დავით ნარმანია Energy Community-ს ხელმძღვანელს შეხვდა

დავით ნარმანია Energy Community-ს ხელმძღვანელს შეხვდა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე, დავით ნარმანია და სემეკის წევრები ენერგეტიკული გაერთიანების (Energy Community) ხელმძღვანელს, არტურ ლორკოვსკის შეხვდნენ. შეხვედრაზე განიხილეს საქართველოში ენერგეტიკული რეფორმის მიმდინარეობა, ევროკავშირის დირექტივების შესაბამისად მარეგულირებელი კომისიის მიერ შემუშავებული ნორმატიული აქტების აღსრულების ეფექტიანობა. ამასთანავე, იმსჯელეს სამომავლო გეგმებზე.სემეკის თავმჯდომარის, დავით ნარმანიას განცხადებით, სემეკის მიერ შესრულებულია კანონმდებლობითა და ევროპული დირექტივებით ნაკისრი ვალდებულებები, ბაზრის ლიბერალიზაციის ხელშეწყობის მიზნით კომისიას უკვე 50-მდენორმატიული აქტი აქვს მიღებული. შეხვედრას ესწრებოდნენ სემეკის სხვადასხვა დეპარტამენტის ხელმძღვანელი პირები დაენერგეტიკული გაერთიანების ოფიციალური წარმომადგენელი საქართველოში, სალომე ჯანელიძე.  

ენერგეტიკის სექტორში ქალების ხელშეწყობის მიზნით სემეკში მიმდინარე მენტორობის პროგრამის შემაჯამებელი ღონისძიება გაიმართა

ენერგეტიკის სექტორში დასაქმებული ქალების ხელშეწყობის მიზნით საქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) მიმდინარე მენტორობის პროგრამის შემაჯამებელი ღონისძიება გაიმართა. პროგრამის მონაწილეებს სერტიფიკატები გადასცა სემეკის თავმჯდომარემ, დავით ნარმანიამ.  შემაჯამებელ ღონისძიებაზე მონაწილეებმა ისაუბრეს პროგრამის მნიშვნელობაზე, ენერგეტიკის სექტორში ქალების როლის გაძლიერებაზე, გაიმართა პანელური დისკუსია, სადაც ენერგეტიკის სასწავლო ცენტრისა და სემეკის წარმომადგენლებმა განიხილეს ენერგეტიკის სექტორში ქალების ხელშეწყობისა და წახალისების საჭიროება.სემეკისა და ენერგეტიკის სასწავლო ცენტრის მხარდაჭერით, ენერგეტიკის სექტორში ქალების ხელშეწყობის მენტორობის პროგრამა 6 თვის განმავლობაში მიმდინარეობდა. პროგრამის ფარგლებში ჩატარდა ინდივიდუალური ტრენინგები მონაწილეთა პროფესიული განვითარების, ასევე საჯარო გამოსვლების, პროექტის მენეჯმენტის, საკომუნიკაციო უნარების გაუმჯობესების მიზნით. 

გიორგი ფანგანმა მონაწილეობა მიიღო EU4Energy-ს ორგანიზებულ მაღალი დონის კონფერენციაში

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) წევრმა გიორგი ფანგამმა მონაწილეობა მიიღოEU4Energy-ს მიერ ორგანიზებულ  მაღალი დონისკონფერენციაში “ტრანსასაზღვროგამტარუნარიანობის ხელშეწყობისა და აღმოსავლეთპარტნიორობის ქვეყნების ევროკავშირშიინტეგრაციის ხელშეწყობის შესახებ”.გიორგი ფანგანმა პანელურ დისკუსიაზე ისაუბრასაქართველოსთვის შავი ზღვის წყალქვეშაელექრტოგადამცემი ხაზის მნიშვნელობაზე და ხაზიგაუსვა მარეგულირებლის როლს აღნიშნულიპროექტის განხორციელების პროცესში.კონფერენციაში, რომელიც EU4Energy Phase II პროგრამისფარგლებში გაიმართა, მონაწილეობდნენ ევროპისა დააღმოსავლეთ პარტნიორობის ქვეყნების სამთავრობოუწყებების, ენერგეტიკის მარეგულირებელი კომისიებისადა ენერგეტიკის სექტორში მოქმედი კომპანიებისწარმომადგენლები. EU4Energy ინიციატივა დაფინანსებულია ევროკავშირისმიერ. პროექტის განმახორციელებლები არიან ევროპისენერგეტიკის მარეგულირებელთა საბჭო (CEER), ენერგეტიკის საერთაშორისო სააგენტო (IEA) დაენერგეტიკული გაერთიანება (Energy Community).

„ჩვენი მთავარი ამოცანაა უფრო მეტ ადამიანს ჰქონდეს უწყვეტ კომუნალურ სერვისთან წვდომა“ - ენერგეტიკისა და ბუნებრივი გაზის სექტორში ინვესტიციები იზრდება

სემეკის თავმჯდომარემ დავით ნარმანიამ განაცხადა, რომ მიმდინარე წელს როგორც ელექტროენერგეტიკის, ისე ბუნებრივი გაზის სექტორში ინვესტიციების მაჩვენებელი მნიშვნელოვნად იზრდება. დავით ნარმანია ასევე აცხადებს, რომ მარეგულირებელი კომისიის თვითმიზანი არა უშუალოდ ინვესტიციების მოცულობაა, არამედ შედეგი, რომელმაც უფრო მეტ ადამიანს უნდა მისცეს უწყვეტ კომუნალურ სერვისთან წვდომა. „მარეგულირებელმა კომისიამ მიმდინარე წლის იანვრიდან გაზარდა ინვესტიციების მოცულობა როგორც  ელექტროენერგეტიკის, ისე ბუნებრივი გაზის სექტორში. აქედან გამომდინარე, უფრო მეტი პროექტი ხორციელდება და  უფრო მეტი პრობლემა გვარდება. ამას მოყვა სემეკის მხრიდან უფრო მკაცრი კონტროლი. დღესაც ჩვენი თანამშრომლები არიან, მაგალითად, კახეთის რეგიონში და ხდება როგორც შესრულებული საინვესტიციო პროექტების შეფასება, ისე არსებული პრობლემატიკის მოკვლევა და შესაბამისი ანალიზის გაკეთება. აქვე დავამატებ თუ რას ნიშნავს გაზრდილი ინვესტიცია, მაგალითად, თუ აქამდე თელასი წლიურად საშუალოდ 50-60 მილიონ ლარს ხარჯავდა დედაქალაქის ტერიტორიაზე, ეს მაჩვენებელი გაორმაგდა და 110 მილიონ ლარამდე ინვესტიცია უნდა განახორციელოს 2024-2025 წელს.  ასევე ორჯერ გაიზარდა ენერგოპროს მიერ განსახორციელებელი ინვესტიციების მოცულობაც.  ანალოგიურად ხდება ბუნებრივი გაზის სექტორშიც, მათ შორის რეგიონებში.  ჩვენი მთავარი ამოცანაა უფრო მეტ ადამიანს ჰქონდეს უწყვეტ კომუნალურ სერვისთან წვდომა“. - აცხადებს დავით ნარმანია.სემეკის თავმჯდომარე ასევე აღნიშნავს, რომ ინვესტიციების კუთხით მარეგულირებელი კომისია ეყრდნობა ევროპულ პრაქტიკას, რომლის მიხედვითაც, ჩადებულ ინვესტიციაზე კომპანიამ უკუგების შესაბამისი ნორმა უნდა მიიღოს.“ინვესტიციები და ტარიფები ერთმანეთთან პირდაპირ პროპორციულადაა დაკავშირებული. რაც უფრო მეტი ინვესტიციის საჭიროებაა სისტემაში, ის პირდაპირ აისახება ტარიფებზე, ვინაიდან კომპანიები, რომლებიც დებენ ინვესტიციას სჭირდებათ შესაბამისი უკუგება. ევროპულ პრაქტიკაზე დაყრდნობით ჩვენ დადგენილი გვაქვს ჩადებულ ინვესტიციაზე უკუგების გასაშუალოებული ნორმა. შესაბამისად, ინვესტორმა კარგად იცის, რომ ჩადებულ ინვესტიციაზე ის შესაბამის ამონაგებს მიიღებს. კომისია ყოველთვის აფასებს ინვესტიციების მნიშვნელობას, საჭიროებასა და გავლენას მიწოდების უსაფრთხოებაზე“. - აღნიშნა დავით ნარმანიამ.აქვე იმასაც შეგახსენებთ, რომ გამანაწილებელ ქსელებში ინვესტიციების განხორციელება ერთ-ერთი უმნიშვნელოვანესი საკითხია, რომელმაც ხელი უნდა შეუწყოს მომხმარებლის კომუნალური სერვისებით უწყვეტად მომარაგებას. ცხადია, კომპანიების მხრიდან გაწეულ ინვესტიციებსა და პროექტებს შესაბამისი კონტროლი სჭირდება. ამ კუთხით, სემეკმა მიმდინარე წელს გამანაწილებელი ქსელების ტექნიკური ინსპექტირება დაიწყო, რომელიც ახლაც აქტიურად მიმდინარეობს.

სემეკთან არსებულ ენერგეტიკის სასწავლო ცენტრში ვიშეგრადის საერთაშორისო ფონდის მხარდაჭერით კომუნალური მომსახურების საკითხებზე ტრენინგები მიმდინარეობს

ვიშეგრადის საერთაშორისო ფონდის (IVF) მხარდაჭერით, საქართველოს ენერგეტიკისა და წყალმომარაგების მარეგულირებელ ეროვნულ კომისიასთან (სემეკ) არსებულ ენერგეტიკის სასწავლო ცენტრში ტრენინგები მიმდინარეობს თემაზე: „კომუნალური მომსახურების რეგულირება ვიშეგრადის ქვეყნებში“. ტრენინგებს ატარებენ პოლონელი, ჩეხი და სლოვაკი ექსპერტები პროექტის პარტნიორი ორგანიზაციებიდან.მიმდინარე წლის თებერვლიდან, ვიშეგრადის საერთაშორისო ფონდის (IVF) მხარდაჭერით, ენერგეტიკის სასწავლო ცენტრში ხორციელდება პროექტი სახელწოდებით: „ვიშეგრადის ქვეყნების გამოცდილების გაზიარება კომუნალური მომსახურების რეგულირების შესახებ“. პროექტის პარტნიორები არიან: სლოვაკეთის საგარეო პოლიტიკის ასოციაციის კვლევითი ცენტრი (RC SFPA) (სლოვაკეთი), კარლის უნივერსიტეტის გარემოსდაცვითი ცენტრი (ჩეხეთი), ფონდი "პარტნიორები კლიმატისთვის" (P4C) (პოლონეთი).პროექტის მიზანია პოლონეთის, ჩეხეთისა და სლოვაკეთის გამოცდილების გაზიარება საქართველოსთვის კომუნალური მომსახურების რეგულირების საკითხებში. მარეგულირებელი ბაზის შესწავლა, ანალიზი და მიღებული შედეგების საფუძველზე, ვიშეგრადის ქვეყნების საუკეთესო პრაქტიკის გათვალისწინებით, პროექტის ადგილობრივი მონაწილეების  შესაძლებლობების განვითარების ხელშეწყობა.  პროექტის ფარგლებში შექმნილია სპეციალური ვებ-გვერდი www.v4share.comპროექტის ფარგლებში გათვალისწინებულია კომუნალური მომსახურების მარეგულირებელი ჩარჩოს შესახებ კვლევითი დოკუმენტის შემუშავება, საუკეთესო საერთაშორისო პრაქტიკული მაგალითების მომზადება, ვიშეგრადის ქვეყნების პარტნიორების მიერ სტატიების მომზადება, საგანმანათლებლო ღონისძიებების -ტრენინგებისა და საჯარო ლექციების ორგანიზება. პროექტის სხვადასხვა აქტივობები განხორციელდება  სამეგრელო-ზემო სვანეთის რეგიონში. პროექტი დასრულდება 2025 წლის თებერვალში.