ჰიდროელექტროსადგურები, რომელთა ტარიფსაც სემეკი ადგენდა, თავისუფალ ბაზარზე გავლენ

"ენერგეტიკის სასწავლო ცენტრმა 30-ზე მეტი ინიციატივა განახორციელა" - ელენე ლაგვილავა

ენერგეტიკის სასწავლო ცენტრის საბჭოს წევრის, ელენე ლაგვილავას ინფორმაციით, 3 წლის განმავლობაში, ცენტრმა 30-ზე მეტი ინიციატივა, სხვადასხვა, აქტივობის სახით განახორციელა.როგორც ელენე ლაგვილავამ გადაცემა „ბიზნესპარტნიოთან“ აღნიშნა, ცენტრში მიმდინარე პროექტები,  ცნობიერების ამაღლებაზეა ორიენტირებული."თამამად შეიძლება ითქვას, რომ ენერგეტიკის ცენტრმა თავიდანვე წარმატებული სტარტი აიღო. 3 წლის განმავლობაში, 3 000-ზე მეტი მსმენელი მივიღეთ. საზოგადოების ცნობიერების ამაღლება განსაკუთრებით მნიშვნელოვანია. მინდა შევეხო, გაეროს ბავშვთა ფონდის დაფინანსებულ პროექტებს: „წყალი, გარემო და ჯანმრთელობა მოზარდების უსაფრთხო მომავლისათვის", "განახლებული ენერგიის როლი კლიმატის ცვლილებისა და ჰაერის დაბინძურების პრობლემების გადაჭრაში", "წყალი და წყლის რესურსების რაციონალური გამოყენება". სწორედ ამ უკანასკნელი პროექტის განხორციელების დროს, სასწავლო ცენტრმა Energy Globe-ის ჯილდო აიღო, რომელიც ახალბედა სასწავლო ცენტრისთვის ნამდვილად მისასალმებელია.განსაკუთრებით მინდა აღვნიშნო, ამჟამად, გვაქვს პროექტი: "მეტი ქალი ენერგეტიკაში" აღნიშნული პროექტი 2 ივნისს, თბილისში გაიმართება. ჩვენი მიზანია - ვუთხრათ ქალებს, აღნიშნულ სფეროში, მათ წარმატების შესაძლებლობა აქვთ", - აღნიშნა ელენე ლაგვილავამ.ცნობისთვის, "ელიზბარ ერისთავის ენერგეტიკის სასწავლო ცენტრი" 2022 წლის 4 თებერვალს დაარსდა.ცენტრის დამფუძნებელია საქართველოს ენერგეტიკისა და წყალმომარაგების მარეგულირებელი ეროვნული კომისია (სემეკ), რომელსაც 2021 წლის 22 დეკემბერს „ენერგეტიკისა და წყალმომარაგების შესახებ“ საქართველოს კანონში შესული ცვლილებების შესაბამისად განესაზღვრა დამატებითი უფლებამოსილება საგანმანათლებლო მიმართულებით.

სემეკისა და იუსტიციის სახლის ერთობლივი პროექტის ფარგლებში მელიორაციის მომსახურებების მიღება იუსტიციის სახლშია შესაძლებელი

საქართველოს ენერგეტიკისა და წყალმომარაგების მარეგულირებელი ეროვნული კომისიისა (სემეკ)  და იუსტიციის სახლის ერთობლივი პროექტის ფარგლებში, დღეიდან მელიორაციის სექტორის მომხმარებლებს აქვთ შესაძლებლობა იუსტიციის სახლის მეშვეობით მიმართონ შპს „საქართველოს მელიორაციას“ ყველა სახის განაცხადით.საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე დავით ნარმანია და იუსტიციის სახლის თავმჯდომარე ვახტანგ ჟვანია იუსტიციის სახლის ცენტრალურ ფილიალში ადგილზე გაეცნენ მელიორაციის სერვისების გაცემის პროცესს.იუსტიციის სახლის ნებისმიერი ფილიალის მეშვეობით მელიორაციის სექტორის მომხმარებლებს შეუძლიათ: დარეგისტრირდნენ აბონენტად; გამოითხოვონ პირადი ინფორმაცია ბრუნვის ისტორიიდან; გადაამოწმონ დარიცხვა; მოითხოვონ დავალიანების გადანაწილება; მოითხოვონ მომარაგების ტექნიკური ხარისხისა და აღრიცხვის ხელსაწყოების ადგილზე შემოწმება; მიაწოდონ „საქართველოს მელიორაციას“ მომარაგების ხშირი წყვეტის შემთხვევაში ინფორმაცია; მოითხოვონ მომარაგების შეწყვეტა ან აღდგენა. სემეკი მელიორაციის სექტორის მომხმარებლებს განუმარტავს, რომ განაცხადზე რეაგირების გარეშე დატოვების ან/და მომსახურე კომპანიის მომსახურებით უკმაყოფილების შემთხვევაში, შეუძლიათ მიმართონ სემეკს იუსტიციის სახლის იმავე სივრციდან.სემეკისა და იუსტიციის სახლის ერთობლივი პროექტის მიზანია მელიორაციის მომსახურებების მიღების პროცესის გამარტივება. იუსტიციის სახლის 124 ფილიალსა და 20 მობილური იუსტიციის სახლში მომხმარებლებს შესაძლებლობა აქვთ, მარტივად და სწრაფად მიიღონ შესაბამისი სერვისები როგორც ქალაქებში, ისე სოფლებში - მათ შორის, „საქართველოს მელიორაციის“ კომპანიის საქმიანობის განხორციელების ზონებშიც.სემეკი უკვე მესამე წელია არეგულირებს მელიორაციის სექტორს. რეგულირების შედეგად, საირიგაციო წყლის მართვა გახდა გამჭვირვალე და პროგნოზირებადი, რაც ფერმერებს საშუალებას აძლევს, უფრო ეფექტურად დაგეგმონ თავიანთი საქმიანობა და თავიდან აიცილონ ის რისკები, რომლებიც წინა წლებში დაკავშირებული იყო წყლის უმიზნოდ, განუსაზღვრელი რაოდენობით მოხმარებასა და არასამართლიან განაწილებასთან.

სემეკში განხორციელებული ტვინინგის პროექტები საერთაშორისო ექსპერტებმა დადებითად შეაფასეს

საქართველოს ენერგეტიკისა და წყალმომარაგების მარეგულირებელ ეროვნულ კომისიაში (სემეკ) განხორციელებული, ევროკავშირის მიერ დაფინანსებული საჯარო სამსახურების დაძმობილების პროექტების შეფასების შესახებ შეხვედრა გაიმართა. შეხვედრაში მონაწილეობდნენ საერთაშორისო ექსპერტები ევროკავშირის ქვეყნებიდან, სემეკის წევრები და სხვადასხვა დეპარტამენტის ხელმძღვანელი პირები. შეხვედრა გახსნა სემეკის წევრმა და პროექტების ხელმძღვანელმა, გიორგი ფანგანმა.„სემეკში განხორციელებულ პროექტებს დადებითი შეფასება მიეცა ჩვენი უცხოელი კოლეგების მხრიდან. აღსანიშნავია, როგორც ქსელური ტარიფების დადგენის  მეთოდოლოგიების შემუშავება, განახლებადი ენერგიის რეგულირების სტრატეგიის განვითარება, ასევე საქართველოს ენერგეტიკული ბაზარის დიგიტალიზაცია. ტვინინგ ლაითის პროექტის ფარგლებში შემუშავდა სემეკის დიგიტალიზაციის სტრატეგია და სამოქმედო გეგმა, რომლის მიზანიცაა სემეკის საქმიანობის გაუმჯობესება,  ენერგეტიკული ბაზრის უფრო ეფექტიანი რეგულირების ხელშეწყობა“, - აღნიშნა გიორგი ფანგანმა.სემეკში განხორციელებული ტვინინგის რიგით მე-4 პროექტის - „ქსელური ტარიფების დადგენის მეთოდოლოგიების შემუშავების, ენერგოეფექტურობისა და განახლებადი ენერგიის რეგულირების სტრატეგიის განვითარებისა და მოთხოვნის მხარდაჭერის ჩართულობის უზრუნველსაყოფად რეგულირების ჩარჩოს შექმნის შესახებ“ პარტნიორები იყვნენ ავსტრიის ენერგეტიკის მარეგულირებელი ორგანო (E-Control) და გერმანიის ფედერალური ქსელის სააგენტო (BNetzA). პროექტის ხანგრძლივობა იყო 27 თვე.ტვინინგ ლაითის პროექტის - „დიგიტალიზაციისათვის ხელსაყრელი გარემოს შექმნისა და დიგიტალიზაციის სტრატეგიის შემუშავებაში კომისიის დახმარების შესახებ“ ხანგრძლივობა იყო 9 თვე, ხოლო განმახორციელებელი ორგანიზაცია - იტალიის ენერგეტიკული მომსახურების სამსახური (GSE).

დარგობრივი ეკონომიკისა და ეკონომიკური პოლიტიკის კომიტეტმა "ენერგეტიკისა და წყალმომარაგების შესახებ" კანონში ცვლილებები მეორე მოსმენით განიხილა

დარგობრივი ეკონომიკისა და ეკონომიკური პოლიტიკის კომიტეტის სხდომაზე „ენერგეტიკისა და წყალმომარაგების შესახებ“ საქართველოს კანონში ცვლილებები მეორე მოსმენით განიხილეს და მხარი დაუჭირეს. ამის შესახებ ინფორმაციას საქართველოს პარლამენტის პრესსამსახური ავრცელებს. კანონპროექტი კომიტეტის თავმჯდომარემ შოთა ბერეკაშვილმა წარადგინა. მისი თქმით, პირველი მოსმენის შემდეგ კანონპროექტში მხოლოდ ერთი ცვლილება განხორციელდა. „ცვლილების თანახმად, საბოლოო მომხმარებლის ან საბოლოო მომხმარებელთა ჯგუფის მიერ მიკროსიმძლავრის ელექტროსადგურით სარგებლობის პირობებს, მათ შორის, გამანაწილებელ ქსელში მიწოდებული ელექტროენერგიის, აგრეთვე ქსელიდან მიღებული ელექტროენერგიის საფასურსა და ანაზღაურების პირობებს კომისია ადგენს. კომისიის მიერ  დადგენილი ტექნიკური და ადმინისტრაციული მოთხოვნები, პროცედურები და საფასურები უნდა იყოს პროპორციული და არადისკრიმინაციული. ასევე საბოლოო მომხმარებელს არ უნდა დაეკისროს ქსელის ისეთი გადასახადი, რომელიც არ ასახავს სასისტემო და ბაზრის ოპერირების მომსახურებების ხარჯებს“, - განაცხადა შოთა ბერეკაშვილმა. კანონპროექტი აწესრიგებს მიკროსიმძლავრის ელექტროსადგურებთან დაკავშირებულ საკითხებს და მისი მიზანია საქართველოში განახლებადი ენერგიის ბაზრის სრულყოფილი ფუნქციონირება და დისკრიმინაციული პრაქტიკის აღმოფხვრა.დღესვე, კომიტეტის  სხდომაზე საქართველოს ენერგეტიკისა და წყალმომარაგების სექტორში მომხმარებელთა უფლებრივი მდგომარეობის შესახებ მომხმარებელთა ინტერესების საზოგადოებრივი დამცველის 2023-2024 წლების ანგარიშები მოისმინეს.საკითხი კანონმდებლებს მომხმარებელთა ინტერესების საზოგადოებრივი დამცველის მოვალეობის შემსრულებელმა  ნინო გულეიშვილმა წარუდგინა.მისი თქმით, სამსახური ეროვნული მარეგულირებელი ორგანოების შესახებ კანონის საფუძველზე, 2003 წელს შეიქმნა და ელექტროენერგიის, ბუნებრივი გაზის და სასმელი წყლის მომხმარებელთა უფლებებს იცავს. მისივე ინფორმაციით, დაარსებიდან დღემდე სამსახურს განხილული აქვს  53 000-მდე დავა და არასწორად დარიცხული გადასახადის სახით დაახლოებით 13 მილიონი ლარი აქვს  ჩამოწერილი.როგორც მომხსენებელმა  აღნიშნა, სამსახურს რეგიონული წარმომადგენლები ჰყავს  ბათუმში, ქუთაისსა და თელავში.ნინო გულეიშვილმა 2023-2024 წლების სტატისტიკურ მონაცემებზე  და სამსახურის მიერ ელექტროენერგიის, ბუნებრივი გაზის და სასმელი წყლის მიმართულებით განხილულ შემთხვევებზე ისაუბრა.დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ შოთა ბერეკაშვილმა მომხმარებელთა უფლებების დაცვის მიმართულებით სამსახურის საქმიანობა დადებითად შეაფასა და აღნიშნა, რომ მომხმარებლების ხარისხიანი სერვისებით უზრუნველყოფა უმნიშვნელოვანესია.კომიტეტმა წარმოდგენილი ანგარიშები ცნობად მიიღო.

დავით ნარმანიამ საჯარო სკოლის მოსწავლეებს ენერგეტიკისა და ეკონომიკის საფუძვლები გააცნო

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე, პროფესორი დავით ნარმანია ქ. თბილისის N98-ე საჯარო სკოლის მოსწავლეებს შეხვდა. შეხვედრის ფარგლებში, რომელიც ეხებოდა პროფორიენტაციისა და კარიერის დაგეგმვის ხელშეწყობას, სემეკის თავმჯდომარემ მოსწავლეებს ეკონომიკისა და  ენერგეტიკის საფუძვლები გააცნო, ამასთანავე, განუმარტა ქვეყნის ეკონომიკისთვის ენერგეტიკის სექტორის  მუდმივი განვითარების მნიშვნელობა,  მიაწოდა ინფორმაცია განახლებადი ენერგიების წყაროების, საქართველოს, როგორც ენერგეტიკული ჰაბის, ევროკავშირთან ნაკისრი ვალდებულებებისა და  ენერგეტიკული ბიზნესის მართვის შესახებ.დავით  ნარმანიას თქმით,  სკოლის მოსწავლეების ინფორმირება და მათი ცოდნის დონის ამაღლება ეკონომიკისა და ენერგეტიკის საკითხებზე, ერთ-ერთი პრიორიტეტული მიმართულებაა როგორც სემეკისთვის, ასევე ენერგეტიკის სასწავლო ცენტრისთვის.„ენერგეტიკა წარმოადგენს ეკონომიკის მამოძრავებელ უმნიშვნელოვანეს დარგს, აქედან გამომდინარე, სემეკისა და ენერგეტიკის სასწავლო ცენტრის მიზანია, სკოლის მოსწავლეები მეტად იყვნენ ინფორმირებულნი ეკონომიკის საფუძვლების, ენერგეტიკის სექტორის პერსპექტივების შესახებ, რაც მათ დაეხმარებათ შემდგომ ეტაპზე პროფესიის არჩევისას.  დღემდე, სემეკის ინიციატივით არაერთი პროექტი განხორციელდა სკოლის მოსწავლეებისათვის და ინფორმაციის დროულმა მიწოდებამ განაპირობა ის, რომ პროექტის მონაწილეთა გარკვეულმა ნაწილმა მომავლის პროფესიად ენერგეტიკა აირჩია, რაც მისასალმებელი და სასიხარულოა“, -  აღნიშნა სემეკის თავმჯდომარემ.სემეკისა და ენერგეტიკის სასწავლო ცენტრის ინიციატივით სკოლის მოსწავლეებისათვის  სხვადასხვა პროექტი ხორციელდება. პროექტების ფარგლებში მოსწავლეები ეცნობიან განახლებადი ენერგიებისა და ენერგოეფექტურობის საკითხებს, ეკონომიკის საფუძვლებს, ენერგეტიკული ბიზნესის მათვისა და საქართველოს ენერგეტიკის სექტორის განვითარების პერსპექტივებს.