ანდრია გვიდიანი: “ენერგეტიკის სექტორში ინვესტორზე ორიენტირებული საინვესტიციო გარემოა”

ISFED-მა „ნამახვანჰესის“ მოწინააღმდეგე ჯგუფების შესახებ კვლევას უნდა გადახედოს“ – ანდრია გვიდიანი

8 ივლისს გამართულ პრესკონფერენციაზე, ანდრია გვიდიანმა „რიონის ხეობის მცველების“ და სამოქალაქო სექტორის თანამშრომლობის საკითხზე ისაუბრა. მისი თქმით, ბევრი ორგანიზაცია ფიქრობდა, რომ გოლეთიანსა და მის თანამოაზრეებს ღირებულებითი ერთობა ამოძრავებდათ.

როგორც ანდრია გვიდიანმა პრესკონფერენციაზე აღნიშნა, ერთ-ერთმა დიდმა არასამთავრობო ორგანიზაცია ISFED-მა კვლევა გამოაქვეყნა, სადაც ულტრანაციონალისტურ ჯგუფებს რიონის ხეობის მცველების დისკრედიტაციაში ამხელდა თუმცა,  „რიონის ხეობის მცველების“ და ულტრანიციონალისტური ​ჯგუფების ჰომოფობიის ირგვლივ გაერთიანებამ, მათი იდეური მოკავშირეობა დაადასტურა.

რიონის ხეობის მცველების მიერ ე.წ. პრაიდის წინააღმდეგ მიმართული ღონისძიებების ღია მხარდაჭერამ, ბევრ ბუნდოვან კითხვას ნათელი პასუხები გასცა. პირადად მე გამიმყარდა მოსაზრებები იმის შესახებ, რომ რიონის ხეობის მცველები შექმნილია პოლიტიკური მოტივებით. სინამდვილეში ამ ორგანიზაციას არანაირი კავშირი არ აქვს არც გარემოს და არც რიონის ხეობის დაცვასთან. მხედველობაში მაქვს ის, რომ აბსოლუტურად გაუგებარია თუ რა შეიძლება აკავშირებდეს თითქოს გარემოზე ზრუნვის იდეით შექმნილ ორგანიზაციას, სექსუალური უმცირესობების წინააღმდეგ მიმართულ აქციასთან“, – განაცხადა ანდრია გვიდიანმა.

მისივე თქმით, ISFED-მა საკუთარ კვლევაში ინფორმაცია გაავრცელა, თითქოს ქართული იდეის ულტრანაციონალისტური ჯგუფი რიონის ხეობის მცველების დისკრედიტაციას ეწეოდა. დღეს კი ამ ჯგუფების კავშირი უკვე ნათელია.

„ვთვლი, რომ ISFED-მა საკუთარ კვლევას უნდა გადახედოს. შესაბამისად, საზოგადოების შეცდომაში შეყვანის რისკების თავიდან აცილების მიზნით, მნიშვნელოვანია ამ ორგანიზაციის მიერ მოხდეს საკუთარი კვლევის განახლება და შინაარსობრივად მცდარი ინფორმაციის ცვლილება, – აღნიშნა გვიდიანმა.

შეგახსენებთ, სამართლიანი არჩევნებისა და დემოკრატიის საერთაშორისო საზოგადოებამ (ISFED) 21 ივნისს სოციალური ქსელის მონიტორინგის ამსახველი მორიგი კვლევა გამოაქვეყნა, რომლის ფოკუსშიც ფალავანდიშვილების პარტია “ქართული იდეა” მოექცა.  კვლევის თანახმად აღნიშნული პარტია ეწევა მადისკრედიტებელ კამპანიებს, მათ შორის „რიონის ხეობის მცველების“ წინააღმდეგაც.

Leave a Reply