"გამანაწილებელმა კომპანიებმა მომხმარებლებს კომპენსაციის სახით ₾2 453 388 გადაუხადეს" - სემეკი

დავით ნარმანიამ თბილისის მდგრადი განვითარების რეგიონული ფორუმის განახლებადი ენერგიის შესახებ პანელურ სესიას მოდერატორობა გაუწია

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, პროფესორმა დავით ნარმანიამ თბილისის მდგრადი განვითარების რეგიონულ ფორუმში მიიღო მონაწილეობა. მან მოდერატორობა გაუწია პანელურ სესიას, რომელიც განახლებადი ენერგიის მოხმარებასა და განვითარებას შეეხებოდა.სემეკის თავმჯდომარემ სიტყვით გამოსვლისას ყურადღება გაამახვილა საქართველოს ენერგეტიკულ პოლიტიკაზე, სახელმწიფო პროგრამების ეფექტიანობაზე, სემეკის როლსა და რეგულაციებზე განახლებადი ენერგიების განვითარების მიმართულებით. დისკუსიის ფარგლებში მონაწილეებმა განიხილეს საქართველოს პოტენციალი განახლებადი ენერგიების განვითარების კუთხით, არსებული საკანონმდებლო ჩარჩო, საინვესტიციო გარემოს გაუმჯობესების მიზნით შემუშავებული მექანიზმები. იმსჯელეს არსებულ გამოწვევებსა და მათი გადაჭრის გზებზე.პანელურ დისკუსიაში მონაწილეობა მიიღეს ეკონომიკისა და მდგრადი განვითარების სამინისტროს ენერგეტიკული პოლიტიკისა და საინვესტიციო პროექტების დეპარტამენტის უფროსმა, ჯუბო ტურაშვილმა, საქართველოს ბიზნეს ასოციაციის აღმასრულებელმა დირექტორმა, ლევან ვეფხვაძემ, კომპანია „ჰუავეის“ ენერგეტიკის ექსპერტმა, კარლოს ალვარეს ორტეგამ, კომპანია „შაინ ენერჯის“ დამფუძნებელმა ნინო გადელიამ, საქართველოს მზის ენერგიის განვითარების ასოციაციის თანადამფუძნებელმა, თორნიკე დარჯანიამ, საქართველოს განახლებადი ენერგიის განვითარების ასოციაციის აღმასრულებელმა დირექტორმა, მაია მელიქიძემ.თბილისის მდგრადი განვითარების რეგიონული ფორუმი (TBILISI RFSD) სახელწოდებით - „მშვიდობის როლი მდგრად სოციალურ-ეკონომიკურ განვითარებაში“ ქ. თბილისში, 5-6 ივნისს იმართება. ფორუმში მონაწილეობენ საქართველოს მთავრობის წევრები, მუნიციპალიტეტების წარმომადგენლები, ადგილობრივი და უცხოელი ექსპერტები სხვადასხვა სფეროდან, ბიზნეს სექტორის, აკადემიური წრეებისა და დიპლომატიური კორპუსის წარმომადგენლები.

პროექტის - "ელექტროენერგიის გზა დაბადებიდან ჩვენამდე" ფარგლებში ყვარლისა და თელავის სკოლების მოსწავლეები დაჯილდოვდნენ

საქართველოს ენერგეტიკისა და წყალმომარაგების მარეგულირებელ ეროვნულ კომისიასთან (სემეკ) არსებული ენერგეტიკის სასწავლო ცენტრის პროექტის -  „ელექტროენერგიის გზა დაბადებიდან ჩვენამდე“ ფარგლებში ქ. ყვარლისა და ქ. თელავის საჯარო სკოლების მოსწავლეების მიერ ენერგეტიკის თემატიკაზე შექმნილი ნამუშევრების გამოფენა გაიმართა, სადაც გამარჯვებულები გამოვლინდნენ. 16 გამარჯვებული ნამუშევრის ავტორს პორტატული  და პლანშეტური კომპიუტერები გადაეცათ.დაჯილდოების ღონისძიება ქ. ყვარელში, ილია ჭავჭავაძის სახლ-მუზეუმში გაიმართა, სადაც სემეკის თავმჯდომარემ, დავით ნარმანიამ და კახეთის მხარეში სახელმწიფო რწმუნებულმა, გიორგი ალადაშვილმა დამსწრე საზოგადოებას სიტყვით მიმართეს და გამარჯვებულ მოსწავლეებს სერტიფიკატები და საჩუქრები გადასცეს.ამავე ღონისძიებაზე, საჯარო სკოლის მოსწავლეების ენერგეტიკის საკითხებით დაინტერესების აუცილებლობის შესახებ ისაუბრეს სემეკის აღმასრულებელმა დირექტორმა, ელენე ლაგვილავამ, საქართველოს ტექნიკური უნივერსიტეტის ენერგეტიკის ფაკულტეტის დეკანმა, ქეთევან ქუთათელაძემ, ქ. ყვარლისა და ქ. თელავის საგანმანათლებლო რესურსცენტრების ხელმძღვანელი პირებმა.ენერგეტიკის სასწავლო ცენტრის მიერ სკოლის მოსწავლეებისათვის პროექტი  -  „ელექტროენერგიის გზა დაბადებიდან ჩვენამდე“ უკვე მეორედ, წარმატებით ხორციელდება. პროექტის მიზანს წარმოადგენს ელექტროენერგიის წარმოებიდან მოხმარებამდე სრული ციკლის შესახებ სკოლის მოსწავლეების ინფორმირება, განახლებადი ენერგიების, საქართველოს მწვანე ენერგეტიკული პოტენციალის შესახებ მათი ცნობიერების დონის ამაღლება. პროექტის ფარგლებში, მონაწილეებს ჩაუტარდათ ტრენინგები და მოეწყო მოსწავლეების მიერ შექმნილი თემატური ნამუშევრების გამოფენა. ამასთანავე, გამარჯვებული მოსწავლეებისთვის ენერგეტიკის სასწავლო ცენტრის ორგანიზებით ერთკვირიანი საზაფხულო სკოლა მოეწყობა.

"გამანაწილებელმა კომპანიებმა მომხმარებლებს კომპენსაციის სახით ₾2 453 388 გადაუხადეს" - სემეკი

2024 წელს გარანტირებული სტანდარტების დარღვევის გამო გამანაწილებელმა კომპანიებმა მომხმარებლებს კომპენსაციის სახით 2 453 388 ლარი გადაუხადა. ამის შესახებ ინფორმაცია საქართველოს ენერგეტიკისა და წყალმომარაგების მარეგულირებელი ეროვნული კომისიის 2024 წლის საქმიანობის ანგარიშშია ნათქვამი.მათივე ცნობით, გადახდილი თანხიდან 2 036 488 ლარი ახალი მომხმარებლის ქსელზე მიერთების სტანდარტის დარღვევის გამოა გაცემული."ხოლო დანარჩენი გარანტირებული სტანდარტის დარღვევისთვის – 416 900 ლარი, რომელიც შემდეგნაირად ნაწილდება:ახალი მომხმარებლის მიერთებასიმძლავრის გაზრდადავალიანების გადაუხდელობისთვის გათიშული მომხმარებლებისთვის მომარაგების აღდგენააღრიცხვის კვანძის მოწყობა და ქსელზე შეჭრამომხმარებლის წერილობით ელექტრონულ მიმართვაზე დასაბუთებული პასუხის / გაცემა ტექსტური შეტყობინების გაგზავნა ან და რეაგირება / მომხმარებლის მიმართვის საფუძველზე მომარაგების ტექნიკური ხარისხის ადგილზე შემოწმებამომხმარებლის მიმართვის საფუძველზე აღრიცხვის ხელსაწყოების ადგილზე შემოწმებააბონენტად დარეგისტრირება და მოთხოვნილი პირობებით მომარაგების უზრუნველყოფამიკროსიმძლავრის ელექტროსადგურის მიერთებაზემოთ მოცემულია 2017-2024 წლებში გარანტირებული სტანდარტების განსაზღვრულ ვადებში შეუსრულებლობისთვის მომხმარებლებზე დარიცხული კომპენსაციების ოდენობა განაწილების ლიცენზიატების მიხედვით.გარანტირებული სტანდარტით გათვალისწინებული კომპენსაცია მომხმარებელს უნდა დაერიცხოს მის სააბონენტო ბარათზე, კრედიტის სახით, შემდგომი ანგარიშსწორებისთვის, ხოლო წინასწარ გადახდილი მომსახურების საფასურის შემთხვევაში კომპენსაცია მომხმარებელს უნდა დაერიცხოს განაცხადში მის მიერ მითითებულ საბანკო ანგარიშზე. ამასთან, კომპენსაცია უნდა აისახოს მომხმარებლის სააბონენტო ბარათზე, მომსახურების გარანტირებული სტანდარტის დარღვევიდან 15 სამუშაო დღის ვადაში, ხოლო თუ პირი დარღვევის მომენტისათვის არ არის აბონენტად რეგისტრირებული, კომპენსაცია უნდა დაერიცხოს მის სააბონენტო ბარათზე, მომარაგების დაწყებიდან 15 სამუშაო დღის ვადაში", - აღნიშნულია ინფორმაციაში.

სემეკში მიმდინარე მენტორობის პროგრამის - "ქალები ენერგეტიკაში" შემაჯამებელი ღონისძიება გაიმართა

ენერგეტიკის სექტორში დასაქმებული ქალების გაძლიერების მიზნით, საქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) მიმდინარე მენტორობის პროგრამის შემაჯამებელი ღონისძიება გაიმართა.ღონისძიებაზე გამართულ პანელურ დისკუსიაზე სემეკის თავმჯდომარემ, დავით ნარმანიამ და კომისიის წევრებმა იმსჯელეს ენერგეტიკის სექტორში ქალების დასაქმებისა და კარიერული განვითარების ხელშეწყობის მნიშვნელობაზე, განიხილეს არსებული გამოწვევები და მათი გადაჭრის გზები. მენტორობის პროგრამის მონაწილეებმა წარადგინეს პრეზენტაციები სხვადასხვა აქტუალურ საკითხზე.ღონისძიების ფარგლებში სემეკის თავმჯდომარემ და კომისიის წევრებმა სერტიფიკატები გადასცეს მენტორობის პროგრამის მონაწილეებს.სემეკში რიგით მეორე მენტორობის პროგრამა, სახელწოდებით „ქალები ენერგეტიკაში“ 6 თვის განმავლობაში მიმდინარეობდა. პროგრამის ფარგლებში მენეჯერულ პოზიციებზე დასაქმებულებმა გაუზიარეს გამოცდილება სხვადასხვა პოზიციებზე დასაქმებულ ქალ კოლეგებს.მენტორობის პროგრამის მიზანს წარმოადგენდა ენერგეტიკის სექტორში ქალების პროფესიული განვითარების ხელშეწყობა.პროგრამა განხორციელდა ენერგეტიკის სასწავლო ცენტრის მხარდაჭერით.

"საქსტატმა" ახალი ინტერაქტიული პლატფორმის - ენერგეტიკის სტატისტიკის პორტალის პრეზენტაცია გამართა

საქართველოს სტატისტიკის ეროვნულმა სამსახურმა ახალი ინტერაქტიული პლატფორმის - ენერგეტიკის სტატისტიკის პორტალის პრეზენტაცია გამართა.როგორც საქსტატის აღმასრულებელმა დირექტორმა გოგიტა თოდრაძემ განაცხადა, ენერგეტიკის სტატისტიკის ახალი პორტალი იქნება ერთობლივი მუშაობის კიდევ ერთი წარმატებული შედეგი და წარმოადგენს მნიშვნელოვან წვლილს ქვეყნის ენერგეტიკული პოლიტიკის დაგეგმვასა და განვითარებაში. გოგიტა თოდრაძემ მადლობა გადაუხადა გუნდის წევრებს, რომლებმაც შეუფასებელი შრომა ჩადეს აღნიშნული პროექტის რეალიზებაში. ,,აქ დამსწრე საქართველოს მთავრობის, კერძო სექტორისა და აკადემიური სფეროს წარმომადგენლებისთვის ეს პორტალი წარმოადგენს ახალ შესაძლებლობას - უფრო ეფექტურად მოიპოვონ, გააანალიზონ და გამოიყენონ ენერგეტიკული სექტორის სტატისტიკური ინფორმაცია.’’- აღნიშნა საქსტატის აღმასრულებელმა დირექტორმა. პორტალზე მარტივად აღსაქმელი ფორმით წარმოდგენილია ენერგეტიკის სფეროსთან დაკავშირებული სტატისტიკური მონაცემები. ის მომხმარებლებს აძლევს შესაძლებლობას ერთ სივრცეში ინტერაქტიული გრაფიკებისა და ვიზუალიზაციის თანამედროვე საშუალებების გამოყენებით მოახდინოს ქვეყანაში არსებული ენერგეტიკული სექტორის ანალიზი. პორტალი ოთხი ძირითადი მოდულისგან შედგება: ენერგეტიკული ბალანსი, მოკლევადიანი ენერგეტიკული სტატისტიკა, შინამეურნეობებში ენერგორესურსების მოხმარება და ძირითადი მაჩვენებლები. ენერგეტიკული ბალანსის მოდული შეიცავს მონაცემებს როგორც ენერგორესურსების ტიპების (ელექტრო და თბოენერგია, ბუნებრივი გაზი, ქვანახშირი, ნავთობი, ბიოსაწვავი და ნარჩენები), ასევე ენერგეტიკული ნაკადების (წარმოება, მოხმარება, იმპორტი, ექსპორტი) მიხედვით.მოდულში წარმოდგენილია ხუთი ანალიზური მაჩვენებელი, მათ შორის ორი მდგრადი განვითარების მიზნის (SDG) ინდიკატორი. მომხმარებლებს საშუალება აქვთ იხილონ ენერგეტიკული ნაკადების ინტეგრირებული გრაფიკები და ბალანსის მონაცემები ცხრილების სახით. მოკლევადიანი ენერგეტიკული სტატისტიკის მოდულში თავმოყრილია მაღალი სიხშირის ენერგეტიკული მაჩვენებლები, როგორიცაა ელექტროენერგიისა და ბუნებრივი გაზის ნახევარწლიური ფასები (საყოფაცხოვრებო და არასაყოფაცხოვრებო სეგმენტებისთვის), ასევე ენერგორესურსების ყოველთვიური წარმოების, იმპორტ-ექსპორტისა და შიდა მიწოდების მონაცემები. შინამეურნეობებში ენერგორესურსების მოხმარების მოდული ეფუძნება 2022 წელს ჩატარებული სპეციალური გამოკვლევის შედეგებს. მასში გაანალიზებულია ქალაქისა და სოფლის ჭრილში სხვადასხვა ტიპის ენერგორესურსებისა და ტექნოლოგიების გამოყენება გათბობის, გაგრილების, ცხელი წყლის და საჭმლის მომზადების მიზნებისთვის. ძირითადი მაჩვენებლების მოდულში თავმოყრილია წინა სამი მოდულის ყველაზე მნიშვნელოვანი მონაცემები, რომლებიც დაჯგუფებულია ენერგორესურსების წარმოების, მოხმარების, ფასებისა და SDG ინდიკატორების მიხედვით. აღნიშნულ მოდულში ასევე წარმოდგენილია ნაკადების დიაგრამა და რუკა, რომელზეც დატანილია საქართველოში არსებული ძირითადი ელექტროსადგურების ადგილმდებარეობა ქარის, თბო და ჰიდროელექტროსადგურების ჩათვლით."საქსტატის მიზანია საზოგადოებას მიაწოდოს სანდო, სრულყოფილი და ადვილად გამოსაყენებელი სტატისტიკური ინფორმაცია, რაც მნიშვნელოვნად გააუმჯობესებს ენერგეტიკული პოლიტიკის დაგეგმვასა და მართვის პროცესს ყველა დონეზე,"-აცხადენენ 'საქსტატში".