დავით ნარმანია საქართველოს ენერგეტიკის გამოფენისა და ფორუმის გახსნის ღონისძიებას დაესწრო

რომელ საერთაშორისო ორგანიზაციებთან თანამშრომლობს სემეკი

სემეკის მიერ გამოქვეყნებულ 2023 წლის ანგარიშში ყურადღება გამახვილებულია პარტნიორ საერთაშორისო ორგანიზაციებზე, რომლებთანაც კომისია აქტიურად თანამშრომლობდა და თანამშრომლობს.დოკუმენტში აღნიშნულია, რომ კომისიის მიზნებისა და ამოცანების მისაღწევად საერთაშორისო ორგანიზაციებთან ურთიერთობა უმნიშვნელოვანესია. სხვადასხვა ქვეყანაში არსებული სიახლეების, გამოწვევების, პროგრესისა და მიღწევების შესახებ ინფორმაციის გაზიარებას განსაკუთრებული მნიშვნელობა ენიჭება კომისიის საქმიანობის განხორციელების პროცესში.2023 წელს კომისია ევროპის ენერგეტიკის მარეგულირებელთა საბჭოსთან (CEER), ენერგეტიკულ გაერთიანებასთან (Energy Community), ენერგეტიკის მარეგულირებელთა რეგიონულ ასოციაციასთან (ERRA), ამერიკის შეერთებული შტატების საერთაშორისო განვითარების სააგენტოსთან (USAID), კომუნალური სამსახურების მარეგულირებელი კომისიების ეროვნულ ასოციაციასა (NARUC) და სხვა საერთაშორისო ორგანიზაციებთან თანამშრომლობდა.აქვე უნდა აღინიშნოს, რომ 2023 წელს პერუში, ქალაქ ლიმაში, ენერგეტიკის რეგულირების შესახებ VIII მსოფლიო ფორუმი გაიმართა და მასში მონაწილეობა მიიღეს კომისიის თავმჯდომარემ, დავით ნარმანიამ, კომისიის წევრმა, გიორგი ფანგანმა და კომისიის თავმჯდომარის უფროსმა მრჩეველმა, მაია მელიქიძემ. ამავე ფორუმზე იქნა მიღებული გადაწყვეტილება ენერგეტიკის რეგულირების შესახებ IX მსოფლიო ფორუმის (WFER IX) 2026 წელს საქართველოში ჩატარების თაობაზე.გარდა ამისა, 2017 წლიდან კომისია ევროპის ენერგეტიკის მარეგულირებელთა საბჭოში (CEER) დამკვირვებლის სტატუსით სარგებლობს. 2023 წელს კომისიის თანამშრომლები ესწრებოდნენ CEER-ის გენერალურ ასამბლეას და აქტიურად მონაწილეობდნენ სხვადასხვა სამუშაო ჯგუფის შეხვედრებში. ამასთან, 2023 წელს კომისია აქტიურად თანამშრომლობდა კომუნალური სამსახურების მარეგულირებელი კომისიების ეროვნულ ასოციაციასთან (NARUC). NARUC-ის ორგანიზებითა და აშშ-ს საერთაშორისო განვითარების სააგენტოს (USAID) დაფინანსებით არაერთი სამუშაო შეხვედრა და ტრენინგი გაიმართა. კომისიის წარმომადგენლები ექსპერტებად იყვნენ მიწვეული უზბეკეთისა და ყაზახეთის ენერგეტიკის მარეგულირებელ ორგანოებში.სემეკისთვის ასევე მნიშვნელოვან პოლიტიკას სხვა ქვეყნის მარეგულირებელ ინსტიტუტებთან თანამშრომლობა წარმოადგენს. ამ კუთხით, 2023 წელს ლიეტუვას რესპუბლიკის ენერგეტიკის მარეგულირებელი ეროვნული საბჭოს მიწვევით ორმხრივი შეხვედრა განხორციელდა. ნ. შეხვედრის მიზანი იყო ცოდნის გაზიარება ლიეტუვას ელექტროენერგეტიკული ლიბერალიზებული ბაზრის ტრანსფორმაციის, ტარიფების რეგულირების, ქსელებთან მიერთების წესებისა და სხვა შესაბამისი საკითხების შესახებ. 2023 წელს გაიმართა შეხვედრა ყირგიზეთის რესპუბლიკის ენერგეტიკის სამინისტროში არსებული საწვავისა და ენერგეტიკის კომპლექსური რეგულირების დეპარტამენტის წარმომადგენლებსა და კომისიის აპარატის თანამშრომლებს შორის. შეხვედრის ფარგლებში კომისიის წარმომადგენლებმა ყირგიზ კოლეგებს მიაწოდეს ინფორმაცია კომისიის დამოუკიდებლობისა და სატარიფო რეგულირების შესახებ. ასევე აღსანიშნავია 2023 წელს მოლდოვის რესპუბლიკის ენერგეტიკის რეგულირების ეროვნულ სააგენტოსა და კომისიას შორის გაფორმებული თანამშრომლობის მემორანდუმი, რომელიც მიზნად ისახავს მხარეებს შორის გამოცდილების გაზიარებასა და თანამშრომლობას ელექტროენერგიის, ბუნებრივი გაზის, წყალმომარაგების საქმიანობის ლიცენზირებისა და საინფორმაციო ტექნოლოგიების სფეროებში.

დავით ნარმანიამ „ეკონომიკურ ფორუმზე“ წყალმომარაგების სექტორის გამოწვევების შესახებ ისაუბრა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, დავით ნარმანიამ მონაწილეობა მიიღო „ეკონომიკური ფორუმის“ მეთხუთმეტე დისკუსიაში, რომელიც წყალმომარაგების სექტორის შესაძლებლობებსა და გამოწვევებს შეეხებოდა.სემეკის თავმჯდომარემ ისაუბრა წყალმომარაგების სექტორში არსებულ მდგომარეობასა და მარეგულირებელ ნორმებზე. „სემეკი წყალმომარაგების სექტორს არეგულირებს 2008 წლიდან. ძირითადი მიმართულებებია წყალმომარაგების ლიცენზიების გაცემა/გაუქმება, ტარიფების დადგენა, ინვესტიციების შეთანხმება, დავების განხილვა და მომსახურების ხარისხის მონიტორინგი და სხვა. ამჟამად, წყალმომარაგების სექტორში ოპერირებს 8 ლიცენზიატი კომპანია, რომლებიც წყალმომარაგებით უზრუნველყოფენ საქართველოს მოსახლეობის დაახლოებით 69%-ს.  მიუხედავად იმისა, რომ ბოლო 10 წლის განმავლობაში საქართველოს წყალმომარაგების სისტემებში განხორციელებულმა ინვესტიციებმა რამდენიმე მილიარდი ლარი შეადგინა, ამ სექტორში დღესაც საკმაოდ ბევრი გამოწვევაა. მათი გადაჭრასაჭიროებს მასშტაბურ ღონისძიებებსა თუ საინვესტიციო პროექტებს. სემეკი წყალმომარაგებისკომპანიებისთვის ყოველწლიურად ამტკიცებს საკვანძო მაჩვენებლების არსებულ დონესა და სამიზნე ნიშნულს. ამ მაჩვენებლებით ფასდება კომპანიების ცალკეული აქტივობები. ჩვენი მიზანია, რომ კომპანიების მიერ გასატარებელი ღონისძიებები და  განსახორციელებელი საინვესტიციო გეგმები სწორად  ემსახურებოდეს საკვანძო მაჩვენებლების არსებული დონის გაუმჯობესებას“, - აღნიშნა დავით ნარმანიამ. მან ყურადღება გაამახვილა წყალმომარაგების კომპანიების საქმიანობაზე და განაცხადა, რომ სემეკი მუდმივ რეჟიმში მონიტორინგს უწევს კომპანიებისმიერ საინვესტიციო პროექტების შესრულებას.„მასშტაბურ საინვესტიციო პროექტებს ახორციელებს  „საქართველოს გაერთიანებული წყალმომარაგების კომპანია“, რომელიც მოიცავს როგორც ქალაქების, ასევე სოფლის ტიპის დასახლებებს. მხოლოდ 2023 წელს „საქართველოს გაერთიანებული წყალმომარაგების კომპანიამ“ განახორციელა 368 მლნ ლარის ინვესტიცია. 2023 წელს  კომისიამ შეითანხმა  „ჯორჯიან უოთერენდ ფაუერისა“ და  „ბათუმის წყლის“ 2024-2026 წლებში განსახორციელებელი საინვესტიციო გეგმები, რომელიც „ჯორჯიან უოთერ ენდ ფაუერის“  შემთხვევაში შეადგენს 363 მლნ ლარს, ხოლო შპს „ბათუმის წყლის“ შემთხვევაში 25 მლნ ლარს. საინვესტიციო პროექტები ემსახურება არსებული მდგომარეობის გაუმჯობესებას, რომლებიც აუცილებელია საწარმოების გამართული ფუნქციონირებისთვის. მიმდინარე წელს ქალაქ თბილისსა და ქალაქ რუსთავში უკვე განხორციელდა წყალმომარაგების ქსელის პრობლემური ნაწილის რეაბილიტაცია. შედეგად, სახეზე გვაქვს წყალმომარაგების სისტემაში ავარიების რაოდენობის და დანაკარგების შემცირების ტენდენცია. აღსანიშნავია, რომ „ჯორჯიან უოთერ ენდ ფაუერი“ მნიშვნელოვან ყურადღებას უთმობს წყალმომარაგების სისტემის მოდერნიზაციასა და ქსელის გაციფრულებას. „ჯორჯიან უოთერ ენდ ფაუერის“ ახალი ინვესტორი კომპანია „აქუალია“ არის ყველაზე მსხვილი დარგობრივი ინვესტორი საქართველოში, რომელიც ოპერირებს მსოფლიოს არაერთ ქვეყანაში და არის დარგში ერთ-ერთი მთავარი ლიდერი. მისი მთავარი მიზანია ევროპული სტანდარტების დანერგვა საქართველოში“, - აღნიშნა დავით ნარმანიამ. „ეკონომიკური ფორუმის“ დისკუსიაში მონაწილეობა მიიღეს საქართველოს რეგიონული განვითარებისა და ინფრასტრუქტურის მინისტრის მოადგილემ მზია გიორგობიანმა და „ჯორჯიან უოთერენდ ფაუერის“ აქტივების მართვის დირექტორმა გიგა ნადირაძემ. ფორუმის მონაწილეებს სიტყვით მიმართა  „ჯორჯიან უოთერ ენდ ფაუერის“ გენერალურმა დირექტორმა ხოსე მიგელ სანტოს გონზალეზმა. დისკუსიას მოდერატორობა გაუწია „ბიზნეს ინსაიდერჯორჯიას“ დამფუძნებელმა, გიორგი აბაშიშვილმა. 

სემეკის მხარდაჭერით მიმდინარე პროექტის „ელექტროენერგიის გზა დაბადებიდან ჩვენამდე“ ფინალური შეხვედრა გაიმართა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, დავით ნარმანიამ ენერგეტიკის სასწავლო ცენტრის პროექტის „ელექტროენერგიის გზა დაბადებიდან ჩვენამდე“ ფინალის მონაწილეებს სერტიფიკატები გადასცა. პროექტის შემაჯამებელი ღონისძიება მწვანე ინჟინერიის ცენტრში გაიმართა, რომელსაც ესწრებოდნენ პროექტში მონაწილე მცხეთის მუნიციპალიტეტის საჯარო სკოლების მოსწავლეებიდა მასწავლებლები, მცხეთის მუნიციპალიტეტის საგანმანათლებლო რესურსცენტრის, ენერგეტიკის სასწავლო ცენტრის, სემეკის წარმომადგენლები, მცხეთა-მთიანეთის სახელმწიფო რწმუნებულის მოადგილე, გოჩა ქავთარაძე.  ​პროექტი „ელექტროენერგიის გზა დაბადებიდან ჩვენამდე“ ენერგეტიკის სასწავლო ცენტრის ინიციატივითა და სემეკის მხარდაჭერით 4 თვის განმავლობაში მიმდინარეობდა, რომელშიც ჩართულნი იყვნენ მცხეთის მუნიციპალიტეტის სოფლების - მუხრანის, ახალდაბისა და წეროვანის, ასევე ქ. მცხეთის საჯარო სკოლების მოსწავლეები. ​„სემეკი დაინტერესებულია და ხელს უწყობს სკოლის მოსწავლეების ცოდნისა და ინფორმირებულობის დონის ამაღლებას ენერგეტიკის საკითხებზე. ვგეგმავთ, რომ პროექტი „ელექტროენერგიის გზა დაბადებიდან ჩვენამდე“ განვახორციელოთ საქართველოს სხვა რეგიონებშიც“, - განაცხადა დავით ნარმანიამ სკოლის მოსწავლეებთან ფინალური შეხვედრისას. პროექტი „ელექტროენერგიის გზა დაბადებიდან ჩვენამდე“ რამდენიმე ეტაპად წარიმართა, მონაწილე სკოლის მოსწავლეებს ჩაუტარდათ ტრენინგები ელექტროენერგიის წარმოების სრული ციკლის შესახებ, რომლის საფუძველზეც მათ მიერ შექმნილი ნამუშევრებიდან  15 გამარჯვებული მოსწავლე გამოვლინდა.  პროექტის საზაფხულო სკოლის ფარგლებში, გამარჯვებული მოსწავლეები ეწვივნენ სხვადასხვა საკვანძო ენერგეტიკულ ობიექტს, ასევე მწვანე ინჟინერიის ცენტრში გამართული ფინალური შეხვედრის ფარგლებში, სკოლის მოსწავლეებს ჩაუტარდათ ტრენინგი განახლებადი ენერგიის მნიშვნელობისა და მისი გამოყენების ტექნოლოგიების შესახებ. ​პროექტის ფარგლებში გამარჯვებულ 15 მოსწავლეს პერსონალური და პორტატული კომპიუტერები გადაეცა.   

დავით ნარმანია საქართველოს ენერგეტიკის გამოფენისა და ფორუმის გახსნის ღონისძიებას დაესწრო

სემეკის თავმჯდომარე, დავით ნარმანია საქართველოს ენერგეტიკის გამოფენისა და ფორუმის გახსნის ღონისძიებას დაესწრო. 4-5 ივლისს ექსპო ჯორჯიაში საქართველოს ენერგეტიკის გამოფენა და ფორუმი იმართება.სემეკის წარმომადგენლებთან ერთად ფორუმში მონაწილეობას იღებენ ენერგეტიკის სექტორის ექსპერტები, საერთაშორისო კომპანიებისა და სხვადასხვა ენერგეტიკული უწყებების წარმომადგენლები. გამოფენაში მონაწილეობენ უცხოური და ქართული კომპანიები. გამოფენის მიზანია ქართული ენერგეტიკის სექტორის განვითარების, განახლებადი ენერგიის დანერგვისა და საინვესტიციო გარემოს გაუმჯობესების ხელშეწყობა.  ღონისძიების ორგანიზატორები არიან:  GREDA, Invest In Network, ექსპოჯორჯია.

მცხეთის მუნიციპალიტეტის სკოლების მოსწავლეები „საქართველოს სახელმწიფო ელექტროსისტემაში“

ახალგაზრდა თაობაში ენერგეტიკის დარგის პოპულარიზაციის მიზნით "საქართველოს სახელმწიფო ელექტროსისტემამ“ ამჯერად მცხეთის მუნიციპალიტეტის სოფლების - მუხრანის, ახალდაბის, წეროვანის საჯარო სკოლების მოსწავლეებს უმასპინძლა. მოსწავლეები საქართველოს ენერგეტიკის საკვანძო ობიექტს საქართველოს ენერგეტიკისა და წყალმომარაგების მარეგულირებელ ეროვნულ კომისიასთან (სემეკი) არსებული ელიზბარ ერისთავის სახელობის ენერგეტიკის სასწავლო ცენტრის პროექტის - „ელექტროენერგიის გზა დაბადებიდან ჩვენამდე“ ფარგლებში ესტუმრნენ.მოსწავლეებმა მოინახულეს სსე-ის სათავო ოფისში განთავსებული ეროვნული სადისპეტჩერო ცენტრი და მართვის ფარი, რომელიც კოორდინირებას უწევს ენერგოსისტემაში მომუშავე მოხმარებისა და გენერაციის ყველა ობიექტს. გაეცნენ სადისპეტჩერო ცენტრის ფუნქციონირების პრინციპებს, ჩაუტარდათ მცირე ლექცია ელექტროენერგიის წარმოებიდან მოხმარებამდე ციკლის, „საქართველოს სახელმწიფო ელექტროსისტემის“ როლისა და იმ მნიშვნელოვანი პროექტების შესახებ, რომლებსაც სსე ახორციელებს.ახალი თაობის ენერგეტიკის დარგით დაინტერესების მიზნით, „საქართველოს სახელმწიფო ელექტროსისტემა“ თბილისისა თუ რეგიონების სკოლების მოსწავლეებისთვის შემეცნებით ტურებს 2016 წლიდან ატარებს. მოსწავლეებს აცნობს კომპანიაში მიმდინარე მასშტაბურ პროექტებს, აწვდის ინფორმაციას დარგში არსებულ მრავალფეროვან კარიერულ შესაძლებლობებზე, რაც შეიძლება, მათთვის პროფესიის არჩევაში გადამწყვეტი აღმოჩნდეს.