ნინო გულეიშვილი ზუგდიდის მუნიციპალიტეტში არსებულ კომუნალურ პრობლემებს გაეცნო

მომსახურების ხარისხის გაუმჯობესებამ მოსახლეობის მომართვიანობა 15%-ით შეამცირა - სემეკი

სემეკის 2023 წლის ანგარიშში ვკითხულობთ, რომ კომისიის მხრიდან მომსახურების გაუმჯობესებამ მომხმარებლების მომართვიანობა შეამცირა. დოკუმენტის მიხედვით, გასულ წელს მომსახურების ხარისხის გაუმჯობესების მიზნით განხორციელებული სხვადასხვა პროექტის შედეგად საშუალოდ 15%-ით შემცირდა მოქალაქეთა მომართვიანობა ამასთან, 2023 წლის განმავლობაში კომისიას სოციალური ქსელით 1138-მა მომხმარებელმა მომართა, ხოლო შემოსული ზარების მონიტორინგის მიხედვით, ქოლცენტრში 13 396 ზარი შემოვიდა.მოქალაქეებისთვის გაწეული კონსულტაციების მონიტორინგის შედეგად გამოიკვეთა, რომ ძირითადი საკითხები ეხებოდა კომუნალურ კომპანიებთან ურთიერთობის დროს წარმოქმნილ სხვადასხვა პრობლემას, კერძოდ, ელექტროენერგეტიკის სექტორში – რეგიონებში ელექტროენერგიის მომარაგების ხშირ წყვეტას, წყალმომარაგების სექტორში – წყლის მიწოდების ხარისხსა და უწყვეტობას, წყალარინების პრობლემებს თბილისსა და რეგიონებში.სემეკის განცხადებით, კომისიის მუშაობა ეფუძნება საზოგადოებასთან ანგარიშვალდებულებას, გამჭვირვალობას, ობიექტურ და მიუკერძოებელ მიდგომებს საზოგადოების სხვადასხვა ჯგუფთან, არასამთავრობო და საერთაშორისო ორგანიზაციებთან მჭიდრო თანამშრომლობას, ასევე ელექტროენერგიის, ბუნებრივი გაზის, წყალმომარაგებისა და მელიორაციის სექტორებში მოქმედი კომპანიებისა და კომუნალური სერვისებით მოსარგებლე პირების დროული და ობიექტური ინფორმირების პრინციპებს. საზოგადოებასთან ურთიერთობის დეპარტამენტის მიზანია ენერგეტიკისა და წყალმომარაგების სექტორების შესახებ საზოგადოებაში ინფორმირებულობის დონის ამაღლება და მომხმარებლებისათვის ინფორმაციის დროული მიწოდება მათი უფლებების შესახებ.2023 წელს კომისიის წარმომადგენლები აქტიურად მონაწილეობენ სატელევიზიო და რადიოგადაცემებში. სისტემატური ხასიათი ჰქონდა მასმედიის წარმომადგენლებთან ბრიფინგებისა და პრესკონფერენციების ჩატარებას, რის შედეგადაც კომისიამ უზრუნველყო მისი საქმიანობის სრულყოფილად გაცნობა საზოგადოების სხვადასხვა ჯგუფისათვის.აქვე შეგახსენებთ, რომ კომისიის მიერ დადგენილი რეგულაციებისა და ენერგეტიკისა და წყალმომარაგების სექტორებში მიმდინარე სიახლეების შესახებ ინფორმაცია მუდმივად ახლდებოდა და ქვეყნდებოდა კომისიის ვებგვერდზე www.gnerc.org, ასევე ოფიციალურ Facebook, Twitter, Feedc, Youtube და Linked in გვერდებზე.

ნინო გულეიშვილი ზუგდიდის მუნიციპალიტეტში არსებულ კომუნალურ პრობლემებს გაეცნო

ენერგეტიკისა და წყალმომარაგების სექტორებში მომხმარებელთა ინტერესების საზოგადოებრივიდამცველის მოვალეობის შემსრულებელი, ნინო გულეიშვილი ზუგდიდის მუნიციპალიტეტის  ადგილობრივი თვითმმართველობისა და  სოფლების წარმომადგენლებს შეხვდა. ნინო გულეიშვილმაშეხვედრის მონაწილეებს გააცნო მომხმარებელთა უფლებების დამცველის სამსახურის ფუნქცია-მოვალეობები და მათგან მოისმინა ელექტროენერგიის, ბუნებრივი გაზისა და წყალმომარაგების კუთხით არსებული გამოწვევები. ​შეხვედრის მონაწილეების მიერ ყურადღება გამახვილდა კომუნალური კომპანიების მხრიდან სისტემური დარღვევების შესახებ. ნინო გულეიშვილის ინიციატივით, მომხმარებელთა უფლებების დაცვისა და კომუნალური კომპანიების მონიტორინგის მიზნით,დაიგეგმა ზუგდიდის მუნიციპალიტეტშიმომხმარებელთა ინტერესების დამცველისწარმომადგენლის ყოველკვირეული ვიზიტი. იგიადგილზე გაეცნობა მომხმარებლების პრობლემებს, გაუწევს სამართლებრივ კონსულტაციებს და დაეხმარება მათ კომუნალურ კომპანიებთან არსებული პრობლემების მოგვარებაში.

სემეკი: თბილისში წყალმომარაგების პრობლემის აღმოფხვრამდე, ელექტროენერგიისა და ბუნებრივი გაზის გეგმური სარეაბილიტაციო სამუშაოების ჩატარება შეჩერებულია

ქ. თბილისში არსებული წყალმომარაგების პრობლემის აღმოფხვრამდე, ელექტროენერგიისა და ბუნებრივი გაზის გეგმური სარეაბილიტაციო სამუშაოების ჩატარება შეჩერებულია. გეგმური გათიშვების შეჩერებასთან დაკავშირებით აბონენტები კომუნალური კომპანიებისგან სმსშეტყობინებებს დამატებით მიიღებენ. ქ. თბილისში ელექტროენერგიისა და ბუნებრივი გაზის გეგმური სარეაბილიტაციო სამუშაოები განახლდება შპს „ჯორჯიან უოთერ ენდ ფაუერის“ მიერ წყალმომარაგების სრულად აღდგენის შემდეგ.  დამატებითი ინფორმაციის მისაღებად ან პრობლემის დასაფიქსირებლად, მოქალაქეებს შეუძლიათ დაუკავშირდნენ  საქართველოს ენერგეტიკისა და წყალმომარაგების მარეგულირებელ ეროვნულ კომისიას (სემეკ) შემდეგ ნომერზე: 16 216.  

2023 წელს მომხმარებლებს 3.634 მლნ ლარი ჩამოეწერათ - სემეკი

სემეკის მიერ გამოქვეყნებული წლიური ანგარიშიდან ირკვევა, რომ გასულ წელს მომხმარებლებს ჯამში დაახლოებით 3 მილიონ 634 ათასი ლარი ჩამოეწერათ.„2023 წელს კომისიამ განიხილა 165 განცხადება ხანდაზმულ დავალიანებებთან დაკავშირებით, საიდანაც სრულად დაკმაყოფილდა 102, ნაწილობრივ – 20, ხოლო არ დაკმაყოფილდა 43. ჩამოწერილმა თანხებმა შეადგინა 144 778. ამასთან, სულ საანგარიშო პერიოდში კომისიამ მომხმარებელთა საჩივრების დეპარტამენტში შემოსული 2959 სადავო საკითხის განხილვის შედეგად მიიღო 1080 გადაწყვეტილება. ჩამოწერილი თანხების საერთო ოდენობამ საანგარიშო პერიოდში შეადგინა 3 633 914.98 ლარი. აქედან გადაწყვეტილებების საფუძველზე ჩამოწერილი თანხების რაოდენობამ შეადგინა 1 248 204.79 ლარი, ხოლო წერილების საფუძველზე ჩამოწერილი თანხების რაოდენობამ – 2 385 710. 19 ლარი“. - აღნიშნულია დოკუმენტში.სემეკში ასევე აცხადებენ, რომ დავების განხილვის პრაქტიკისა და ახალი კანონმდებლობის გათვალისწინებით, კომისიაში მიმდინარეობს სამივე სექტორის მარეგულირებელი წესების სისტემური სრულყოფა, რაც ასევე გავლენას იქონიებს მომხმარებელთა განცხადება/საჩივრების რაოდენობასა და მათ შინაარსზე.სემეკის დოკუმენტში ასევე ყურადღებაა გამახვილებული მომხმარებელთა უფლებების დაცვაზე, როგორც მარეგულირებლის ერთ-ერთ მთავარ პოლიტიკაზე.„მომხმარებელთა უფლებების დაცვა მუდმივი გადაფასებისა და განვითარების პროცესშია. მომხმარებელთა უფლებების დამცავი ქმედითი მექანიზმების შემოღება და არსებულის გაუმჯობესება ფეხდაფეხ მიჰყვება საზოგადოების განვითარებისა და ბაზრის სტაბილურობის უზრუნველყოფის მოთხოვნებს, ამიტომ მომხმარებლებზე ზრუნვა, მათი უფლებების დაცვის ეფექტური სამართლებრივი მექანიზმების შექმნა კომისიის საქმიანობის ერთ-ერთი ძირითადი მიმართულებაა. დავების განხილვისას კომისიისა და სასამართლოს ერთგვაროვანი პრაქტიკის ჩამოყალიბება და ძირითადად მათ შესაბამისად სადავო საკითხების გადაწყვეტა მნიშვნელოვნად უწყობს ხელს მომხმარებელთა უფლებების დაცვას და ამცირებს მათ მომართვიანობას კომისიაში“. - აცხადებს სემეკი.აქვე შეგახსენებთ, რომ სემეკის 2023 წლის საქმიანობის ანგარიში ვრცლად მოცემულია ბმულზე.

სემეკში წყალმომარაგების საკითხებზე FCC Aqualia-ს წარმომადგენლებთან შეხვედრა გაიმართა

საქართველოს ენერგეტიკისა და წყალმომარაგებისმარეგულირებელ ეროვნულ კომისიაში (სემეკ), ქ. თბილისის, ქ. რუსთავისა და ქ. მცხეთისწყალმომარაგების საკითხებზე შპს „ჯორჯიან უოთერენდ ფაუერის“ ინვესტორი კომპანიის FCC Aqualia-საღმასრულებელ დირექტორთან სანტიეგოლაფუენტეს პერეს ლუკასთან, რეგიონულდირექტორთან ხოსე ენრიკე ბოფილ მაესტრესთან დაშპს „ჯორჯიან უოთერ ენდ ფაუერის“ მენეჯმენტთანშეხვედრა გაიმართა. ​სემეკის მხრიდან შეხვედრას ესწრებოდნენ კომისიისთავმჯდომარე დავით ნარმანია, კომისიის წევრებიდა წყალმომარაგების დეპარტამენტისწარმომადგენლები. შეხვედრაზე მხარეებმაგანიხილეს სექტორში არსებული მარეგულირებელინორმები და სტანდარტები, შპს „ჯორჯიან უოთერ ენდფაუერის“ მომსახურების არეალში წყალმომარაგებისგაუმჯობესების მიზნით მიმდინარე და დაგეგმილისაინვესტიციო პროექტები. ასევე, ისაუბრესკომპანიის სამომავლო გეგმებზე. ​ FCC Aqualia-მ 2022 წელს 180 მილიონ დოლარიანიინვესტიცია განახორციელა და შპს „ჯორჯიან უოთერენდ ფაუერის“ 80%-იანი წილი შეისყიდა. Aqualiaდასახელებულია როგორც მსოფლიოში საუკეთესოწყლის მენეჯმენტის კომპანია, რომლისაქციონერებიც არიან უმსხვილესი საერთაშორისოორგანიზაციები FCC (51%) და IFM (49%).