა გაიმართა. შეხვედრაზე მონაწილეებს გააცნეს  ელექტროენერგეტიკის, ბუნებრივი გაზისა და წყალმომარაგების სექტორებში მომხმარებელთა უფლებების დაცვის მექანიზმები, ელექტროენერგიის ხარისხის რეგულირების პრინციპები, სემეკის მიერ შემუშავებული მარეგულირებელი ნორმების მნიშვნელობა კომუნალური კომპანიებისთვის და ენერგოომბუდსმენის სამსახურის საქმიანობა. პროექტის - „ვიშეგრადის ქვეყნების გამოცდილების გაზიარება კომუნალური მომსახურების რეგულირების შესახებ“ ფარგლებში, სემეკთან არსებული ენერგეტიკის სასწავლო ცენტრის ორგანიზებით კომუნალური მომსახურების სექტორის რეგულირების საკითხებზე სხვადასხვა აქტივობახორციელდება. პროექტის ფარგლებში ჩატარდა ტრენინგები, სადაც მონაწილეები გაეცნენ კომუნალური მომსახურების რეგულირების შესახებ როგორც საქართველოში მოქმედ ნორმებს, ასევე  პროქტის პარტნიორი ქვეყნების - ჩეხეთის, პოლონეთისა და სლოვაკეთის გამოცდილებას.   „ვიშეგრადის ქვეყნების გამოცდილების გაზიარება კომუნალური მომსახურების რეგულირების შესახებ“პროექტის პარტნიორები არიან: სლოვაკეთის საგარეოპოლიტიკის ასოციაციის კვლევითი ცენტრი (RC SFPA)(სლოვაკეთი), კარლის უნივერსიტეტისგარემოსდაცვითი ცენტრი (ჩეხეთი), ფონდი"პარტნიორები კლიმატისთვის" (P4C) (პოლონეთი).  ​პროექტის მიზანია პოლონეთის, ჩეხეთისა და სლოვაკეთის გამოცდილების გაზიარება საქართველოსთვის კომუნალური მომსახურების რეგულირების საკითხებში. მარეგულირებელი ბაზის შესწავლა, ანალიზი და მიღებული შედეგების საფუძველზე, ვიშეგრადის ქვეყნების საუკეთესო პრაქტიკის გათვალისწინებით, პროექტის ადგილობრივი მონაწილეების  შესაძლებლობების განვითარების ხელშეწყობა. პროექტის ფარგლებში შექმნილია სპეციალური ვებ-გვერდი www.v4share.com 

„კომისიის მიერ მიღებული გადაწყვეტილებით, მომხმარებლებს ჩამოეწერათ 49 066.61 ლარი“ - სემეკის მესამე კვარტალის ანგარიში

საქართველოს ენერგეტიკისა და წყალმომარაგების ეროვნულმა კომისიამ (სემეკ) მიმდინარე წლის მესამე კვარტალის საქმიანობის ანგარიში გამოაქვეყნა. დოკუმენტში მომხმარებელთა უფლებების დაცვის მიმართულებით არსებულ ტენდენციასაც დაეთმო. კომისიის მიერ მიღებული გადაწყვეტილებით, მესამე კვარტალში მომხმარებლებს ჩამოეწერათ 49 066.61 ლარი. რაც შეეხება ჩამოწერილი თანხების მოცულობას სექტორებში. ანგარიშის თანახმად, ელექტროენერგეტიკის სექტორში მომხმარებლებს 624,74 ლარი ჩამოეწერათ, ბუნებრივი გაზის სექტორში 7963.30ლარი, წყალმომარაგების სექტორში კი 40 748.57 ლარი. რაც შეეხება ხანდაზმულ სესხებს, კომისიის ინფორმაციით, მესამე კვარტალში 29 389.63 ლარის ხანდაზმული სესხები ჩამოიწერა.გარდა ამისა, დოკუმენტში ყურადღებაა გამახვილებული რეგულირებადი კომპანიების დაჯარიმების საკითხსაც. უფრო კონკრეტულად, კომისიის გადაწყვეტილებით, სს “ენერგოპრო-ჯორჯია” დაჯარიმდა და სახელმწიფო ბიუჯეტის სასარგებლოდ 40 ათასი ლარის გადახდა დაეკისრა. კომპანიამ არ შეასრულა “ მომსახურების ხარისხის წესებით” გათვალისწინებული მოთხოვნები მომხმარებლისთვის გაწეული მომსახურების შესახებ ელექტრონულ ჟურნალში სრული და ზუსტი ინფორმაციის ასახვასთან დაკავშირებით. ამასთან, კომისიამ ახალი მომხმარებლის ქსელთან მიერთების პროცედურების დარღვევის გამო სს “თელასი” დააჯარიმა. კომპანიას დაევალა სემეკის მიერ განსაზღვრულ ვადაში დარღვევების აღმოფხვრა და დაკისრებული ჯარიმის - 5 ათასი ლარის გადახდა სახელმწიფო ბიუჯეტში.ელექტროენერგიის უკანონო მოხმარებისა და არამიზნობრივად გამოყენების გამო დაჯარიმდა შპს “ენერგეტიკი”. კომპანიას სახელმწიფო ბიუჯეტის სასარგებლოდ 5 ათასი ლარის გადახდა დაეკისრა. ასევე 5 ათასი ლარით დაჯარიმდა შპს “საჩხერის წყალკანალი”. დაჯარიმების მიზეზია წყალმომარაგების საქმიანობის განსახორციელებლად საჭირო საშუალებების რეგლამენტთან და სტანდარტებთან შესაბამისობის დოკუმენტაციის კომისიაში წამროუდგენლობა.