„ნეტო-აღრიცხვის სისტემაში ჩართული ობიექტების რაოდენობამ 1 000 ერთეულს მიაღწია“ - დავით ნარმანია

სემეკთან არსებულ ენერგეტიკის სასწავლო ცენტრში ვიშეგრადის საერთაშორისო ფონდის მხარდაჭერით კომუნალური მომსახურების საკითხებზე ტრენინგები მიმდინარეობს

ვიშეგრადის საერთაშორისო ფონდის (IVF) მხარდაჭერით, საქართველოს ენერგეტიკისა და წყალმომარაგების მარეგულირებელ ეროვნულ კომისიასთან (სემეკ) არსებულ ენერგეტიკის სასწავლო ცენტრში ტრენინგები მიმდინარეობს თემაზე: „კომუნალური მომსახურების რეგულირება ვიშეგრადის ქვეყნებში“. ტრენინგებს ატარებენ პოლონელი, ჩეხი და სლოვაკი ექსპერტები პროექტის პარტნიორი ორგანიზაციებიდან.მიმდინარე წლის თებერვლიდან, ვიშეგრადის საერთაშორისო ფონდის (IVF) მხარდაჭერით, ენერგეტიკის სასწავლო ცენტრში ხორციელდება პროექტი სახელწოდებით: „ვიშეგრადის ქვეყნების გამოცდილების გაზიარება კომუნალური მომსახურების რეგულირების შესახებ“. პროექტის პარტნიორები არიან: სლოვაკეთის საგარეო პოლიტიკის ასოციაციის კვლევითი ცენტრი (RC SFPA) (სლოვაკეთი), კარლის უნივერსიტეტის გარემოსდაცვითი ცენტრი (ჩეხეთი), ფონდი "პარტნიორები კლიმატისთვის" (P4C) (პოლონეთი).პროექტის მიზანია პოლონეთის, ჩეხეთისა და სლოვაკეთის გამოცდილების გაზიარება საქართველოსთვის კომუნალური მომსახურების რეგულირების საკითხებში. მარეგულირებელი ბაზის შესწავლა, ანალიზი და მიღებული შედეგების საფუძველზე, ვიშეგრადის ქვეყნების საუკეთესო პრაქტიკის გათვალისწინებით, პროექტის ადგილობრივი მონაწილეების  შესაძლებლობების განვითარების ხელშეწყობა.  პროექტის ფარგლებში შექმნილია სპეციალური ვებ-გვერდი www.v4share.comპროექტის ფარგლებში გათვალისწინებულია კომუნალური მომსახურების მარეგულირებელი ჩარჩოს შესახებ კვლევითი დოკუმენტის შემუშავება, საუკეთესო საერთაშორისო პრაქტიკული მაგალითების მომზადება, ვიშეგრადის ქვეყნების პარტნიორების მიერ სტატიების მომზადება, საგანმანათლებლო ღონისძიებების -ტრენინგებისა და საჯარო ლექციების ორგანიზება. პროექტის სხვადასხვა აქტივობები განხორციელდება  სამეგრელო-ზემო სვანეთის რეგიონში. პროექტი დასრულდება 2025 წლის თებერვალში.

სემეკსა და GCCA-ს შორის ურთიერთთანამშრომლობის მემორანდუმი გაფორმდა

საქართველოს კონკურენციისა და მომხმარებლისდაცვის სააგენტოსა (GCCA) და საქართველოსენერგეტიკისა და წყალმომარაგების მარეგულირებელეროვნულ კომისიას (სემეკ) შორისურთიერთთანამშრომლობის მემორანდუმი გაფორმდა. შეთანხმებას ხელი მოაწერეს GCCA-ის თავმჯდომარემ, ირაკლი ლექვინაძემ და სემეკის თავმჯდომარემ, დავით ნარმანიამ.ურთიერთთანამშრომლობის მემორანდუმისმიზანს წარმოადგენს ენერგეტიკის სექტორშიკონკურენციის კანონმდებლობის აღსრულების, კონკურენციის პოლიტიკის ეფექტიანად წარმართვისადა ჯანსაღი კონკურენტული გარემოს ხელშეწყობა, მომხმარებლის უფლებების დაცვის პოლიტიკისეფექტიანად წარმართვა, კონკურენციისა დამომხმარებლის უფლებების დაცვის საკითხებზესაზოგადოებრივი ცნობიერების ამაღლება.მხარეებმა გამოთქვეს მზადყოფნა ენერგეტიკისსფეროში  კონკურენტული გარემოს გაუმჯობესებისა დამომხმარებლის უფლებების დაცვის  მიზნით  ჩაატარონერთობლივი ღონისძიებები, კანონმდებლობისცალკეული დებულებების დახვეწისათვის მოამზადონწინადადებები. ამასთანავე, მხარეები შეთანხმდნენახალი მიდგომების შემუშავებაზე, პრეცედენტულიგადაწყვეტილებების გაზიარებასა და  ერთგვაროვანიპრაქტიკის დამკვიდრებაზე.

სემეკი ელექტროენერგიის გამანაწილებელი ქსელების ინსპექტირებას კახეთში ახორციელებს

სემეკი ელექტროენერგიის გამანაწილებელი ქსელების მდგომარეობის ტექნიკურ ინსპექტირებას ახორციელებს.ამჯერად, ტექნიკური ინსპექტირება კახეთის რეგიონში მიმდინარეობს. მოწმდება კახეთის ქსელის რეაბილიტაციის საინვესტიციო გეგმის შესრულების მაჩვენებლები.სემეკი კომპანიების მიერ შესრულებული ტექნიკური სამუშაოების შეფასების დროს ეყრდნობოდა დამოუკიდებელი ინსპექტირების აკრედიტებული კომპანიების აუდიტს. თუმცა, ერთ-ერთი ასეთი დამოუკიდებელი კომპანიის მიერ წარმოდგენილი დასკვნის გადამოწმების შედეგად დადგინდა, რომ აუდიტი არ აღწერდა რეალურ სურათს და მოიცავდა უხეშ უზუსტობებს, არ ასახავდა კონკრეტულ ობიექტზე არსებულ ხარვეზებს, რომლებიც შესაძლოა ყოფილიყო სიცოცხლისთვის საფრთხის შემქმნელი. აღნიშნული აკრედიტებული დამოუკიდებელი ინსპექტირების კომპანიის შესახებ სემეკმა მიმართა აკრედიტაციის ერთიან ეროვნულ ორგანოს, რომლის გადაწყვეტილების საფუძველზეც ინსპექტირების კომპანიას აკრედიტაცია მიმდინარე წლის 1-ლი აგვისტოდან შეუჩერდა.სემეკი მუდმივ მონიტორინგს უწევს რეგულირებად სექტორებში სამშენებლო, სარემონტო თუ სარეკონსტრუქციო სამუშაოების შესაბამისობას მოქმედ სტანდარტებთან, რომელიც დამტკიცებულია საქართველოს მთავრობის მიერ. სემეკის მიერ განხორციელებული ტექნიკური ინსპექტირება კიდევ უფრო გააუმჯობესებს და ხელს შეუწყობს გამანაწილებელი ქსელების სარეაბილიტაციო პროცესსა და სამუშაოების დროულ, ხარისხიან შესრულებას.

სემეკის თანამშრომლები ენერგეტიკის სექტორის განვითარებაში შეტანილი წვლილისთვის დაჯილდოვდნენ

ენერგეტიკის სექტორის განვითარებაში შეტანილიწვლილისთვის საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თანამშრომლები - ვანო მეჭურჭლიშვილი და გიორგი დიდებაშვილიდაჯილდოვდნენ. სემეკის რეგულირების განვითარებისა და მეთოდოლოგიური უზრუნველყოფის დეპარტამენტის დირექტორს, ვანო მეჭურჭლიშვილს ენერგეტიკის სექტორში საქმიანობის 23 წლიანი გამოცდილება აქვს. მისი ორგანიზებით ელექტროენერგიის, ბუნებრივი გაზის, წყალმომარაგებისა და მელიორაციის სექტორების რეგულირების განვითარებისათვის არაერთი მნიშვნელოვანი პროექტი განხორციელდა და ნორმატიული აქტი შემუშავდა. მათ შორისაა,  *303#-ის, სემეკისა და იუსტიციის სახლის ერთობლივი პროექტები.  სემეკის მომხმარებელთა საჩივრების დეპარტამენტის დირექტორის მოადგილეს, გიორგი დიდებაშვილს ენერგეტიკის სექტორში საქმიანობის 24 წლიანი გამოცდილება აქვს. მისი უშუალო ჩართულობით მომხმარებელთა უფლებების დაცვის კუთხით სემეკს მიღებული აქვს პრეცედენტული გადაწყვეტილებები, რომლებმაც ხელი შეუწყო მომხმარებელთა ინტერესების დაცვის გაუმჯობესებასა და რეგულაციების ეფექტიანობას. გიორგი დიდებაშვილის ინიციატივით ენერგეტიკის სასწავლო ცენტრში შემუშავდა მომხმარებელთა უფლებების დაცვის სალექციო კურსი.    

„სამეგრელოს რეგიონის 24-მდე სოფელში უკვე განხორციელდა ქსელების ტექნიკური ინსპექტირება“ - ნუგზარ ბერიძე

სემეკმა ელექტროენერგიის გამანაწილებელი ქსელების ტექნიკური ინსპექტირება დაიწყო. აღნიშნული პროცესი გულისხმობს სემეკის სპეციალური ჯგუფის მიერ გამანაწილებელი ქსელების ადგილზე შემოწმებას და მდგომარეობის შეფასებას.უნდა აღინიშნოს, რომ სემეკი აქამდე, გამანაწილებელი კომპანიების მიერ შესრულებული ტექნიკური სამუშაოების შეფასების დროს ეყრდნობოდა დამოუკიდებელი ინსპექტირების აკრედიტებული კომპანიების აუდიტს. თუმცა, ერთ-ერთი ასეთი დამოუკიდებელი კომპანიის მიერ წარმოდგენილი დასკვნის გადამოწმების შედეგად დადგინდა, რომ აუდიტი არ აღწერდა  რეალურ სურათს და მოიცავდა უხეშ უზუსტობებს, არ ასახავდა კონკრეტულ ობიექტზე არსებულ ხარვეზებს, რომლებიც შესაძლოა ყოფილიყო სიცოცხლისთვის საფრთხის შემქმნელი.“როგორც მოგეხსენებათ, ის ინვესტიციები, რომლებიც გამანაწილებელ ქსელში ხორციელდება, თავისთავად აისახება ტარიფშიც. სემეკი აანალიზებს განხორციელებულ ინვესტიციებს, ამტკიცებს საინვესტიციო გეგმებს და ამ ყველაფრის შედეგი უნდა აისახოს მომსახურების ხარისხის სტანდარტებზე, რომელიც აკონტროლებს თუ როგორია ენერგიის წყვეტის სიხშირე  და რამდენად გაუმჯობესდა მომსახურება. გაუმჯობესებაზე საუბრისას უნდა ვნახოთ თუ რა გაკეთდა განხორციელებული ინვესტიციების შედეგად. ის, რაც კეთდება ქსელში უნდა იყოს სტანდარტების შესაბამისი და უნდა შეამციროს ელექტროენერგიის წყვეტა კონკრეტულ მომხმარებლებთან“. განაცხადა სემეკის ელექტროენერგეტიკის დეპარტამენტის დირექტორმა ნუგზარ ბერიძემ.ნუგზარ ბერიძე ასევე აღნიშნავს, რომ ამ ეტაპისთვის სემეკმა სამეგრელო-ზუგდიდის რაიონში 24 სოფელში არსებული ქსელები უკვე შეამოწმა, რომელთა ანალიზი ახლაც მიმდინარეობს.„ჩვენ გადავწყვიტეთ, რომ უფრო მეტი ძალა დაგვეხარჯა, რათა ჩვენს მიერ ტარიფში ჩადებული ინვესტიცია  ჰქონდეს ეფექტიანი შედეგი. ჩვენ უკვე დავიწყეთ რაიონებში ვიზიტი რათა დაგვეთვალიერებინა და შეგვემოწმებინა იქ არსებული გამანაწილებელი ქსელები. მათ შორის, ვიყავით სამეგრელო-ზუგდიდის რაიონში, სადაც დაახლოებით 20-დან 24 სოფლამდე მოვიარეთ, შევამოწმეთ ქსელის მდგომარეობა. ახლა მიმდინარეობს ამ შედეგების ანალიზი და  ამ ყველაფერს მოჰყვება შესაბამისი რეაგირება. ჩვენ ვფიქრობთ, რომ ტექნიკური მონიტორინგის უფრო ინტენსიური წარმოება ჩვენი მხრიდან ამ მომენტისთვის აუცილებელია და სწორედ ამიტომ დავიწყეთ უფრო აგრესიული მონიტორინგი ამ  ქსელებში ტექნიკური მდგომარეობის“. - აცხადებს ნუგზარ ბერიძე.ნუგზარ ბერიძე ასევე აცხადებს, რომ სემეკის აღნიშნული ინსპექტირების პროცესს ქსელებში უახლესი 5 წლის განმავლობაში გააგრძელებს.„ეს პროცესი უახლოესი 5 წლის განმავლობაში გაგრძელდება, რადგან ჩვენ ასეთი სახის შემოწმებისთვის სერიოზული დრო დაგვჭირდება. ჩვენ დაგვჭირდება ბევრი ვიზიტის განხორციელება, ამიტომ ამას გარკვეული დრო დასჭირდება. აქვე უნდა აღინიშნოს, რომ ჩვენ არა მხოლოდ ვამოწმებთ იმას თუ რა მდგომარეობაშია ქსელი, არამედ ვამოწმებთ უშუალოდ განახლებულ ქსელებსაც, რათა დავრწმუნდეთ არიან თუ არა ისინი სტანდარტებთან შესაბამისობაში“.- აღნიშნა ნუგზარ ბერიძემ.