სემეკთან არსებულ ენერგეტიკის სასწავლო ცენტრში ვიშეგრადის საერთაშორისო ფონდის მხარდაჭერით ტრენინგები ჩატარდა

დავით ნარმანიამ ენერგეტიკის საკითხებისადმი მიძღვნილ ფორუმში მიიღო მონაწილეობა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, დავით ნარმანიამ მონაწილეობა მიიღო ენერგეტიკის საკითხებისადმი მიძღვნილ ფორუმში, სადაც ნეტო-აღრიცხვის რეგულირებაზე პრეზენტაცია წარადგინა. ფორუმში, რომელიც ქ. თბილისში, 3-4 ოქტომბერს იმართება მონაწილეობენ ენერგეტიკის სექტორში მოქმედი კომპანიებისა და საერთაშორისო ორგანიზაციების წარმომადგენლები.  ​ ფორუმის ფარგლებში გამართულ სესიაზე სახელწოდებით  - „განახლებადი ენერგიის განვითარება და ბაზრის დინამიკა“ სემეკის თავმჯდომარემ  ისაუბრა საქართველოში ენერგეტიკის სექტორში მიმდინარე რეფორმის, განახლებადი ენერგიების განვითარებისა და სემეკის მიერ შემუშავებული  რეგულაციების შესახებ. ​დავით ნარმანიას თქმით,ბოლო მონაცემების შესაბამისად, ნეტო-აღრიცხვის სისტემაში ჩართულია 1491 მიკროსიმძლავრის ელექტროსადგური, რომელთა ჯამური დადგმული სიმძლავრე 103 მეგავატს შეადგენს. სემეკმა ნეტო-აღრიცხვის რეგულაცია 2016 წელსდანერგა. წლების განმავლობაში ნეტო-აღრიცხვის განვითარებისთვის მიკროსიმძლავრისელექტროსადგურის დადგმული სიმძლავრე გაიზარდა 500 კვტ-მდე, დაინერგა მოხმარებული და წარმოებული კვტ/სთ-ების გაქვითვის პრაქტიკა და ვირტუალური მომხმარებლის პრინციპი. სემეკის რეგულაციების შესაბამისად, ნეტო-აღრიცხვა არ წარმოადგენს სამეწარმეო საქმიანობას და ჭარბი რეალიზაციიდან მიღებული შემოსავალი გათავისუფლებულია საშემოსავლო გადასახადისგან.

სემეკთან არსებულ ენერგეტიკის სასწავლო ცენტრში ვიშეგრადის საერთაშორისო ფონდის მხარდაჭერით ტრენინგები ჩატარდა

​ვიშეგრადის საერთაშორისო ფონდის (IVF) მხარდაჭერით, საქართველოს ენერგეტიკისა და წყალმომარაგების მარეგულირებელ ეროვნულ კომისიასთან (სემეკ) არსებულ ენერგეტიკის სასწავლო ცენტრში ტრენინგები ჩატარდა. სლოვაკეთის საგარეო პოლიტიკის ასოციაციის კვლევითი ცენტრის ექსპერტმა ქართველ კოლეგებს გაუზიარა სლოვაკეთის გამოცდილება კომუნალური მომსახურების რეგულირების საკითხებზე. მათ შორის, საბოლოო მომხმარებლის ტარიფების განსაზღვრის,მარეგულირებელი ორგანოების როლისა დადანახარჯების ამსახველი ფასწარმოქმნის,  სლოვაკეთის ბუნებრივი გაზის ბაზრისლიბერალიზაციის, სახელმწიფოს საკუთრებაშიარსებული წყალმომარაგების კომპანიების სატარიფორეგულირების პოლიტიკის შესახებ.მიმდინარე წლის თებერვლიდან, ვიშეგრადისსაერთაშორისო ფონდის (IVF) მხარდაჭერით, ენერგეტიკის სასწავლო ცენტრში ხორციელდება პროექტი სახელწოდებით: „ვიშეგრადის ქვეყნების გამოცდილების გაზიარება კომუნალური მომსახურების რეგულირების შესახებ“. პროექტის პარტნიორები არიან: სლოვაკეთის საგარეო პოლიტიკის ასოციაციისკვლევითი ცენტრი (RC SFPA) (სლოვაკეთი), კარლისუნივერსიტეტის გარემოსდაცვითი ცენტრი (ჩეხეთი),ფონდი "პარტნიორები კლიმატისთვის" (P4C)(პოლონეთი). ​პროექტის მიზანია პოლონეთის, ჩეხეთისა და სლოვაკეთის გამოცდილების გაზიარება საქართველოსთვის კომუნალური მომსახურების რეგულირების საკითხებში. მარეგულირებელი ბაზის შესწავლა, ანალიზი და მიღებული შედეგების საფუძველზე, ვიშეგრადის ქვეყნების საუკეთესო პრაქტიკის გათვალისწინებით, პროექტის ადგილობრივი მონაწილეების  შესაძლებლობების განვითარების ხელშეწყობა. პროექტის ფარგლებში შექმნილია სპეციალური ვებ-გვერდი www.v4share.com პროექტის ფარგლებში გათვალისწინებულია კომუნალური მომსახურების მარეგულირებელი ჩარჩოს შესახებ კვლევითი დოკუმენტის შემუშავება, საუკეთესო საერთაშორისო პრაქტიკული მაგალითების მომზადება, ვიშეგრადის ქვეყნების პარტნიორების მიერ სტატიების მომზადება, საგანმანათლებლო ღონისძიებების -ტრენინგებისა და საჯარო ლექციებისორგანიზება. პროექტის სხვადასხვა აქტივობები განხორციელდება  სამეგრელო-ზემო სვანეთის რეგიონში. პროექტი დასრულდება 2025 წლის თებერვალში.

„საკმაოდ დეტალური და ღრმა შინაარსიანი შეხვედრა იყო“ - რაზე ისაუბრეს სემეკისა და ენერგეტიკული გაერთიანების წარმომადგენლებმა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე, დავით ნარმანია და სემეკის წევრები ენერგეტიკული გაერთიანების (Energy Community) ხელმძღვანელს, არტურ ლორკოვსკის შეხვდნენ.შეხვედრაზე განიხილეს საქართველოში ენერგეტიკული რეფორმის მიმდინარეობა, ევროკავშირის დირექტივების შესაბამისად მარეგულირებელი კომისიის მიერ შემუშავებული ნორმატიული აქტების აღსრულების ეფექტიანობა. ამასთანავე, იმსჯელეს სამომავლო გეგმებზე.“სემეკში ჩვენ შევხვდით ევროპის ენერგეტიკული გაერთიანების ხელმძღვანელს  და მის წარმომადგენლებს. საკმაოდ დეტალური და ღრმა შინაარსიანი შეხვედრა იყო, სადაც ვისაუბრეთ ელექტროენერგეტიკის სფეროში განხორციელებულ რეფორმებზე, ბაზრის გახსნის მდგომარეობაზე და იმ დარჩენილ საკითხზე, რომელიც გულისხმობს  გადამცემი სისტემის ოპერატორის განცალკევებას. ენერგეტიკული გაერთიანების ხელმძღვანელს უკვე ჰქონდა ამ თემაზე ინფორმაცია, რომ შესაბამისი საკანონმდებლო პროექტი პარლამენტში უკვე ინიცირებულია და უახლოეს პერიოდში მიიღება კიდეც, რომლის შემდეგაც სემეკის დაასრულებს სერტიფიცირების  პროცესს. შესაბამისად ამ ნაწილში  არსებითი კითხვები პრაქტიკულად არ დასმულა.გარდა ამისა, იყო კითხვა ენერგეტიკულ ბირჟასთან დაკავშირებით, სადაც მივაწოდეთ ინფორმაცია ვაჭრობებთან დაკავშირებით, გამომდინარე იქიდან, რომ სემეკი ყოველდღიურ რეჟიმში ახორციელებს ბირჟაზე ვაჭრობის მონიტორინგს“. - აღნიშნა დავით ნარმანიამ.ენერგეტიკის სექტორის მსგავსად, საუბარი გაზის სექტორსაც შეეხო. სემეკის თავმჯდომარე აცხადებს, რომ აღნიშნულ სექტორში სემეკის ცვლილებებს აქტიურად ახორციელებს.„გაზის სექტორში ჩვენ ასევე მივაწოდეთ არსებული პროგრესის შესახებ ინფორმაცია. ევროპის ენერგეტიკულ გაერთიანებას სურს, რომ დავაჩქაროთ ეს პროცესი, უფრო ჩქარი ტემპით ვიაროთ გაზის სექტორის რეფორმის კუთხითაც, თუმცა აქაც ჩვენ პროგრესი ნამდვილად გვაქვს. უფრო კონკრეტულად, მარეგულირებელი აქტების პროექტები უკვე მომზადებულია, მეორეს მხრივ,  აქაც გამხოლოების პროცესი, რომელიც სამ კომპანიას ეხება წარმოდგენილი აქვთ მათ დოკუმენტაცია სემეკში. არაერთი შეხვედრა გაიმართა ამასთან დაკავშირებით და მიმდინარე წლის ბოლომდე ჩვენ ეს პროცესი უნდა დავასრულოთ“. - აცხადებს დავით ნარმანია.ამასთან, სემეკის თავმჯდომარის, დავით ნარმანიას განცხადებით, სემეკის მიერ შესრულებულია კანონმდებლობითა და ევროპული დირექტივებით ნაკისრი ვალდებულებები, ბაზრის ლიბერალიზაციის ხელშეწყობის მიზნით კომისიას უკვე 50-მდე ნორმატიული აქტი აქვს მიღებული.

დავით ნარმანია Energy Community-ს ხელმძღვანელს შეხვდა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე, დავით ნარმანია და სემეკის წევრები ენერგეტიკული გაერთიანების (Energy Community) ხელმძღვანელს, არტურ ლორკოვსკის შეხვდნენ. შეხვედრაზე განიხილეს საქართველოში ენერგეტიკული რეფორმის მიმდინარეობა, ევროკავშირის დირექტივების შესაბამისად მარეგულირებელი კომისიის მიერ შემუშავებული ნორმატიული აქტების აღსრულების ეფექტიანობა. ამასთანავე, იმსჯელეს სამომავლო გეგმებზე.სემეკის თავმჯდომარის, დავით ნარმანიას განცხადებით, სემეკის მიერ შესრულებულია კანონმდებლობითა და ევროპული დირექტივებით ნაკისრი ვალდებულებები, ბაზრის ლიბერალიზაციის ხელშეწყობის მიზნით კომისიას უკვე 50-მდენორმატიული აქტი აქვს მიღებული. შეხვედრას ესწრებოდნენ სემეკის სხვადასხვა დეპარტამენტის ხელმძღვანელი პირები დაენერგეტიკული გაერთიანების ოფიციალური წარმომადგენელი საქართველოში, სალომე ჯანელიძე.  

ენერგეტიკის სექტორში ქალების ხელშეწყობის მიზნით სემეკში მიმდინარე მენტორობის პროგრამის შემაჯამებელი ღონისძიება გაიმართა

ენერგეტიკის სექტორში დასაქმებული ქალების ხელშეწყობის მიზნით საქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) მიმდინარე მენტორობის პროგრამის შემაჯამებელი ღონისძიება გაიმართა. პროგრამის მონაწილეებს სერტიფიკატები გადასცა სემეკის თავმჯდომარემ, დავით ნარმანიამ.  შემაჯამებელ ღონისძიებაზე მონაწილეებმა ისაუბრეს პროგრამის მნიშვნელობაზე, ენერგეტიკის სექტორში ქალების როლის გაძლიერებაზე, გაიმართა პანელური დისკუსია, სადაც ენერგეტიკის სასწავლო ცენტრისა და სემეკის წარმომადგენლებმა განიხილეს ენერგეტიკის სექტორში ქალების ხელშეწყობისა და წახალისების საჭიროება.სემეკისა და ენერგეტიკის სასწავლო ცენტრის მხარდაჭერით, ენერგეტიკის სექტორში ქალების ხელშეწყობის მენტორობის პროგრამა 6 თვის განმავლობაში მიმდინარეობდა. პროგრამის ფარგლებში ჩატარდა ინდივიდუალური ტრენინგები მონაწილეთა პროფესიული განვითარების, ასევე საჯარო გამოსვლების, პროექტის მენეჯმენტის, საკომუნიკაციო უნარების გაუმჯობესების მიზნით.