როგორ მოახდენს სემეკი ენერგეტიკული ბირჟის მონიტორინგს - დავით ნარმანიას განმარტება

დავით ნარმანია საქართველოს ენერგეტიკის გამოფენისა და ფორუმის გახსნის ღონისძიებას დაესწრო

სემეკის თავმჯდომარე, დავით ნარმანია საქართველოს ენერგეტიკის გამოფენისა და ფორუმის გახსნის ღონისძიებას დაესწრო. 4-5 ივლისს ექსპო ჯორჯიაში საქართველოს ენერგეტიკის გამოფენა და ფორუმი იმართება.სემეკის წარმომადგენლებთან ერთად ფორუმში მონაწილეობას იღებენ ენერგეტიკის სექტორის ექსპერტები, საერთაშორისო კომპანიებისა და სხვადასხვა ენერგეტიკული უწყებების წარმომადგენლები. გამოფენაში მონაწილეობენ უცხოური და ქართული კომპანიები. გამოფენის მიზანია ქართული ენერგეტიკის სექტორის განვითარების, განახლებადი ენერგიის დანერგვისა და საინვესტიციო გარემოს გაუმჯობესების ხელშეწყობა.  ღონისძიების ორგანიზატორები არიან:  GREDA, Invest In Network, ექსპოჯორჯია.

მცხეთის მუნიციპალიტეტის სკოლების მოსწავლეები „საქართველოს სახელმწიფო ელექტროსისტემაში“

ახალგაზრდა თაობაში ენერგეტიკის დარგის პოპულარიზაციის მიზნით "საქართველოს სახელმწიფო ელექტროსისტემამ“ ამჯერად მცხეთის მუნიციპალიტეტის სოფლების - მუხრანის, ახალდაბის, წეროვანის საჯარო სკოლების მოსწავლეებს უმასპინძლა. მოსწავლეები საქართველოს ენერგეტიკის საკვანძო ობიექტს საქართველოს ენერგეტიკისა და წყალმომარაგების მარეგულირებელ ეროვნულ კომისიასთან (სემეკი) არსებული ელიზბარ ერისთავის სახელობის ენერგეტიკის სასწავლო ცენტრის პროექტის - „ელექტროენერგიის გზა დაბადებიდან ჩვენამდე“ ფარგლებში ესტუმრნენ.მოსწავლეებმა მოინახულეს სსე-ის სათავო ოფისში განთავსებული ეროვნული სადისპეტჩერო ცენტრი და მართვის ფარი, რომელიც კოორდინირებას უწევს ენერგოსისტემაში მომუშავე მოხმარებისა და გენერაციის ყველა ობიექტს. გაეცნენ სადისპეტჩერო ცენტრის ფუნქციონირების პრინციპებს, ჩაუტარდათ მცირე ლექცია ელექტროენერგიის წარმოებიდან მოხმარებამდე ციკლის, „საქართველოს სახელმწიფო ელექტროსისტემის“ როლისა და იმ მნიშვნელოვანი პროექტების შესახებ, რომლებსაც სსე ახორციელებს.ახალი თაობის ენერგეტიკის დარგით დაინტერესების მიზნით, „საქართველოს სახელმწიფო ელექტროსისტემა“ თბილისისა თუ რეგიონების სკოლების მოსწავლეებისთვის შემეცნებით ტურებს 2016 წლიდან ატარებს. მოსწავლეებს აცნობს კომპანიაში მიმდინარე მასშტაბურ პროექტებს, აწვდის ინფორმაციას დარგში არსებულ მრავალფეროვან კარიერულ შესაძლებლობებზე, რაც შეიძლება, მათთვის პროფესიის არჩევაში გადამწყვეტი აღმოჩნდეს.

„ენერგეტიკული ბირჟა სწორი საბაზრო ფასის ჩამოყალიბებას შეუწყობს ხელს“ - დავით ნარმანია

ენერგეტიკული ბირჟა, დღეს, მხოლოდ დღით ადრე და დღიური ბაზრების ამოქმედებით გაიხსნება, ხოლო საათობრივი დაბალანსების ვალდებულება, ასევე საბალანსო და დამხმარე მომსახურების ბაზრის გახსნა 2025 წლის პირველ ივლისამდე გადაიწევს. მთავრობის მიერ მიღებული გადაწყვეტილებით, 2024 წლის 1-ელი ივლისიდან ქვეყანაში ელექტროენერგიის ბაზრის გარდამავალი მოდელი ამოქმედდება, რაც ითვალისწინებს დღით ადრე და დღიური ბაზრების ამოქმედებას შეზღუდულ და ნებაყოფლობით რეჟიმში, ხოლო საათობრივი დაბალანსების ვალდებულების, ასევე საბალანსო და დამხმარე მომსახურებების ბაზრის ამოქმედების ვადის გადაწევას 2025 წლის 1-ელ ივლისამდე.კითხვაზე თუ რა არის ენერგეტიკული ბირჟის მთავარი სარგებელი, სემეკის თავმჯდომარე დავით ნარმანია აცხადებს, რომ ამ კონცეფციით პოზიტიურად ისარგებლებს არა მხოლოდ ელექტროენერგიის მომხმარებელი კომპანია, არამედ საზოგადოებაც, რომელიც ამ კომპანიის წარმოებულ პროდუქციას მოიხმარს.„დღეს მსხვილი მომხმარებლები ელექტროენერგიას ყიდულობენ სემეკის მიერ დადგენილი ტარიფით, რომელიც სპეციალური ფორმულის საფუძველზე იანგარიშება და ეს კონკრეტული პერიოდისთვის არის უცვლელი. ენერგეტიკული ბირჟა მოგვცემს საშუალებას, რომ სხვადასხვა პერიოდში ელექტროენერგიაზე განსხვავებული ფასები იყოს, რომელიც განისაზღვრება მოთხოვნა-მიწოდების საფუძველზე. შესაბამისად, ბირჟა ერთის მხრივ სწორი საბაზრო ფასის ჩამოყალიბებას უწყობს ხელს, მეორეს მხრივ კი მსხვილი მომხმარებლები შეძლებენ, რომ დროის გარკვეულ პერიოდში უფრო იაფიანი ელექტროენერგია შეიძინონ, რაც მათ შესაძლებლობას მისცემს გარკვეული საქონლისა თუ მომსახურების წარმოება უფრო იაფი დაუჯდეთ. შესაბამისად ვფიქრობთ, რომ ენერგეტიკული ბირჟა საკუთრივ მომხმარებლებისთვისაც საინტერესო იქნება და მათ მისცემს პირველ რიგში სარგებელს“. - აცხადებს დავით ნარმანიასემეკის თავმჯდომარე ასევე მოელის, რომ ბაზარზე ჩართული კომპანიების რაოდენობა დამაკმაყოფილებელი იქნება, რასაც რამდენიმე მიზეზი განაპირობებს:„ჩვენ ვფიქრობთ, რომ ინტერესი იქნება კომპანიების მხრიდან. მინიმუმ ის, რომ მათ გარკვეულ პერიოდში იაფი ელექტროენერგიის შეძენა შეეძლებათ, ეს იქნება მთავარი მამოძრავებელი მოტივატორი. მეორეს მხრივ, ეს კომპანიები რეალურ ვაჭრობას მიეჩვევიან ამ პროცესში, რადგან ეს არის სრულყოფილი მოდელი, სადაც ყველაფერი შეუძლიათ დატესტონ“. - აღნიშნავს დავით ნარმანია.

მომსახურების ხარისხის გაუმჯობესებამ მოსახლეობის მომართვიანობა 15%-ით შეამცირა - სემეკი

სემეკის 2023 წლის ანგარიშში ვკითხულობთ, რომ კომისიის მხრიდან მომსახურების გაუმჯობესებამ მომხმარებლების მომართვიანობა შეამცირა. დოკუმენტის მიხედვით, გასულ წელს მომსახურების ხარისხის გაუმჯობესების მიზნით განხორციელებული სხვადასხვა პროექტის შედეგად საშუალოდ 15%-ით შემცირდა მოქალაქეთა მომართვიანობა ამასთან, 2023 წლის განმავლობაში კომისიას სოციალური ქსელით 1138-მა მომხმარებელმა მომართა, ხოლო შემოსული ზარების მონიტორინგის მიხედვით, ქოლცენტრში 13 396 ზარი შემოვიდა.მოქალაქეებისთვის გაწეული კონსულტაციების მონიტორინგის შედეგად გამოიკვეთა, რომ ძირითადი საკითხები ეხებოდა კომუნალურ კომპანიებთან ურთიერთობის დროს წარმოქმნილ სხვადასხვა პრობლემას, კერძოდ, ელექტროენერგეტიკის სექტორში – რეგიონებში ელექტროენერგიის მომარაგების ხშირ წყვეტას, წყალმომარაგების სექტორში – წყლის მიწოდების ხარისხსა და უწყვეტობას, წყალარინების პრობლემებს თბილისსა და რეგიონებში.სემეკის განცხადებით, კომისიის მუშაობა ეფუძნება საზოგადოებასთან ანგარიშვალდებულებას, გამჭვირვალობას, ობიექტურ და მიუკერძოებელ მიდგომებს საზოგადოების სხვადასხვა ჯგუფთან, არასამთავრობო და საერთაშორისო ორგანიზაციებთან მჭიდრო თანამშრომლობას, ასევე ელექტროენერგიის, ბუნებრივი გაზის, წყალმომარაგებისა და მელიორაციის სექტორებში მოქმედი კომპანიებისა და კომუნალური სერვისებით მოსარგებლე პირების დროული და ობიექტური ინფორმირების პრინციპებს. საზოგადოებასთან ურთიერთობის დეპარტამენტის მიზანია ენერგეტიკისა და წყალმომარაგების სექტორების შესახებ საზოგადოებაში ინფორმირებულობის დონის ამაღლება და მომხმარებლებისათვის ინფორმაციის დროული მიწოდება მათი უფლებების შესახებ.2023 წელს კომისიის წარმომადგენლები აქტიურად მონაწილეობენ სატელევიზიო და რადიოგადაცემებში. სისტემატური ხასიათი ჰქონდა მასმედიის წარმომადგენლებთან ბრიფინგებისა და პრესკონფერენციების ჩატარებას, რის შედეგადაც კომისიამ უზრუნველყო მისი საქმიანობის სრულყოფილად გაცნობა საზოგადოების სხვადასხვა ჯგუფისათვის.აქვე შეგახსენებთ, რომ კომისიის მიერ დადგენილი რეგულაციებისა და ენერგეტიკისა და წყალმომარაგების სექტორებში მიმდინარე სიახლეების შესახებ ინფორმაცია მუდმივად ახლდებოდა და ქვეყნდებოდა კომისიის ვებგვერდზე www.gnerc.org, ასევე ოფიციალურ Facebook, Twitter, Feedc, Youtube და Linked in გვერდებზე.

ნინო გულეიშვილი ზუგდიდის მუნიციპალიტეტში არსებულ კომუნალურ პრობლემებს გაეცნო

ენერგეტიკისა და წყალმომარაგების სექტორებში მომხმარებელთა ინტერესების საზოგადოებრივიდამცველის მოვალეობის შემსრულებელი, ნინო გულეიშვილი ზუგდიდის მუნიციპალიტეტის  ადგილობრივი თვითმმართველობისა და  სოფლების წარმომადგენლებს შეხვდა. ნინო გულეიშვილმაშეხვედრის მონაწილეებს გააცნო მომხმარებელთა უფლებების დამცველის სამსახურის ფუნქცია-მოვალეობები და მათგან მოისმინა ელექტროენერგიის, ბუნებრივი გაზისა და წყალმომარაგების კუთხით არსებული გამოწვევები. ​შეხვედრის მონაწილეების მიერ ყურადღება გამახვილდა კომუნალური კომპანიების მხრიდან სისტემური დარღვევების შესახებ. ნინო გულეიშვილის ინიციატივით, მომხმარებელთა უფლებების დაცვისა და კომუნალური კომპანიების მონიტორინგის მიზნით,დაიგეგმა ზუგდიდის მუნიციპალიტეტშიმომხმარებელთა ინტერესების დამცველისწარმომადგენლის ყოველკვირეული ვიზიტი. იგიადგილზე გაეცნობა მომხმარებლების პრობლემებს, გაუწევს სამართლებრივ კონსულტაციებს და დაეხმარება მათ კომუნალურ კომპანიებთან არსებული პრობლემების მოგვარებაში.