განვითარებადი ქვეყნების კლიმატური პრობლემების მოსაგვარებლად, ყოველწლიურად 100 მილიარდი დოლარი გამოიყოფა

განვითარებადი ქვეყნების კლიმატური პრობლემების მოსაგვარებლად, ყოველწლიურად 100 მილიარდი დოლარი გამოიყოფა

გაეროს კლიმატური ცვლილებების კონფერენციის მონაწილეებმა საბოლოო დოკუმენტის ტექსტი შეათანხმეს. ამის შესახებ ინფორმაციას საფრანგეთის მთავრობა ავრცელებს.

საბოლოო დოკუმენტი მას შემდეგ დამტკიცდება, რაც ტექსტს გაეროს ექვს ოფიციალურ ენაზე გადათარგმნიან და კონფერენციის მონაწილე ქვეყნების მინისტრები მხარს დაუჭერენ.

დოკუმენტის შემუშავებაში 195 სახელმწიფოს დელეგატები მონაწილეობდნენ. გავრცელებული ცნობით, საკამათო საკითხებად სათბური აირების ატმოსფეროში გაფრქვევის მოცულობა და გლობალური დათბობის ტემპერატურის ზღვარი იყო.

პროექტი ინდუსტრიულად განვითარებულ ქვეყნებს დაავალდებულებს, რომ 2020 წლიდან კლიმატურ ცვლილებებთან ბრძოლის საკითხში ეკონომიურად სუსტი ქვეყნების დასახმარებლად ყოველწლიურად 100 მილიარდი დოლარი გამოყონ. ახალი შეთანხმება კიოტოს ოქმს ჩაანაცვლებს და ძალაში 2020 წლიდან შევა.

 

Leave a Reply

Menu Title