რომელ ქვეყნებში ყიდის საქართველო ელექტროენერგიას

„კომისიის მიზანია, რეგულირებადი სექტორების გამჭვირვალობის ზრდა“ - სემეკი სტატისტიკური პორტალი განვითარებას გეგმავს

როგორც უკვე ცნობილია სემეკის მიერ სტატისტიკური პორტალი შეიქმნა, სადაც ამ ეტაპზე ელექტროენერგიის სექტორის სხვადასხვა სახის ინფორმაციის მიღებაა შესაძლებელი. უნდა აღინიშნოს, რომ ამ ეტაპზე მიმდინარეობს სამუშაოები იმისათვის, რათა აღნიშნულ პორტალზე კიდევ უფრო მეტი ინფორმაცია დაემატოს როგორც ელექტროენერგეტიკის, ისე სხვა რეგულირებადი სექტორების შესახებ. როგორც სემეკის ბაზრის მონიტორინგის დირექტორი ნიკოლოზ სუმბაძე EnergyNews-თან საუბრისას აცხადებს, პორტალი ხელს შეუწყობს რეგულირებადი სექტორებში გამჭვირვალობას, ვინაიდან პორტალზე თავმოყრილი იქნება კომისიაში არსებული საჯარო ინფორმაცია, რაც ყველა დაინტერესებული პირისათვის იქნება ხელმისაწვდომი მარტივად, დროულად და მათთვის მოსახერხებელი ფორმატით.აღნიშნული კი მნიშვნელოვნად შეამცირეს ასეთი პირებისათვის მონაცემების მიღების დროს და გაუადვილებს მათ შიდა ანალიტიკურ პროცესებს. “სემეკში თავს იყრის საწარმოებიდან ინფორმაცია, რომელიც ატარებს როგორც კონფიდენციალურ, ისე საჯარო სახეებს. კომისიის მიზანია, რომ რეგულირებად სექტორებში გაიზარდოს გამჭვირვალობა. ჩვენთან თავს იყრის სხვადასხვა ინფორმაცია, რომელთა მიწოდება ამ ეტაპზე ხორციელდება ინდივიდუალური მოთხოვნის საფუძველზე, კომისიაში შემოსული განცხადების საფუძველზე. მომავალში გვინდა, რომ აღნიშნული პროცესი გავამარტივოთ და საჯარო ინფორმაციაზე ხელმისაწვდომობა გავზარდოთ. ამისათვის უკვე შექმნილია სტატისტიკური პორტალი, სადაც ამ ეტაპზე ნაწილობრივ ქვეყნდება საჯაროდ ხელმისაწვდომი ინფორმაცია და იგეგმება, რომ უფრო მეტი ინფორმაციის სახეები იქნეს გასაჯაროვებული, რომელიც ყველასთვის იქნება ადვილად ხელმისაწვდომი. ეს სასარგებლო იქნება იმ კუთხით, რომ ინფორმაციები მყისიერად იქნება განახლებული და ნებისმიერ დაინტერესებულ პირს შეეძლება ეს ინფორმაცია მიიღოსდროულად, დაამუშაოს  და გამოიყენოს საკუთარი მიზნებიდან გამომდინარე. ამ ეტაპზე სემეკის სტატისტიკურ პორტალზე უკვე მოცემულია ელექტროენერგეტიკის სექტორის გარკვეული სეგმენტები, თუმცა ჩვენ გვინდა, რომ უფრო მეტი ინფორმაცია გავასაჯაროვოთ და ხელმისაწვდომი გავხადოთ“.  - აღნიშნა ნიკოლოზ სუმბაძემ.ნიკოლოზ სუმბაძე აღნიშნავს იმასაც, რომ ენერგეტიკის პორტალი სტატისტიკის ეროვნულ სამსახურსაც აქვს. მისივე თქმით ერთი მხრივ საქსტატის, ხოლო მეორე მხრივ სემეკის სტატისტიკური პორტალები ურთიერთშემავსებელი იქნება. ამის ნათელი დადასტურებაა, რომ სემეკის პორტალზე არა მხოლოდ ელექტროენერგეტიკის, არამედ სხვა რეგულირებად სექტორების ინფორმაციაც იქნება გამოქვეყნებული.„სტატისტიკის ეროვნულ სამსახურშიც არის ენერგეტიკული პორტალი, თუმცა ის უფრო მეტად სხვა ტიპის მონაცემებს გამოაქვეყნებს, რომელიც შემავსებელი იქნება სემეკის სტატისტიკური პორტალის. საქსტატის პორტალზე იქნება ინფორმაცია უფრო მეტად ეკონომიკის გადმოსახედიდან და ამ კუთხით დანახული ენერგეტიკის სექტორი(მაგალითად, საქართველოს ენერგეტიკული ბალანსი, ინფორმაცია ბუნებრივი რესურსების მოხმარების შესახებ და ა.შ).  უშუალოდ ჩვენთან იქნება ელექტროენერგიის, ბუნებრივი გაზის, წყალმომარაგებისა და ირიგაციის შესახებ დეტალური ინფორმაცია, რომელიც მოიცავს მოხმარების ჩაშლას კატეგორიების მიხედვით როგორც საცალო, ისე საბითუმო დონეზე, იქნება ინფორმაცია როგორი იყო ვაჭრობის შედეგები, ბაზრის მონაწილეთა რეესტრი და რომელ კომპანიას რა მოცულობის გამომუშვების დონე ჰქონდა და სხვა. ამ მიზნით კომისიის მიერ ასევე ჩატარდა ელექტრონული გამოკითხვა, რომლის მიზანიც იყო სტატისტიკური პორტალის პოტენციურ მომხმარებელთა სხვადასხვა ჯგუფის საჭიროებების, მოლოდინების, სტატისტიკური ინფორმაციის სახეებისა და პრიორიტეტების შესახებ ინფორმაციის მიღება, რაც მაქსიმალურად იქნება გათვალისწინებული პორტალის ახალი ვერსიის შემუშავების პროცესში“. - აცხადებს ნიკოლოზ სუმბაძე.აქვე შეგახსენებთ, რომ სემეკის სტატისტიკურ პორტალზე ინფორმაციას მიიღებთ შესაბამის ვებ-გვერდზე

ენერგეტიკული ბაზრის ლიბერალიზაცია ხელს უწყობს ფასების შემცირებას და მომხმარებლის კეთილდღეობის ზრდას - ნიკოლოზ სუმბაძე

ენერგეტიკული ბაზრის რეფორმა საქართველოსთვის ერთ-ერთ  მნიშვნელოვან ნაბიჯს წარმოადგენს ენერგეტიკის სექტორში, რომელიც ევროკავშირის პოლიტიკასთან ჰარმონიზაციას უზრუნველყოფს. როგორც სემეკის ბაზრის მონიტორინგის დირექტორი ნიკოლოზ სუმბაძე აცხადებს, რეფორმის ერთ-ერთ მიზანს ბაზრის ლიბერალიზაცია და კონკურენცია წარმოადგენს. მისივე თქმით, ამ მიმართულებით  სემეკი არაერთ მნიშვნელოვან ცვლილებას ახორციელებს."ენერგეტიკული ბაზრის რეფორმის პროცესის ერთ-ერთი მნიშვნელოვანი ნაწილია ბაზრის ლიბერალიზაცია და კონკურენციის ხელშეწყობა. ენერგეტიკული ბაზრის ლიბერალიზაციისა და გამართული ფუნქციონირების უზრუნველსაყოფად სემეკი აქტიურად მუშაობს მარეგულირებელი ჩარჩოს გაუმჯობესებაზე.მნიშვნელოვანია აღინიშნოს, რომ ენერგეტიკული ბაზრის რეფორმის ფარგლებში იცვლება რამდენიმე მთავარი პრინციპი და ემატება ახალი სავაჭრო სეგმენტები. კერძოდ, ბაზრის ახალ მოდელში ბაზრის მონაწილეები პასუხისმგებლები იქნებიან უბალანსობაზე, სადაც თვითდისპეტჩირების პრინციპის გათვალისწინებით ვაჭრობას განახორციელებენ საათობრივად, წარმოების ან მოხმარების ნომინაციების შესაბამისად. ამ პრინციპების გათვალისწინებით, ახალი ბაზრის პირობებში ელექტროენერგიით ვაჭრობა იქნება დინამიკური პროცესი, რაც, თავის მხრივ, საჭიროებს მონიტორინგს და ზედამხედველობას, რათა გამოირიცხოს ბაზარზე გარიგებები, ფასის ხელოვნური დაფიქსირება და დომინანტური მდგომარეობის ბოროტად გამოყენება.აღსანიშნავია, რომ „კონკურენციის შესახებ“ საქართველოს კანონის მიხედვით,  ენერგეტიკის სექტორში კონკურენციის კანონმდებლობის აღმასრულებელი ორგანოა სემეკი. ასევე, „ენერგეტიკისა და წყალმომარაგების შესახებ“ საქართველოს კანონით განსაზღვრულია კომისიის კომპეტენცია ენერგეტიკულ ბაზარზე ეფექტიანი კონკურენციის უზრუნველყოფასთან მიმართებით.ამ მიზნით კომისიის მიერ დამტკიცდა „ენერგეტიკული ბაზრის მონიტორინგისა და ანგარიშგების წესები“, რომელშიც თავმოყრილია ბაზრის კვლევის, კონცენტრაციების კონტროლისა და, კონკურენციის კანონმდებლობის დარღვევის დადასტურების შემთხვევაში, შესაბამისი საწარმოების სანქცირების პროცედურები".- აცხადებს ნიკოლოზ სუმბაძე.ნიკოლოზ სუმბაძე ასევე აღნიშნავს, რომ სექტორში კონკურენციის გაზრდა თავად მომხმარებელს მოუტანს სარგებელს.„კონკურენცია ბაზარზე საშუალებას აძლევს საწარმოებს კონკურენცია გაუწიონ ერთმანეთს თანაბარი პირობებით, რაც აიძულებს მათ მუდმივად შეეცადონ, რომ შესთავაზონ მომხმარებლებს საუკეთესო პროდუქტები საუკეთესო ფასად. აღნიშნული კი განაპირობებს ინოვაციებს და გრძელვადიან ეკონომიკურ ზრდას, ასევე წარმოადგენს თავისუფალი და დინამიკური ლიკვიდური ბაზრის მიღწევისა და ეკონომიკური კეთილდღეობის განვითარების მთავარ ინსტრუმენტს.ენერგეტიკის სექტორში ბაზრის მონიტორინგი და კონკურენციის კანონმდებლობის აღსრულება კომისიის ერთ-ერთი მნიშვნელოვანი საქმიანობაა, რაც განსაკუთრებულ მნიშვნელობას იძენს ენერგეტიკული ბაზრის მიმდინარე რეფორმისთვის. კომისია მუდმივ რეჟიმში ახორციელებს ენერგეტიკული ბაზრის მიმდინარე პროცესებისა და ბაზრის მონაწილეთა ქმედებების მონიტორინგს, რათა მაქსიმალურად დაცული იყოს ბაზარზე კონკურენტული, თავისუფალი, გამჭვირვალე და სამართლიანი ვაჭრობის პირობები. ამ მიზნით, ასევე მიმდინარეობს რეგულირებადი სექტორების დიგიტალიზაციის პროცესი, რაც როგორც კომისიის შიდა პროცესებს, ისე საწარმოებთან ინფორმაციის გაცვლის და ზოგადად საწარმოებთან და მომხმარებლებთან ურთიერთობის პროცესებს დააჩქარებს.ენერგეტიკული ბაზრის ლიბერალიზაცია მიზნად ისახავს ენერგეტიკულ ბაზარზე კონკურენციის გაზრდას, რაც, თავის მხრივ, უზრუნველყოფს ქვეყნის ენერგეტიკული რესურსების ეფექტიანად გამოყენებას, ბაზარზე გამჭვირვალე ფასწარმოქნას, საბაზრო რისკების ბაზრის მონაწილეებზე გადანაწილებას, ეს კი  გრძელვადიან პერიოდში ფასების შემცირებას უწყობს ხელს და უზრუნველყოფს მომხმარებლების კეთიდღეობას“.- განაცხადა ნიკოლოზ სუმბაძემ.

სემეკმა შპს „სოკარ ჯორჯია გაზთან“ და შპს „თელავგაზთან“ საინვესტიციო გეგმები შეათანხმა

სემეკში გამართულ საჯარო სხდომაზე კომისიამ  დღის წესრიგით გათვალისწინებული 30 საკითხი განიხილა. საკითხები შეეხებოდა მოქალაქეებსა და კომუნალურ კომპანიებს შორის არსებულ დავებს, გამანაწილებელ ქსელებზე ახალი მომხმარებლების მიერთების ვადებს, საინვესტიციო გეგმების შეთანხმებისა და სალიცენზიო საკითხებს.კომისიამ განიხილა საკითხები შპს „სოკარ ჯორჯია გაზის“ და შპს „თელავგაზის“, 2025-2029 წლების საინვესტიციო გეგმის შეთანხმების შესახებ.შპს „სოკარ ჯორჯია გაზის“ საინვესტიციო გეგმით გათვალისწინებული ინვესტიციების ოდენობა 2025 წელს შეადგენს 13,424,834 ლარს; 2026 წელს - 10,969,734 ლარს, 2027 წელს - 7,109,565 ლარს, 2028 წელს - 10,151,014 ლარს, ხოლო 2029 წელს - 10,634,535 ლარს. შპს „თელავგაზის“ საინვესტიციო გეგმით გათვალისწინებული ინვესტიციების ოდენობა 2025 წელს შეადგენს 734,900 ლარს, 2026 წელს - 715,900 ლარს, 2027 წელს - 721,900 ლარს, 2028 წელს - 758,400 ლარს, ხოლო 2029 წელს - 643,400 ლარს. კომისია შეახსენებს ელექტროენერგიის, ბუნებრივი გაზისა და წყალმომარაგების მომხმარებლებს, კომუნალური კომპანიების მხრიდან მათი უფლებების დარღვევის შემთხვევაში მომართონ სემეკს ან სემეკთან არსებული ენერგოომბუდსმენის სამსახურს. კონსულტაციების მიღება შესაძლებელია ქოლ ცენტრის საშუალებით ნომერზე 16 216

დავით ნარმანია: ენერგეტიკულ ბირჟაზე ვაჭრობით მონაწილეებმა საშუალოდ 400 000 ლარი დაზოგეს

კონკურენციის პოლიტიკის აღსრულების და მომხმარებლის უფლებების დაცვის შესახებ III საერთაშორისო კონფერენციაზე საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარემ, დავით ნარმანიამ ელექტროენერგეტიკისა და ბუნებრივი გაზის სექტორებში რეფორმების მიმდინარეობაზე ისაუბრა.„დადებითად ვაფასებ ენერგეტიკულ ბირჟაზე აქტივობას, ნებაყოფლობითი ვაჭრობის პირობებში და ვფიქრობ, რომ მომდევნო ეტაპზე ენერგეტიკულ ბირჟაზე ვაჭრობა კიდევ უფრო გააქტიურდება. მიმდინარე წლის პირველი ივლისიდან დღემდე ბირჟაზე რეგისტრირებულია 21 მონაწილე, ვაჭრობა შედგა 17,493.9 მგვტ.სთ-ზე, ხოლო საშუალო შეწონილმა ფასმა შეადგინა 130.54 ლარი/მგვტ.სთ. აღნიშნული დაბალია ესკო-ს საბალანსო ელექტროენერგიის საშუალო  შეწონილ ფასზე, რომელმაც 2024 წლის იგივე პერიოდში შეადგინა 154.31 ლარი/მგვტ.სთ. ეს კი ცხადყოფს, რომ ენერგეტიკულ ბირჟაზე ვაჭრობით შემთხვევაში ელექტროენერგიის შემსყიდველებმა დაახლოებით 400 000 ლარი დაზოგეს.რაც შეეხება ბუნებრივი გაზის სექტორს, შემუშავებულია რიგი რეგულაციები და მიმდინარეობს მუშაობა გადამცემი და გამანაწილებელი სისტემების ოპერატორების განცალკევების საკითხებზე, რომლის საფუძველსაც წარმოადგენს ევროპის მესამე ენერგეტიკული პაკეტით ნაკისრი ვალდებულებები’, - აღნიშნა დავით ნარმანიამ.20-22 ნოემბერს, ქ. თბილისში, 5 მარეგულირებელი უწყების  - სემეკის, კონკურენციისა და მომხმარებლის დაცვის სააგენტოს, ეროვნული ბანკის, დაზღვევის სახელმწიფო ზედამხედველობის სამსახურისა და კომუნიკაციების კომისიის ერთობლივი ორგანიზებით, კონკურენციის პოლიტიკის აღსრულების და მომხმარებლის უფლებების დაცვის შესახებ III საერთაშორისო კონფერენცია იმართება.  კონფერენციის მიზანია საქართველოში კონკურენციის პოლიტიკის გაძლიერება და მომხმარებლის უფლებების დაცვის მექანიზმების გაუმჯობესება.3-დღიანი კონფერენციის ფარგლებში, მონაწილეები განიხილავენ ეკონომიკის რეგულირებად სექტორებში კონცენტრაციების კონტროლის მექანიზმებისა და აღსრულების პოლიტიკის, მომხმარებლის დაცვის  ეფექტიან მიდგომებს. საუკეთესო პრაქტიკის გაზიარების მიზნით მსჯელობენ კარტელებთან ბრძოლის მეთოდებისა და აღმოსავლეთის პარტნიორობის ქვეყნებში ანტი-დემპინგური პოლიტიკის მართვის საკითხებზე.

დავით ნარმანია: სემეკის მიზანია დაიცვას მომხმარებლები და უზრუნველყოს ხარისხიანი კომუნალური მომსახურება

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე, დავით ნარმანია კონკურენციის პოლიტიკის აღსრულების და მომხმარებლის უფლებების დაცვის შესახებ III საერთაშორისო კონფერენციაზე მოხსენებით წარდგა. დავით ნარმანიამ ისაუბრა სემეკის მიერ განხორციელებულ ხელშემწყობ მექანიზმებზე მომხმარებელთა უფლებებისა და რეგულირებად სექტორებში კონკურენციის განვითარების კუთხით.  20-22 ნოემბერს, ქ. თბილისში, 5 მარეგულირებელი უწყების  - სემეკის, კონკურენციისა და მომხმარებლის დაცვის სააგენტოს, ეროვნული ბანკის, დაზღვევის სახელმწიფო ზედამხედველობის სამსახურისა და კომუნიკაციების კომისიის ერთობლივი ორგანიზებით, კონკურენციის პოლიტიკის აღსრულების და მომხმარებლის უფლებების დაცვის შესახებ III საერთაშორისო კონფერენცია იმართება.  კონფერენციის მიზანია საქართველოში კონკურენციის პოლიტიკის გაძლიერება და მომხმარებლის უფლებების დაცვის მექანიზმების გაუმჯობესება. გახსნით სესიაზე სიტყვით გამოსვლისას, სემეკის თავმჯდომარემ, დავით ნარმანიამ ვრცლად ისაუბრაკონფერენციის მნიშვნელობაზე, რომელიც უკვე მესამე წელია 5 მარეგულირებელი უწყების ორგანიზებითიმართება. მან ყურადღება გაამახვილა სემეკის, როგორც დამოუკიდებელი მარეგულირებელი კომისიისრეგულირების ეფექტიანობაზე მომხმარებელთა უფლებების დაცვასა და ენერგეტიკული ბაზრების ლიბერალიზაციის პროცესზე. „სემეკის მიზანია დაიცვას მომხმარებლები და უზრუნველყოს ხარისხიანი კომუნალური მომსახურება.მუდმივ მონიტორინგს ვუწევთ კომპანიების საქმიანობას და ვრეაგირებთ თითოეულ გადაცდომაზე. წესები, რომელიც არეგულირებს მომხმარებელთა უფლებებს ელექტროენერგეტიკის, ბუნებრივი გაზის, წყალმომარაგებისა და მელიორაციის სექტორებში, სრულად ასახავს იმ საჭიროებებს, რაც ფუნდამენტურად აუცილებელია მომხმარებლების უფლებების დასაცავად. მარეგულირებელი კომისია დროის პირდაპირ რეჟიმში უყურებს მომხმარებლებსა და კომუნალურ კომპანიებს შორის არსებულ ურთიერთობებს. ვხედავთ სად არის მიღწევები და სად - გამოწვევები.  2017 წლიდან დღემდე სემეკის გადაწყვეტილებების საფუძველზე, კომპანიების მიერ მოქალაქეებისთვის კომპენსაციის სახით გადახდილითანხა 16 მილიონ ლარს აღემატება.სისტემატურად ვმუშაობთ მომხმარებლებისთვისგაუმჯობესებული, გამარტივებული სერვისებისშეთავაზებაზე. მათ შორის აღსანიშნავია, იუსტიციის სახლში გადატანილი კომუნალური მომსახურებები,ასევე, USSD კოდი *303#. ახლახან, დავნერგეთ სრულად ახალი რეგულაცია, რომელიც მრავალბინიან შენობებში გათბობის ცენტრალური სისტემების და განახლებადი ენერგიის გამოყენების ხელშეწყობასისახავს მიზნად. ამასთანავე, ვმუშაობთ, რომ უახლოეს ხანებში სატესტო რეჟიმში ამოქმედდეს ხელოვნური ინტელექტი კომუნალური კომპანიებისქოლ-ცენტრებში, რომელიც მინიმუმამდე დაიყვანს ლოდინის ხანგრძლივობას და მოქალაქეს შეეძლებაუმოკლეს დროში მიიღოს მისთვის სასურველიინფორმაცია მომარაგების წყვეტების შესახებ,“ - აღნიშნა დავით ნარმანიამ.კონფერენციაში მონაწილეობას იღებენ სხვადასხვა ქვეყნის კონკურენციის და მომხმარებელთა  დაცვის უწყებების ხელმძღვანელი პირები, საერთაშორისო ორგანიზაციების - გაეროს ვაჭრობისა და განვითარების კონფერენციის (UNCTAD), ეკონომიკური თანამშრომლობისა და განვითარების ორგანიზაციის (OECD), ევროკომისიის კონკურენციის გენერალური დირექტორატის (DG-COMP), ევროკომისიის იუსტიციისა და მომხმარებელთა გენერალური დირექტორატის (DG-JUSTICE), კონკურენციის კვლევის პოლიტიკის ქსელის (CEPR) და გერმანიის მომხმარებელთა ორგანიზაციების ფედერაციის მაღალი რანგის წარმომადგენლები.  ასევე, ადგილობრივი და საერთაშორისო ექსპერტები, საჯარო უწყებების, მარეგულირებელი ორგანოების, აკადემიური წრის და ბიზნეს სექტორის წარმომადგენლები.