ნავთობის ფასი 6%-ზე მეტად გაიზარდა – საფონდო ბაზრების პასუხი ირანული მემორანდუმის დასრულებაზე - CNN

ნავთობის გაძვირების ფონზე ,მსოფლიო საფონდო ბაზრებზე ცვლილებები მიმდინარეობს.როგორც CNN-ი აქვეყნებს , ნავთობის ფასები 6%-ზე მეტით გაიზარდა ,ხოლო ოთხშაბათს, მსოფლიოს საფონდო ბაზრებზე მკვეთრი ვარდნა დაფიქსირდა.Dow Jones-ის და Nasdaq-ის ფიუჩერსები 1.3%-ით და 1.6%-ით შემცირდა, ხოლო S&P 500-ის ფიუჩერსები 1%-ით დაეცა. ევროპის წამყვანი ინდექსები დაახლოებით 2%-ით შემცირდა. აზიაში სამხრეთ კორეის Kopsi-ის ინდექსმა ვაჭრობა 5.4%-იანი კლებით დაასრულა,ხოლო იაპონიის Nikkei 2.1%-ით დაეცა. ამ ფონზე ჰონგ-კონგის Hang Seng-ის ინდექსი 3%-ით გაიზარდა.საინვესტიციო ბანკ Saxo-ს სტრატეგის , ნილ უილსონის, განცხადებით საფონდო ბაზრების განწყობაზე კვლავ უარყოფითად მოქმედებს ნავთობის ფასების მკვეთრი ზრდა. მისი განცხადებით, მსოფლიო ნავთობის ეტალონური მარკის, Brent-ის, ფასი აღმოსავლეთის დროით დილის 5 საათის შემდეგ ბარელზე 78.93 დოლარამდე გაიზარდა, რაც დღის განმავლობაში დაახლოებით 6.4%-იან ზრდას ნიშნავს. WTI-ის ფასი კი 6.5%-ით გაიზარდა და 74.99 დოლარს მიაღწია.ნავთობის ფასები მკვეთრად გაიზარდა, ხოლო საფონდო ბაზრები დაეცა მას შემდეგ, რაც დონალდ ტრამპმა განაცხადა, რომ ირანთან გაფორმებული მემორანდუმი დასრულებულია.ფოტო: CNNbp.ge 

გლობალურ ბაზარზე ნავთობის ფასი კლებას განაგრძობს

გლობალურ ბაზარზე ნავთობის ფასი კლებას განაგრძობს. გლობალურ ბაზარზე ნავთობის ფასი 72.81 დოლარამდე შემცირდა, რაც წინა სავაჭრო მაჩვენებელზე 3.26%-ით ნაკლებია.როგორც CNN-ი წერს, ფასების შემცირება მას შემდეგ დაიწყო, რაც აშშ-სა და ირანს შორის ომის დასრულების შესახებ სამშვიდობო შეთანხმება გაფორმდა.ირანთან აშშ-სა და ისრაელის ომის პერიოდში, მსოფლიო ნავთობის ფასი მნიშვნელოვნად გაიზარდა და დაახლოებით $118-მდე ავიდა.ბაზრის მონაწილეები ახლა ირანის გეგმებსა და ჰორმუზის სრუტეს აკვირდებიან, რომელიც მსოფლიოში ნედლი ნავთობის ტრანსპორტირების ერთ-ერთი უმნიშვნელოვანესი მარშრუტია.bp.ge

"მსოფლიოში ნავთობის ფასი შემცირდა" - BBC

აშშ-ის პრეზიდენტის, დონალდ ტრამპის განცხადების შემდეგ, რომ  თეირანთან შეთანხმება „ძირითადად მოლაპარაკებულია“ და დეტალები მალე გამოცხადდება, მსოფლიოში ნავთობის ფასი შემცირდა.BBC-ის  ცნობით, მსოფლიო ბაზარზე Brent-ის მარკის ნავთობის ფასი 5.5%-ით დაეცა და ერთ ბარელზე 97.9 აშშ დოლარს შეადგენს.რაც შეეხება აშშ-ის ბაზარს, ნავთობის ფასი 5.8%-ით დაეცა და 90.99 აშშ დოლარს მიაღწია.ამასთან, როგორც გამოცემა წერს, ირანსა და აშშ-ს შორის შეთანხმების მიღწევის შესაძლებლობის ფონზე მდგომარეობა გაუმჯობესდა იაპონიის საფონდო ბირჟაზეც. „ბიბისის“ ინფორმაციით, იაპონიაში Nikkei 225-ის საფონდო ინდექსმა პირველად ომის დაწყების შემდეგ 65 000-ს გადააჭარბა და 2.9%-იანი ზრდა აჩვენა.1tv.ge 

"ბრენტის" მარკის ბარელი ნავთობის ფასი მსოფლიო ბაზარზე მცირედით, $99.8-მდე შემცირდა - CNN

„ბრენტის“ მარკის ბარელი ნავთობის ფასი მსოფლიო ბაზარზე მცირედით შემცირდა და 99.8 დოლარი შეადგინა.კერძოდ, „ბრენტის“ ნავთობის ფასი ბარელზე 1.5 პროცენტით დაეცა, 6 მაისს კი – თითქმის 8 პროცენტით.ამერიკული ნავთობის ფასი მსგავსი ნიშნულით დაეცა და ბარელზე 93.5 დოლარს მიაღწია.ცნობისთვის, 4 მაისს „ბრენტის“ მარკის ნავთობის ფასი წლის ყველაზე მაღალ ნიშნულზე იყო, 6 მაისს კი მკვეთრად დაეცა.ნედლი ნავთობის ფასები კვლავ მესამედზე მეტით მაღალია, ვიდრე 28 თებერვალს ირანზე აშშ-ისრაელის თავდასხმამდე იყო.დასავლური მედიის შეფასებით, კლება იმ ფონზე ხდება, როცა შეერთებული შტატები და ირანი შეთანხმებას უახლოვდებიან, რამაც შესაძლოა, სასიცოცხლოდ მნიშვნელოვანი ჰორმუზის სრუტის ხელახლა გახსნა გამოიწვიოს.1tv.ge

ენერგობაზრის პარადოქსი - მსოფლიო ეკონომიკური წნეხი და რეკორდული შემოსავლები

ენერგეტიკული კრიზისი, რომელიც ახლო აღმოსავლეთში მიმდინარე კონფლიქტს უკავშირდება, მსოფლიო ეკონომიკას სერიოზულ გამოწვევებს უქმნის — თუმცა, ამავე დროს, ნავთობკომპანიებისთვის ეს პერიოდი სუპერ მოგებების ეპოქად იქცა.საერთაშორისო მედიის ინფორმაციით, გლობალურ ენერგობაზარზე ფასების ზრდა და მიწოდების შეფერხების შიში მსხვილ ნავთობკომპანიებს მილიარდობით დოლარის დამატებით შემოსავალს აძლევს. ერთ-ერთი ყველაზე თვალსაჩინო მაგალითია ბრიტანული ენერგოგიგანტი BP, რომელმაც 2026 წლის პირველ კვარტალში 3.2 მილიარდი დოლარის მოგება მიიღო. ომის ხარჯზე მხოლოდ ერთი კომპანია არ გამდიდრებულა. ენერგოკრიზის ფონზე თითქმის ყველა გლობალური დიდი მოთამაშე მოგებაზეა გასული.ამერიკული კომპანია ExxonMobil-ის  კვარტალური მოგება დაახლოებით 8-დან 10 მილიარდ დოლარამდე გაიზარდა, რაც ნათლად აჩვენებს იმას, რომ გეოპოლიტიკური დაძაბულობა მსგავსი კომპანიებისთვის სერიოზულ ფინანსურ სარგებელს ნიშნავს. ბაზარზე კიდევ ერთი გლობალური მოთამაშის, ბრიტანული Shell-ის შემთხვევაში მოგების სავარაუდო მაჩვენებელი დაახლოებით 7-დან 8 მილიარდ დოლარს აღწევს.ფინანსური სარგებელი იზრდება  Chevron-ის შემთხვევაშიც და დაახლოებით 5-6 მილიარდ დოლარს აღწევს, ძირითადად, ნავთობის მაღალი ფასებისა და ექსპორტის ხარჯზე. იგივე სურათია TotalEnergies-შიც, აქ მოგება გაზის ბაზარზე გაზრდილმა მოთხოვნამ განაპირობა და  5 მილიარდ დოლარს მიუახლოვდა.ამავე დროს, გლობალურ ბაზარზე ნავთობის ფასი უკვე 100 დოლარს აჭარბებს ბარელზე, რაც ბოლო თვეებში დაახლოებით 30-40%-იანი ზრდაა. ანალიტიკოსების შეფასებით, ენერგოკომპანიები სწორედ იმ ფაქტორებით სარგებლობენ, რაც მომხმარებლებისთვის პრობლემად იქცა — მაღალი ფასები, მიწოდების რისკები და ბაზრის არასტაბილურობა.ენერგეტიკული კრიზისი კიდევ ერთხელ აჩვენებს პარადოქსს ,მაშინ, როცა მსოფლიო ეკონომიკა ზეწოლას განიცდის, ენერგოგიგანტები რეკორდულ მოგებაზე გადიან. ამ ფონზე, სულ უფრო ხშირად ისმის მოწოდებები დამატებითი გადასახადის დაწესებაზე იმ კომპანიებისთვის, რომლებიც კრიზისის პირობებში განსაკუთრებულად მდიდრდებიან.bp.geფოტო: Reuters